Hɔrɔya 2:16 - Alla la Kitabu Seniman

¹⁶ Awa, Madiyan bɔnsɔn na sarakalasela do tɛrɛ ye, denmuso wɔrɔnwula tɛrɛ ye mɛn bolo. Denmuso woilu nara ii fa la kolofen mɛsɛnilu ri ii lamin diya kɔlɔn na ye. Denmusoilu ka ji ta damira ka a kɛ kolofenilu minfen kɔndɔ.

Hɔrɔya 2:16 ပူးပေါင်းရင်းမြစ်များ

A Damira 14:18

Salɛmu so mansa Mɛlikisedɛki nara Iburama kunbɛn ka sɔ buru ni rɛsɛnji a rɔ. Alla Kɔrɔtaniba sarakalasela le wo ri.

A Damira 24:11

A se mɛn kɛni ye, a ka ɲɔɔmɛilu lala kɔlɔn da la so kɔkan. A donda wura da le fɛ, musoilu ye wala ji ta diya kɔlɔn da la waati mɛn dɔ.

A Damira 24:13

N lɔni kɔlɔn da la yan, so kɔndɔ sunkurunilu ri na ji ta diya yan sisen.

A Damira 29:2

A seni yɔrɔ do rɔ, a ka kɔlɔn do yen wula rɔ. Saa kuru sawa lani tɛrɛ kɔlɔn da la. Wo ye laminna kɔlɔn wo le rɔ. Kɔlɔn wo da tuunni kabakurun mɛn na, wo ka bon tɛrɛ kosɛbɛ.

A Damira 41:45

Mansa ka Yusufu tɔɔ la ko Safinati Paneya, ka Potifera denmuso Asanati di a ma ka a kɛ a muso ri. Potifera wo tɛrɛ ye Ɔni so mɔɔilu la joo sarakalasela le ri. Nba, Yusufu kɛra Misiran jamana kunnasiila ri wo ɲa le ma.

Hɔrɔya 18:1

Nba, Allabatala Alla tun ka mɛn bɛɛ kɛ Musa ni Isirayɛlikailu yɛ ka ii labɔ Misiran, wo fɔra Musa birancɛ Jɛtiro yɛ, mɛn ye Madiyankailu la sarakalasela ri.

Hɔrɔya 18:12

Musa birancɛ Jɛtiro nara saraka ni saraka janinta di Alla ma. Haruna ni Isirayɛlikailu la mɔɔbakɔrɔilu bɛɛ nara ka dɔɔnnin kɛ Musa birancɛ fɛ Alla ɲakɔrɔ.

Hɔrɔya 3:1

Nba, Musa tɛrɛ ye a birancɛ Rɛwɛli la kolofen mɛsɛnilu marala. A birancɛ tɛrɛ ye Madiyan bɔnsɔn na sarakalasela le ri. Awa, lon do rɔ, Musa wara kolofenilu ri wula kɔndɔ, fɔɔ ka wa se Horɛbu koyinkɛ kɔrɔ, mɛn tɔɔ le ko Alla la koyinkɛ.