Kɔlɔsikailu 2:18 - Alla la Kitabu Seniman

¹⁸ Ai kana sɔn, mɔɔ si ye ai jalaki jɛrɛ majii rɔ wuya rɔ a ni mɛlɛka bato fɛ. Wo mɔɔ su ye a wasola a la koyennilu le la ko rɔ. A fani waso fuu le la a la adamadenya miriya rɔ,

Kɔlɔsikailu 2:18 ပူးပေါင်းရင်းမြစ်များ

A Damira 3:13

Allabatala Alla ka a fɔ muso yɛ ko: «I ka nfen kɛ ɲin di?» Muso ka a fɔ ko: «Sa le ka n manɛɛn ka n lɔɔ a dɔɔnna.»

Matiyu 24:24

baa wuya nabiilu ri wuli, a ni mɛnilu ka a fɔ ko iile ye Ɲenematɔmɔnin di. Ii ri tɔɔmasere bailu ni kabannakoilu kɛ ka Alla la mɔɔ suwandiniilu lafili, ni wo ri se kɛla.

Efɛsikailu 4:17

Nba, n ye lalili kuma ɲin fɔ ai yɛ Maari tɔɔ rɔ: Ai kana taama butun ikomin lemɛniyabaliilu. Ii miriyailu bilani fufafu koilu le kɔfɛ.

Efɛsikailu 5:6

Ai kana sɔn mɔɔ si ye ai majuuwaya kuma fuuilu fɛ, ka a masɔrɔn Alla la mɔnɛ ye nala kuma mirabaliilu le kanma wo ko suilu le la ko rɔ.

Filipikailu 3:14

N ye n borila, kosa n ye wa se a dan ma, ka n kɔndɔn sɔrɔn, Alla ka n kili mɛn ma Ɲenematɔmɔnin Isa baraka rɔ.

Kɔlɔsikailu 2:23

Wo jamariliilu munuɲani ko kɔrɔlɔn de ri, ka fara ii diyagboya bato ɲa ma, a ni ii la jɛrɛ majii, a ni ii faribanku mira ɲa gbɛlɛn, kɔni fanka tɛ woilu la, ka faribanku natailu kolo.

Kɔlɔsikailu 2:4

Nba, n ye a fɔla ai yɛ, kosa mɔɔ si kana ai majuuwaya kuma dumanilu la.

Kɔlɔsikailu 2:8

Ai ye a kɛ ai hankili la, kosa mɔɔ si kana ai mira dunuɲa kuma fuuilu ni majuuwaya koilu fɛ, ka fara adamadenilu la namunilu ni dunuɲa tanama koilu la, mɛnilu bɔni tɛ Mɔɔ Ɲenematɔmɔnin dɔ.

Piyɛri Filana 2:14

Ii ye kaninkɛ ɲininna ii ɲa la. Ii tɛ wasala julumun na muumɛ! II ye fankatanilu masɔmɔnna. Ii jusu dorinnin wasabalidaya koilu le la. Dankadenilu le ii ri.

Yuhana Fɔlɔ 2:26

N ye ko woilu sɛbɛla ka ai lali mɔɔilu la ko rɔ, mɔɔ mɛnilu ye a kan ka ai lafili.