Kɔlɔsikailu 3:5 - Alla la Kitabu Seniman

⁵ Wo le rɔ, dunuɲa kojuu mɛnilu ye ai rɔ, ai ye woilu faa ai jusu rɔ: kaninkɛ, kɔsɔ koilu, kunfan juuilu, diyana kojuuilu, a ni nata, mɛn kɛni joo bato ri.

Kɔlɔsikailu 3:5 ပူးပေါင်းရင်းမြစ်များ

Hɔrɔya 37:22

Fitinasiilan ni a kuruilu ni a bolonilu bɛɛ ri ladan sanin jɛrɛwolo gbasinin dɔ. Wo bɛɛ kɛra fen kelen de ri.

Matiyu 15:19

baa ko kɔrɔn mɛn ye bɔla mɔɔ jusukun dɔ, woilu le ɲin di: miriya juu, mɔɔfaa, kaninkɛla, jatɔya su bɛɛ, suɲali, sereya juu bɔ, a ni mɔɔ tɔɔ tiɲan.

Kalatikailu 5:24

Mɔɔ mɛnilu ye Isa Ɲenematɔmɔnin ta ri, ii ra ii sawonan koilu ni ii nata juu bailu bɛɛ gbɔngbɔn jiri kan.

Efɛsikailu 4:19

Ii tɛ maloyala butun. Ii ra ii jɛrɛ kɛ haramun ko kɛlailu ri kosa ii ye ko kɔsɔni su bɛɛ kɛ haan ka to kunfanna.

Kɔlɔsikailu 2:11

Ai ra faaninta kɛ Isa fɛ, mɔɔilu la faaninta tɛ mɛn di, kɔni mɛn ye mɔɔilu hɔrɔyala faribanku diyana koilu fanka ma, Mɔɔ Ɲenematɔmɔnin ye mɛn kɛla.

Yakuba 4:1

Nba, kɛlɛ ni sɔsɔli mɛnilu ye ai ni i ɲɔɔn tɛ, woilu bɔni mi? Ii ma bɔ ai la nata juuilu le rɔ wa, mɛnilu ye kɛlɛ kɛla ai la ɲenemaya rɔ tuma bɛɛ?

Piyɛri Fɔlɔ 2:11

Nba, n kanintenilu, ai le mɛnilu kɛni ikomin londanilu ni taamalailu dunuɲa rɔ, n ye ai madiyala, ai ye ai jɛrɛ mira faribanku kunfan koilu ma mɛnilu ye ai nii kɛlɛla.