Hɔrɔya 24:4 - Alla la Kitabu Seniman

⁴ Allabatala tun ka kuma mɛnilu fɔ, Musa ka wo bɛɛ sɛbɛ. Wo duusa gbɛ, Musa wulira sɔɔma jona ka saraka janin diya lɔ koyinkɛ kɔrɔ, ka ban ka kaba tan ni fila lalɔ, Isirayɛlika la kabila kelen kaba kelen.

Hɔrɔya 24:4 ပူးပေါင်းရင်းမြစ်များ

A Damira 12:7

Awa Allabatala ka a jɛrɛ yiraka Iburama la, ka a fɔ a yɛ ko: «N di duu ɲin bɛɛ di i bɔnsɔn ma.» Wo le rɔ, Iburama ka saraka janin diya lɔ Allabatala bato kanma, Allabatala mɛn ka a jɛrɛ yiraka a la.

A Damira 28:18

Yakuba wulira sɔɔma da la jona. A tun ka kabakurun mɛn don a kun kɔrɔ, a ka wo ta ka a lalɔ ka a kɛ tɔɔmasere ri ka tulu mun a kan.

A Damira 28:22

N da kabakurun mɛn nalɔ ka a kɛ tɔɔmasere ri yan, wo ri kɛ Alla la bon di. I wa fen fen di n ma, n di wo ja di i ma.»

A Damira 31:45

Yakuba ka kabakurun do ta ka a lalɔ ka a kɛ tɔɔmasere ri.

Hɔrɔya 17:14

Allabatala ka a fɔ Musa yɛ ko: «I ye ko ɲin sɛbɛ kitabu lamininnin dɔ sa mɔɔilu kana ɲina wo rɔ. I ye a karan Josuwe ɲana sa a ri a mɛn, baa n di Amalɛkikailu halaki fɔɔ dunuɲa mɔɔilu ri ɲina ii la ko la fewu.»

Hɔrɔya 17:15

Musa ka saraka janin diya lɔ ka a tɔɔ la ko: «Allabatala ra se di n ma.»

Hɔrɔya 21:1

Allabatala ka a fɔ Musa yɛ ikɔ tuun ko: «I ye sariya ɲinilu fɔ Isirayɛlikailu yɛ.

Hɔrɔya 24:7

Alla tun ka teriya mɛn sidi ii yɛ, Musa ka wo kitabu ta ka a karan kan ba la jama ɲana. Jama ka a fɔ ko: «Allabatala ka mɛnilu fɔ, an di woilu bɛɛ latelen.»

Hɔrɔya 28:21

Kabakuru bɛɛ ladɛnnin ye kɛ tan ni fila ri, ka a bɛn Isirayɛlikailu la kabilailu jate ma. Ii tɔɔilu ye sɛbɛ nɛɛ la kabakurunilu kan, kabakurun kelen tɔɔ kelen. Tɔɔilu ye sɛbɛ ikomin tɔɔ ye sɛbɛla ɲa mɛn ma ɲanɔɔ kan.

Hɔrɔya 34:27

Allabatala ka a fɔ Musa yɛ ikɔ tuunni ko: «I ye kuma ɲinilu sɛbɛ, baa n da teriya sidi nde ni ile tɛma, a ni nde ni Isirayɛlikailu bɛɛ tɛma, ka a bɛn kuma woilu le ma.»

Luka 22:30

sa ai ri dɔɔnnin kɛ ka imin n dafɛ n na mansaya rɔ. Ai ri i sii mansaya siifenilu rɔ ka Isirayɛlika tan ni fila la kiti tɛɛ.»

Kalatikailu 2:9

Yakuba ni Sefasi ni Yuhana mɛnilu tɛrɛ ye jatela ɲɛmɔɔbailu ri, woilu jɛrɛ ka a ɲayen ko Alla le ka ɲumaya kɛ n yɛ ka n kelaya. Wo le rɔ, ii ka ii bolo don Barinabasi ni nde bolo, ka a yiraka an na ko an bɛɛ ye baarakɛɲɔɔnilu le ri. An bɛnda a ma ko andeilu ye wa kibaro ɲuma lase siya gbɛrɛilu ma, woilu fanan ye wa wo lase faanintakɛlailu ma.

Yosuwe 4:20

Josuwe ka kabakurun tan ni fila woilu lalɔ ye, cɛɛ tan ni fila tun ka mɛnilu ta Juridɛn Ba rɔ.

Yosuwe 4:5

ka a fɔ ii yɛ ko: «Ai ye wa tamin ai Maari Allabatala la teriya tɔɔmasere kankira ɲɛfɛ ka don Juridɛn Ba tɛmala rɔ. Ai ye kabakurunilu ta ye, mɔɔ kelen kabakurun kelen. Ai wa woilu ta, ai ye ii la ai kanbankun kan, kabila bɛɛ ni a la kabakurun.