Efɛsikailu 4:9 - Alla la Kitabu Seniman

⁹ Nba, «A yɛlɛra san ma,» wo kɔrɔ ye nfen di? Wo kɔrɔ le ko a jiira le fanan dunuɲa rɔ duu kan.

Efɛsikailu 4:9 ပူးပေါင်းရင်းမြစ်များ

A Damira 11:5

Allabatala jiira ka so ni sankaso jan dagbɛ, adamadenilu ka mɛn lɔ.

Hɔrɔya 19:20

Allabatala jiira Sinayi koyinkɛ kun tɛma. A tora koyinkɛ kun tɛma ye ka Musa kili. Musa yɛlɛra.

Matiyu 12:40

Baa Nabi Junusa ka tele sawa ni su sawa kɛ jɛɛ ba kɔndɔ ɲa mɛn ma, Mɔɔ Dencɛ fanan di tele sawa ni su sawa kɛ duu kɔrɔ wo ɲa ma.

Yuhana 20:17

Isa ka a jabi: «I kana ifasa n na, baa n ma yɛlɛ fɔlɔ n Fa ma. Kɔni wa i fɔ n badenmailu yɛ ko: ‹N watɔ n Fa ma, a ni ai Fa fanan ma, n na Alla ma, a ni ai fanan na Alla ma.›»

Yuhana 3:13

Mɔɔ si ma don harijeene rɔ fɔɔ Mɔɔ Dencɛ, mɛn jiini ka bɔ harijeene rɔ.

Yuhana 6:33

Baa Alla la buru ye mɛn ye bɔla sankolo rɔ ka ɲenemaya banbali dila dunuɲa ma.»

Yuhana 6:38

Baa n ma jii ka bɔ sankolo rɔ n jɛrɛ sawo kɛ kanma, fo n kelayaba sawo.

Yuhana 6:41

Yahudiyailu ka Isa mafɔ damira ka a masɔrɔn a ka a fɔ ko: «N ye buru le ri mɛn jiini ka bɔ sankolo rɔ.»

Yuhana 6:51

Nde le ye buru ri, mɛn ye ɲenemaya dila mɔɔilu ma, mɛn jiini ka bɔ sankolo rɔ. Ni mɔɔ mɛn ka wo dɔɔn, wo ri to ɲenemaya rɔ kadawu. N di buru mɛn di, wo ye n jɛrɛ fari sobo le ri. N di wo di, sa dunuɲa mɔɔilu ri ɲenemaya sɔrɔn.»

Yuhana 6:58

Buru mɛn jiini ka bɔ sankolo rɔ, wo le ɲin di. A ni buru do ma fen kelen di, ai benbailu ka buru mɛn dɔɔn kɔnin. Ii ka a dɔɔn ka sa, kɔni ni mɔɔ mɛn ka buru ɲin dɔɔn, wo ye tola ɲenemaya banbali le rɔ.»

Yuhana 6:62

A ye di? Ni ai ka Mɔɔ Dencɛ yɛlɛtɔla yen ka wa a bɔ yɔrɔ kɔrɔ rɔ don?

Yuhana 8:14

Isa ka ii jabi: «Hali ni n wa kɛ n jɛrɛ sere di, n na sereya ye tuɲa le, baa n ka a lɔn n bɔni yɔrɔ mɛn dɔ a ni n watɔ yɔrɔ mɛn dɔ. Kɔni ai ma a lɔn n bɔni yɔrɔ mɛn dɔ a ni n watɔ yɔrɔ mɛn dɔ.