Kɔlɔsikailu 4:6 - Alla la Kitabu Seniman

⁶ Ai la kuma ye kɛ sɔli kuma bɛrɛ le ri. Ai ye a lɔn ai ye mɔɔ bɛɛ jabila a ɲuma la ɲa mɛn ma.

Kɔlɔsikailu 4:6 ပူးပေါင်းရင်းမြစ်များ

Matiyu 5:13

«Nba, aile ye kɔɔ ri duukolo kan yan. Kɔni ni kɔɔ timinya bɔra a la, a ri se timinyala ikɔ di? A tɛ foyi ɲala butun. A ri lafili kɛnɛ ma, mɔɔilu tamintɔ ri a radɔn.

Luka 4:22

Ii bɛɛ tɛrɛ ye a tɔɔ ɲuma fɔla, baa ii kabannakoyani a la kuma ɲumailu rɔ. Wo rɔ, ii ka i ɲɔɔn maɲininka ko: «Yusufu dencɛ tɛ ɲin di wa?»

Efɛsikailu 4:29

Ai kana kuma koron si fɔ fɔɔ kuma ɲuma dɔrɔn mɛn di mɔɔilu dɛmɛn mɛn mako ye a la, kosa wo ye kɛ hina ri a lamɛn mɔɔilu yɛ.

Kɔlɔsikailu 3:16

Mɔɔ Ɲenematɔmɔnin na kuma ye to ai bɛɛ jusu rɔ, a diya bɛɛ rɔ, ka ai ɲɔɔn karan, ka ai ɲɔɔn nali lɔnnin bɛɛ la, a ni Yaburi kumailu ni kalamanilu ni Alla tando kalaman sɛnimanilu la, ka baraka bila Alla yɛ ai jusu rɔ.

Piyɛri Fɔlɔ 3:15

Kɔni ai ye Ɲenematɔmɔnin gbiliya ai Maari ri ai jusu rɔ. Ai ye to rabɛnni ai kun mafɔ ko la ka bɛn ai jii ma, ii wa ai maɲininka waati mɛn na.