Hɔrɔya 3:4 - Alla la Kitabu Seniman

⁴ Allabatala ka a yen tuma mɛn na ko Musa ra madon ka a ragbɛ, a tora jiri tunin dɔ ka a kan nabɔ Musa ma ko: «Musa, Musa.» Musa ka a jabi: «Naamun.»

Hɔrɔya 3:4 ပူးပေါင်းရင်းမြစ်များ

A Damira 22:1

Nba, waati wo taminni kɔ rɔ, Alla ka Iburahima kɔrɔbɔ. A ka a kili ko: «Iburahima.» Iburahima ka a fɔ ko: «Naamun.»

A Damira 22:11

Kɔni Allabatala la mɛlɛka tora sankolo rɔ ka a kan nabɔ Iburahima ma ko: «Iburahima, Iburahima!» Iburahima ka a fɔ ko: «Naamun.»

A Damira 28:16

Yakuba kunura sunɔɔ rɔ tuma mɛn na, a ka a fɔ ko: «Allabatala ye dinkira ɲin dɔ yan. N tun ma a lɔn.»

A Damira 46:2

Su wo rɔ, Alla ka Isirayɛli kili ko: «Yakuba, Yakuba!» A ka jabi: «Naamun.»

Hɔrɔya 19:3

Musa yɛlɛra koyinkɛ kan, ka wa Alla labɛn. Allabatala tora koyinkɛ kun tɛma ka a fɔ Musa yɛ ko: «I ye kuma ɲin fɔ Yakuba bɔnsɔnilu yɛ, Isirayɛlikailu kɔnin. Ko:

Hɔrɔya 3:2

Ka Musa to yɔrɔ wo rɔ, Allabatala la mɛlɛka ka a jɛrɛ yiraka a la jiri tunin tamɛlɛnama rɔ. Musa ka a ragbɛ. Ta ye jiri tunin na kɔni a tɛ janinna.

Hɔrɔya 33:12

Musa ka a fɔ Allabatala yɛ ko: «A ragbɛ, ile le ka a fɔ n yɛ ko: ‹Na jama ɲin di›, kɔni i kɛtɔ mɛn lɔla n fɛ ka n dɛmɛn, i ma wo tii fɔ n yɛ. I ka a fɔ ko: ‹N ka i tɔɔ lɔn›, a ni, ‹I la ko duman n yɛ.›

Hɔrɔya 4:5

Allabatala ka a fɔ a yɛ ko: «I ri wo kɛ, sa ii ri la a la ko Allabatala a ra a jɛrɛ yiraka i la, Allabatala mɛn ye ii benbailu Maari ri, Iburahima Maari Alla a ni Isiyaka Maari Alla a ni Yakuba fanan Maari Alla kɔnin.»

Kewalilu 10:13

Piyɛri ka kumakan do mɛn. A ka a fɔ ko: «Piyɛri, i wuli ka do faa ka a dɔɔn.»

Kewalilu 10:3

Nba, lon do rɔ wura tele la, Kɔrinɛli ka Alla la mɛlɛka yen nala a yɛ ɲayennin dɔ a la bon kɔndɔ. Wo ka a kili ko: «Kɔrinɛli.»

Kewalilu 9:4

Sawuli bera duu ma. A ka kumakan do mɛn ko: «Sawuli, Sawuli, i ye n tɔrɔla kojuuya nfenna?»