Efɛsikailu 4:13 - Alla la Kitabu Seniman

¹³ Wo ye kɛla le haan an bɛɛ ye kɛ kelen di lemɛniya ni Alla Dencɛ lɔn ko rɔ, ka an kɛ mɔɔ dafaniilu ri ikomin Ɲenematɔmɔnin na gbiliya dafani ɲa mɛn ma.

Efɛsikailu 4:13 ပူးပေါင်းရင်းမြစ်များ

Matiyu 11:27

«N Fa Alla ra fen bɛɛ karifa n na a la ko rɔ. Mɔɔ si ma Fa Alla Dencɛ lɔn bɛrɛbɛrɛ kɛ fɔɔ Fa Alla. Mɔɔ si fanan ma Fa Alla lɔn bɛrɛbɛrɛ kɛ fɔɔ a Dencɛ. Dencɛ wo wa a Fa yiraka mɛnilu la, woilu fanan di se a lɔnna.

Yuhana 1:16

Nba, an bɛɛ ra do sɔrɔn a la ɲumaya ba rɔ. Baa a ra ɲumaya kɛ an yɛ, ka do la a kan tuma bɛɛ.

Yuhana 16:3

Ii ri woilu kɛ ka a masɔrɔn ii ma n Fa lɔn, wala nde jɛrɛ.

Yuhana 17:21

sani bɛɛ ye kɛ kelen di. N Fa, ikomin ile ni nde ye kelen di, woilu fanan ni ande bɛɛ ye kɛ kelen di, sani dunuɲa ye a lɔn ko ile le ka n kelaya.

Yuhana 17:3

Wo rɔ ɲenemaya banbali ye mɛn di, wo le ɲin: ka ile lɔn, ile mɛn kelen pe ye Alla jɛrɛjɛrɛ ri, a ni ka Isa Ɲenematɔmɔnin fanan lɔn, i ka mɛn kelaya.

Yuhana 6:69

An da lemɛniya a ni an ka a lɔn ko i kelen de Mɔɔ Sɛniman mɛn bɔni Alla rɔ.»

Kewalilu 4:32

Lemɛniya mɔɔilu bɛɛ bɛnni tɛrɛ ko kelen ma. Ii jusu fanan tɛrɛ kelen de ri. Wo rɔ, mɔɔ si tun tɛ a bolofenilu kɛla a kelen ta ri. Ii tɛrɛ ye ii bolofenilu bɛɛ ratala ii ni i ɲɔɔn tɛ.

Kalatikailu 4:19

N denilu, n ye tɔrɔla ai la ko rɔ kokura ikomin muso mɛn ye tin ma. N di tɔrɔ ten haan Ɲenematɔmɔnin ye don ai rɔ tuma mɛn na.

Efɛsikailu 1:17

N ye Fa Alla, gbiliya tii, matarala ai yɛ, an Maari Isa Ɲenematɔmɔnin na Alla kosa a ye a la Nii Sɛniman najii ai ma mɛn ye hankilimaya dila, ka koilu lɛnkɛnɛmaya kosa ai la Alla lɔn ye makafu.

Efɛsikailu 1:23

Lemɛniya jama kɛni de ikomin Ɲenematɔmɔnin faribanku, mɛn nakanbalinin ko bɛɛ rɔ, Ɲenematɔmɔnin mɛn ye ko bɛɛ lakanbalila ɲa bɛɛ ma.

Efɛsikailu 2:15

Ale le ka sariya ban a ni a la jamariilu ni tɔnilu, ka wo jama filailu bɛɛ kɛ mɔɔ kura kelen di a jɛrɛ rɔ, ka jususuma lana ii tɛma,

Efɛsikailu 4:12

A ka an sɔ wo ɲa le ma kosa mɔɔ sɛnimanilu bɛɛ ye kusanya baara kɛla, kosa a la jama ye sabati mɛn kɛni Ɲenematɔmɔnin faribanku ri.

Efɛsikailu 4:3

ka karan ɲa bɛɛ ma kosa Nii Sɛniman ka bɛn mɛn di ai ma, wo ye to ai tɛma, ka tuun ai ɲɔɔn na jususuma rɔ.

Efɛsikailu 4:5

Maari kelen de ye a ni lemɛniya kelen a ni lasunnin kelen ji rɔ tubi kanma.

Filipikailu 3:10

N ye a fɛ sinɛn ka Isa lɔn, a ni fanka mɛn ka a lawuli ka bɔ saya rɔ, an ni ale ye tɔrɔya kelen di, ka kɛ ikomin ale a la saya rɔ

Filipikailu 3:8

Kɔni n ye koilu bɛɛ jatela bɔnɔ le ri fisamantɛ ɲin na ko rɔ mɛn kɛni Ɲenematɔmɔnin lɔn ko ri, Isa n Maari. Ka a masɔrɔn n da bɔnɔ ko bɛɛ rɔ a la ko rɔ. N da fen bɛɛ jate bɔɔ ri kosa n ye Ɲenematɔmɔnin sɔrɔn,

Kɔlɔsikailu 1:28

An di Mɔɔ Ɲenematɔmɔnin na ko lase mɔɔ bɛɛ ma, an di ii kawandi, ka ii karan lɔnnin bɛɛ ma kosa an ye na mɔɔ bɛɛ dɛfanin di Mɔɔ Ɲenematɔmɔnin ma.

Kɔlɔsikailu 2:2

N di kɛlɛ kɛ ii yɛ kosa ii jusu ye sɛɛbɛ don, ka kɛ faribanku kelen di kaninteya rɔ, ka lɔnnin dafani sɔrɔn hankilimaya rɔ kosa ii ye Alla la gbundu ko lɔn, Mɔɔ Ɲenematɔmɔnin,

Piyɛri Filana 1:4

Wo rɔ, a ra an lahidi lahidi gbɛlɛn na, mɛnilu ka bon ka tamin bɛɛ la, kosa ai ye ai jɛrɛ laban kɔsɔ koilu ma kunfan ye mɔɔilu lɔla mɛn ma dunuɲa ɲin dɔ, ko ai fanan di Alla la kɛɲa sɔrɔn.

Piyɛri Filana 3:18

Kɔni ai ye to bonyala an Maari ni an Nakisila Isa Ɲenematɔmɔnin na sɔli ni a lɔnnin dɔ. Gbiliya ye di ale le ma sisen haan habadan. Amina.

Yuhana Fɔlɔ 5:20

An ka a lɔn fanan ko Alla Dencɛ nara ka hankili di an ma, sa an di Alla jɛrɛ jɛrɛ lɔn. An sidini Alla jɛrɛ jɛrɛ ma, baa an sidini a Dencɛ Isa Ɲenematɔmɔnin ma. Ale le Alla jɛrɛ jɛrɛ ri. Ale le fanan ye ɲenemaya banbali dila mɔɔilu ma.