Efɛsikailu 1:18 - Alla la Kitabu Seniman

¹⁸ N ye Alla matarala ai yɛ kosa ai ye koilu ɲayen ai jusu rɔ, ka gbɛ, kosa a ka ai kili jii mɛn ma, ai ye wo lɔn, a ka a cɛ nɔɔrɔ gbiliyanin mɛn to a la jama sɛniman yɛ,

Efɛsikailu 1:18 ပူးပေါင်းရင်းမြစ်များ

Matiyu 13:15

Baa siya ɲin da ii ban famunyali ma. Ii ra ii tolo gbɛdɛn ka ii ɲa masidi. Ni wo tɛ, ii ɲa tun di yenni kɛ, ii tolo tun di mɛnni kɛ, ii hankili tun di famunyali sɔrɔn, ii tun di ii kɔsɛ ka na nde Alla ma. Wo rɔ, n tun di ii kisi.›»

Luka 24:45

Wo rɔ, a ka hankili di ii ma, sa ii ri se ka Alla la kuma ɲayen.

Kewalilu 16:14

Muso kelen tɛrɛ ye ii rɔ, mɛn tɔɔ ko Lidi. A bɔni Tiyatiri. Jula le tɛrɛ, mɛn ye faanin dagbɛlɛn wulenman ɲalagbɛ mayirala. Alla batoba le a ri. Maari ka a kɛ, a ka Pɔli la kuma mɛn tuma mɛn na, a ka wo famun ka a mira.

Kewalilu 26:18

I ri wa ii ɲa laka, ka ii bɔ dibi rɔ ka na kɛnɛ rɔ. I ri ii bɔ Setana se kɔrɔ ka ii lana Alla ma. Wo rɔ, ii la kojuu ri yafa ii ma. Ii ri sii diya sɔrɔn Alla la mɔɔilu fɛ, mɛnilu ra lemɛniya nde ma kɔnin.›

Kalatikailu 5:5

Kɔni andeilu, an jii ye a ka a fɔ ko Alla ri an jate mɔɔ telenni ri. Nii Sɛniman ye an dɛmɛnna ka wo le makɔnɔ ka fara an na lemɛniya la.

Efɛsikailu 1:11

An suwandini fanan kɛ Alla ta ri Ɲenematɔmɔnin baraka rɔ, ikomin Alla tɛrɛ ra a latɛɛ an ma ɲa mɛn ma, Alla mɛn ye ko bɛɛ lakanbalila a jɛrɛ la latɛɛ ni a sawo rɔ.

Efɛsikailu 1:7

Ka a masɔrɔn an da kunka Isa jeli fɛ, ka an julumunilu kafari, ka fara a la hina ba la,

Efɛsikailu 2:12

Ai tɛrɛ tɛ Ɲenematɔmɔnin dɔ wo waati rɔ. Ai tɛrɛ ma kan ka Isirayɛli cɛ sɔrɔn, Alla la jama. Lɔndanilu le tɛrɛ ai ri. Teriya lahidi si tɛrɛ tɛ ai ni Alla tɛma. Jii si tɛrɛ tɛ ai ma, Alla tɛrɛ tɛ ai rɔ dunuɲa rɔ.

Efɛsikailu 3:16

N ye ai matarala ko ai ye sɔn ai la gbiliya nɔɔrɔ rɔ, ka ai sɛɛbɛ don fanka la ai la mɔɔya koilu rɔ a la Nii Sɛniman baraka rɔ,

Efɛsikailu 3:8

Hali n dɔɔman mɔɔ sɛnimanilu bɛɛ ko, adon Alla ra a la hina latɛɛ n ma, ko n ye Ɲenematɔmɔnin na ko Kibaro Ɲuma nɔɔrɔ banbali lase siya gbɛrɛilu ma.

