Efɛsikailu 4:12 - Alla la Kitabu Seniman

¹² A ka an sɔ wo ɲa le ma kosa mɔɔ sɛnimanilu bɛɛ ye kusanya baara kɛla, kosa a la jama ye sabati mɛn kɛni Ɲenematɔmɔnin faribanku ri.

Efɛsikailu 4:12 ပူးပေါင်းရင်းမြစ်များ

Luka 22:32

Kɔni n da Alla matara ile yɛ, kosa i la lemɛniya kana ban. I wa i kɔsɛ n ma, i ye i badenmailu sɛɛbɛ don.»

Kewalilu 1:17

A tɛrɛ ye an na dɛkuru le rɔ. An ka baara mɛn sɔrɔn Alla la, a sen tɛrɛ ye wo fanan dɔ.»

Kewalilu 1:25

Wo ye bila Judasi nɔ rɔ ka kɛ talibidenba di ka baara an ɲɔɔn fɛ, baa Judasi ka baara wo bila, ka wa a sara sɔrɔn mɛn ni a la baara juu sara ka kan.»

Kewalilu 11:23

A se mɛn kɛni ye, a ka Alla la ɲumaya nɔɔ yen lemɛniya mɔɔilu ma ka sɛwa. A ka lemɛniya mɔɔilu sɛɛbɛ don ko ii ye ii raja ka to Maari la sila kan.

Kewalilu 20:24

Ni n balora, wo tɛ foyi ri n ɲakɔrɔ. Mɛn tɔnɔ ye n ma, wo le n na baara ri, Maari Isa ka mɛn karifa n na. Fo n ye baara wo le ban ka Alla la kibaro ɲuma lase mɔɔilu ma, kibaro mɛn ye Alla la ɲumaya ko fɔla.

Kewalilu 20:28

Nba, ai ye ai janto ai jɛrɛ rɔ. Alla la Nii Sɛniman da mɔɔ mɛnilu karifa ai la, ai ye ai janto woilu fanan dɔ. Ai ye ai lɔ Alla la lemɛniya jamailu ɲɔrɔ ka ii latanka, baa a ra woilu kɛ a jɛrɛ ta ri a dencɛ la saya rɔ.

Kewalilu 9:31

Nba, wo tuma lemɛniya jama tɛrɛ ye jususuma rɔ Jude, a ni Kalile ni Samari. Maari tɛrɛ ye ii la lemɛniya sabatila. Ii tɛrɛ ye ii taamala Maari ɲɛsilanɲɛ le rɔ. Alla la Nii Sɛniman tɛrɛ ye ii sɛɛbɛ donna. Wo rɔ, mɔɔilu tɛrɛ ye donna ka la lemɛniya mɔɔilu kan.

Efɛsikailu 1:23

Lemɛniya jama kɛni de ikomin Ɲenematɔmɔnin faribanku, mɛn nakanbalinin ko bɛɛ rɔ, Ɲenematɔmɔnin mɛn ye ko bɛɛ lakanbalila ɲa bɛɛ ma.

Efɛsikailu 4:16

Ale le ka a kɛ lemɛniya jama ye kɛ faribanku kelen di, ka a la mɔɔilu to ii ɲɔɔn fɛ ikomin faribanku yɔrɔilu tuunnin ii ɲɔɔn na fasailu fɛ. Wo rɔ, ni fari yɔrɔilu bɛɛ ka a baara kɛ, a ri wara ten, ka kɔɔ kaninteya rɔ.

Efɛsikailu 4:29

Ai kana kuma koron si fɔ fɔɔ kuma ɲuma dɔrɔn mɛn di mɔɔilu dɛmɛn mɛn mako ye a la, kosa wo ye kɛ hina ri a lamɛn mɔɔilu yɛ.

Efɛsikailu 4:4

Lemɛniya jama kɛnin de ikomin faribanku kelen. Nii Sɛniman kelen de ye ikomin ai kilinin jii kelen ma ɲa mɛn ma.

Kɔlɔsikailu 1:24

Sisen, n sɛwani n na tɔrɔyailu rɔ ai la ko rɔ, baa wo tɔrɔya tɔ mɛnilu toni Ɲenematɔmɔnin na tɔrɔya la, n di wo dafa n faribanku rɔ lemɛniya jama yɛ mɛn kɛni a fari ri.

Kɔlɔsikailu 1:28

An di Mɔɔ Ɲenematɔmɔnin na ko lase mɔɔ bɛɛ ma, an di ii kawandi, ka ii karan lɔnnin bɛɛ ma kosa an ye na mɔɔ bɛɛ dɛfanin di Mɔɔ Ɲenematɔmɔnin ma.

Kɔlɔsikailu 4:17

Ai ye a fɔ Arikipe yɛ ko: «I ka baara mɛn sɔrɔn Maari la, a kɛ i hankili la, ka a lakanbali.»