Kɔlɔsikailu 1:10 - Alla la Kitabu Seniman

¹⁰ Wo rɔ, ai ri se taamala ikomin Maari ye a fɛ ɲa mɛn ma, ka a hɛnɛn ɲa bɛɛ ma. A ye jiri ai kɛwali ɲumailu rɔ ka jiriwa Alla lɔn dɔ.

Kɔlɔsikailu 1:10 ပူးပေါင်းရင်းမြစ်များ

Yuhana 15:16

Aile ma n suwandi, kɔni nde ka ai suwandi. N da aile lɔ kelala ka wa a den, den mɛn di mɛn a la, kosa n Fa ri sɔn ai ma a wa foyi maɲininka n tɔɔ rɔ.

Yuhana 15:8

Ko mɛn ye N Fa gbiliyala, ai wa den siyaman ba kɛla ka wo yiraka wo rɔ ai ye n na karandenilu ri.

Yuhana 17:3

Wo rɔ ɲenemaya banbali ye mɛn di, wo le ɲin: ka ile lɔn, ile mɛn kelen pe ye Alla jɛrɛjɛrɛ ri, a ni ka Isa Ɲenematɔmɔnin fanan lɔn, i ka mɛn kelaya.

Efɛsikailu 1:17

N ye Fa Alla, gbiliya tii, matarala ai yɛ, an Maari Isa Ɲenematɔmɔnin na Alla kosa a ye a la Nii Sɛniman najii ai ma mɛn ye hankilimaya dila, ka koilu lɛnkɛnɛmaya kosa ai la Alla lɔn ye makafu.

Efɛsikailu 2:10

Alla baara nɔ le an di. A ra an dan Isa Ɲenematɔmɔnin baraka rɔ, kosa an ye baara ɲumailu kɛ, Alla tɛrɛ ra mɛnilu rabɛn an ɲɛrɔ, kosa an ye taama woilu kan.

Efɛsikailu 4:1

Wo rɔ, nde mɛn kɛni kasolamɔɔ ri Maari la ko rɔ, n ye ai madiyala, Alla ra ai kili mɛn kɛ ko ma, ai taama ɲa ye bɛn wo ma.

Efɛsikailu 4:13

Wo ye kɛla le haan an bɛɛ ye kɛ kelen di lemɛniya ni Alla Dencɛ lɔn ko rɔ, ka an kɛ mɔɔ dafaniilu ri ikomin Ɲenematɔmɔnin na gbiliya dafani ɲa mɛn ma.

Efɛsikailu 5:10

Ai ye koilu fɛsɛfɛsɛ ka Maari diyana ko lɔn.

Efɛsikailu 5:15

Wo rɔ, ai ye a kɛ ai hankili la ai taamaɲa rɔ, ai kana kɛ ikomin ko lɔnbaliilu, kɔni ikomin lɔnninnailu.

Efɛsikailu 5:2

ka taama kaninteya rɔ ikomin Ɲenematɔmɔnin ka an kanin ɲa mɛn ma, a ka a jɛrɛ di an na ko rɔ, a kɛra ikomin saraka mɛn bɔni Alla yɛ, mɛn janin suma duman a yɛ.

Filipikailu 1:11

Ai ye dafa telenbaya jiriden dɔ mɛnilu ye bɔla Isa Ɲenematɔmɔnin dɔ, Alla gbiliya ko ni a bato ko rɔ.

Filipikailu 1:27

Kɔni, ai taama ɲa ye bɛn Ɲenematɔmɔnin na Kibaro Ɲuma ma, kosa ni n di na ai tɔrɔfɛ, wala ni n ye jan, n ye a mɛn de ko ai ye to hankili kelen dɔ, ko ai ye ai bolo don ai ɲɔɔn bolo ka Kibaro Ɲuma lase lemɛniya rɔ.

Filipikailu 4:18

Ai ka fen mɛnilu bɛɛ don Epaforodite bolo, n da ii bɛɛ masɔrɔn, woilu ra n makoilu bɛɛ ɲa, ka n wasa. A kɛni de ikomin wusulan mɛn ye janinna saraka ɲuma ri, mɛn ka Alla hɛnɛ.

Kɔlɔsikailu 2:19

ka bɔ Isa rɔ. Adon, ale le kɛni ikomin faribanku kun. Isa baraka rɔ fari bɛɛ baloni, ka kɛ kelen di lulu fenilu ni fasailu fɛ, a tɛrɛ ka bon ikomin Alla ye a fɛ ɲa mɛn ma.

Kɔlɔsikailu 2:6

Wo rɔ, baa ai ra Isa Ɲenematɔmɔnin sɔrɔn ikomin Maari, ai ye to ale fɛ.

Kɔlɔsikailu 3:20

Denilu, ai ye ai sɔrɔnbailu la kumakan mira ko bɛɛ rɔ, ka a masɔrɔn wo le duman Maari yɛ.

Kɔlɔsikailu 4:5

Ai ye taama hankilimaya rɔ lemɛniyabaliilu fan fɛ, ai ye fɛrɛ ɲinin waatiilu ma.

Piyɛri Filana 1:8

Ni kɛɲa ɲinilu wa to ai rɔ, ka sabati, ii tɛ ai to tunnagbeya ni baarabaliya rɔ an Maari Isa Ɲenematɔmɔnin ko lɔn dɔ fewu.

Piyɛri Filana 3:18

Kɔni ai ye to bonyala an Maari ni an Nakisila Isa Ɲenematɔmɔnin na sɔli ni a lɔnnin dɔ. Gbiliya ye di ale le ma sisen haan habadan. Amina.

Yuhana Fɔlɔ 3:22

An ye fen mɛn tarala, a ri wo di an ma, baa an ye a la jamariliilu labatola. An ye a diyanan koilu le fanan kɛla.

Yuhana Fɔlɔ 5:20

An ka a lɔn fanan ko Alla Dencɛ nara ka hankili di an ma, sa an di Alla jɛrɛ jɛrɛ lɔn. An sidini Alla jɛrɛ jɛrɛ ma, baa an sidini a Dencɛ Isa Ɲenematɔmɔnin ma. Ale le Alla jɛrɛ jɛrɛ ri. Ale le fanan ye ɲenemaya banbali dila mɔɔilu ma.

Yuhana Sabana 1:6

I ka kaninteya yiraka badenma ɲenematɔmɔnin woilu la ɲa mɛn ma, ii ka wo fɔ lemɛniya mɔɔilu la dɛkuru yɛ yan. Awa, ni i ri ii dɛmɛn ii la taama rɔ wo ɲa ma, mɛn di Alla lasɛwa, wo ri bɛn kosɛbɛ,