Kɔlɔsikailu 2:8 - Alla la Kitabu Seniman

⁸ Ai ye a kɛ ai hankili la, kosa mɔɔ si kana ai mira dunuɲa kuma fuuilu ni majuuwaya koilu fɛ, ka fara adamadenilu la namunilu ni dunuɲa tanama koilu la, mɛnilu bɔni tɛ Mɔɔ Ɲenematɔmɔnin dɔ.

Kɔlɔsikailu 2:8 ပူးပေါင်းရင်းမြစ်များ

Matiyu 10:17

Ai ye ai janto ai jɛrɛ rɔ mɔɔilu kanma. Ii ri ai mira ka wa ai ri kititɛɛ diya. Ii ri ai gbasi gbiɲɛ la ii la salibonilu kɔndɔ.

Matiyu 16:6

Isa ka a fɔ ii yɛ ko: «Ai ɲa lɔ. Ai ye ai janto ai jɛrɛ rɔ Farisilu ni Sadusiilu la lɛbɛn kanma.»

Matiyu 7:15

«Ai ye ai jɛrɛ kɔrɔsi wuya nabiilu ma. Ii ye ii jɛrɛ kɛla ikomin saailu, mɛnilu ma juu, ka a tɛrɛn wara juuilu le.

Kewalilu 17:18

Karanmɔɔ doilu tɛrɛ ye, mɛnilu tɔɔ ko Epikuri a ni Sitoyiki la mɔɔilu. Woilu wulira ka Pɔli sɔsɔ. Doilu ka a fɔ ko: «Kuma siyaman ba tii ɲin kan di?» Dogbɛrɛilu ka a fɔ ko: «A kɛni ikɔ a ye batofen do le la ko lasela, an ma mɛn lɔn.» Ii ka wo le fɔ ka a masɔrɔn Pɔli tɛrɛ ye Isa la kibaro ɲuma lasela ka a lawuli ko fɔ ka a bɔ saya rɔ.

Kewalilu 17:32

Mɔɔilu ka su lawuli ko mɛn Pɔli da rɔ tuma mɛn na, doilu ka a mayɛlɛ. Kɔni doilu ka a fɔ ko: «An ye a fɛ i ye do la kuma ɲin kan lon gbɛrɛ.»

Kalatikailu 1:14

N jɛrɛ siya mɔɔilu tɛma, n tɛrɛ ye wala ɲɛfɛ Yahudiyailu la dina sila kan ka tamin n kanyaɲɔɔ ma fan ba kan, baa n benbailu la landailu tun ka gbɛlɛn n ma kosɛbɛ.

Kalatikailu 4:3

Andeilu fanan tɛrɛ ten de. An tɛrɛ ye denninya rɔ tuma mɛn na, an tɛrɛ ye dunuɲa koilu fanka le kɔrɔ, ka kɛ woilu la jɔnilu ri.

Kalatikailu 4:9

Kɔni sisen ai ka Alla lɔn; tuɲa le Alla ka ai lɔn. Ai ye a fɛ ka wa dunuɲa ko barakatanilu le kɔ ikɔ wo rɔ wa, wo mɛnilu tɛ foyi ɲala ai ma? Ai ye a fɛ ka kɛ woilu la jɔnilu ri kokura wa?

Kalatikailu 5:15

Ni ai ka ai ɲɔɔn cin ka ai ɲɔɔn rafarafara, ai ri ai jɛrɛ tiɲan.

Efɛsikailu 2:2

ai tɛrɛ ye taamala mɛnilu rɔ ai tɛrɛ ye dunuɲa ɲin koilu rɔ waati mɛn na, a ni duu ni sankolo tɛmala jinailu kuntii, wo nii juu mɛn ye baarala Alla masɔsɔ mɔɔilu rɔ ten.

Efɛsikailu 4:20

Kɔni aile ma Ɲenematɔmɔnin na ko karan wo ɲa ma.

Efɛsikailu 5:6

Ai kana sɔn mɔɔ si ye ai majuuwaya kuma fuuilu fɛ, ka a masɔrɔn Alla la mɔnɛ ye nala kuma mirabaliilu le kanma wo ko suilu le la ko rɔ.

Filipikailu 3:2

Aile ye ai mataa wo wuluilu la, wo kojuu kɛlailu la, wo mɔɔilu la mɛnilu ye a magbɛlɛyala wuya rɔ ko ni mɔɔ ma faaninta kɛ a tɛ kisila.

Kɔlɔsikailu 2:18

Ai kana sɔn, mɔɔ si ye ai jalaki jɛrɛ majii rɔ wuya rɔ a ni mɛlɛka bato fɛ. Wo mɔɔ su ye a wasola a la koyennilu le la ko rɔ. A fani waso fuu le la a la adamadenya miriya rɔ,

Kɔlɔsikailu 2:20

Ni ai ni Mɔɔ Ɲenematɔmɔnin ra faa ai ɲɔɔn fɛ, ka ai hɔrɔya dunuɲa tanama koilu ma, nfenna wo rɔ ai ye taamala ikomin dunuɲa mɔɔ le ai ri? Nfenna ai ye sɔnna ii ye tɔn su ɲinilu la ai ma?

Kɔlɔsikailu 2:22

Woilu kɛni fenilu le ri mɛnilu ye tununna ka tamin ii wa labaara waati mɛn na. Woilu kɛni jamariliilu ni karanilu le ri ka fara mɔɔilu la.

Kɔlɔsikailu 2:23

Wo jamariliilu munuɲani ko kɔrɔlɔn de ri, ka fara ii diyagboya bato ɲa ma, a ni ii la jɛrɛ majii, a ni ii faribanku mira ɲa gbɛlɛn, kɔni fanka tɛ woilu la, ka faribanku natailu kolo.

Piyɛri Fɔlɔ 1:18

Ai ka a lɔn ko ai ma kunka ai failu la namun ko fuuilu ma, fen tiɲan tailu la ikomin wodi wala sanin,

Piyɛri Filana 3:17

Wo le rɔ, n kanintenilu, baa ai le lalɔnni, ai ye a kɛ ai hankili la, kosa sariyalɔnbaliilu la fili kana se ai ma, ka bɔnɔ ai lɔdiya barakani rɔ.

Yuhana Filana 1:8

Wo le rɔ, ai ye a kɛ koɲuma, sa ai kana bɔnɔ ai la baara tɔnɔ rɔ fo ka wo baarayi dafanin sɔrɔn.