Efɛsikailu 4:1

Wo rɔ, nde mɛn kɛni kasolamɔɔ ri Maari la ko rɔ, n ye ai madiyala, Alla ra ai kili mɛn kɛ ko ma, ai taama ɲa ye bɛn wo ma.

Efɛsikailu 4:4

Lemɛniya jama kɛnin de ikomin faribanku kelen. Nii Sɛniman kelen de ye ikomin ai kilinin jii kelen ma ɲa mɛn ma.

Efɛsikailu 5:8

Ka a masɔrɔn aile fanan kɛnin tɛrɛ le ikomin dibi kɔni sisen ai ra kɛ ikomin kɛnɛya Maari baraka rɔ. Wo rɔ, ai ye taama ikomin kɛnɛya mɔɔilu.

Filipikailu 3:14

N ye n borila, kosa n ye wa se a dan ma, ka n kɔndɔn sɔrɔn, Alla ka n kili mɛn ma Ɲenematɔmɔnin Isa baraka rɔ.

Kɔlɔsikailu 1:12

Ai ye baraka bila Fa Alla yɛ sɛwa rɔ baa ale le ka a kɛ ai ka cɛ sɔrɔn mɛn ye kɛnɛ mansaya rɔ jama sɛniman yɛ.

Kɔlɔsikailu 1:23

Kɔni, fɔɔ ai ye to lemɛniya kan fewu, kosa ai kana mataa Kibaro Ɲuma jii la ai ka mɛn mɛn mɛn naseni dalifen bɛɛ ma a ni nde Pɔli kɛni mɛn na baaraden di.

Kɔlɔsikailu 1:27

Alla ra sɔn siyailu bɛɛ ye a la gbundu nanfulu mirima lɔn. Wo gbundu le ten: Mɔɔ Ɲenematɔmɔnin mɛn ye gbiliya jii ri, a ri to ai rɔ.

Kɔlɔsikailu 1:5

Wo le rɔ, ai la lemɛniya ni ai la kaninteya kun lɔni wo jii le ma, mɛn namarani ai yɛ harijeene rɔ. Ai ra wo jii lɔn, Kibaro Ɲuma ba tuɲa kuma sera ai ma tuma mɛn na.

Kɔlɔsikailu 2:2

N di kɛlɛ kɛ ii yɛ kosa ii jusu ye sɛɛbɛ don, ka kɛ faribanku kelen di kaninteya rɔ, ka lɔnnin dafani sɔrɔn hankilimaya rɔ kosa ii ye Alla la gbundu ko lɔn, Mɔɔ Ɲenematɔmɔnin,

Kɔlɔsikailu 3:15

Mɔɔ Ɲenematɔmɔnin na jususuma ye sabati ai jusu rɔ. Baa Alla ka ai kili wo le fɛ, ka ai kɛ faribanku kelen di. Ai ye kɛ waliɲuma lɔnna ri.

Piyɛri Fɔlɔ 1:3

Tando ye kɛ an na Maari Isa Ɲenematɔmɔnin na Fa a ni Alla yɛ. A ra a kɛ a la kininkinin ba rɔ, ka an kɔsɛ, ka sɔrɔn kokura, ka don niilakisi jii rɔ Isa Ɲenematɔmɔnin nawuli fɛ mɛn bɔni saya rɔ.

Piyɛri Fɔlɔ 3:9

Ai kana kojuu sara kojuu la, ka nanili sara nanili la, kɔni ai ye duwawu kɛ, ka a masɔrɔn Alla ka ai kili wo le ma kosa ai ye baraka sɔrɔn ai cɛɛya la.

Piyɛri Fɔlɔ 5:10

Ai wa tɔrɔ waati do rɔ, Alla hina bɛɛ tii mɛn ka ai kili habadan gbiliya rɔ Ɲenematɔmɔnin dɔ, wo jɛrɛ ri ai lawuli, ka ai fanka di ai ma, ka ai kologbɛlɛya, ai ma yɛrɛyɛrɛ.