Piyɛri Fɔlɔ 5:8 - Alla la Kitabu Seniman

⁸ Ai ye ai jɛrɛ mira, ka a kɛ ai ye hankilila, ka a masɔrɔn ai juu Ibulusa ye taamala ikomin yara mɛn ye wurundula. A ye mɔɔilu ɲininna a ye mɛnilu dɔɔnna.

Piyɛri Fɔlɔ 5:8 ပူးပေါင်းရင်းမြစ်များ

Matiyu 13:39

Juu mɛn ka bin juu kisɛilu foyi sɛnɛ rɔ, wo le Ibulusa jɛrɛ ri. Sumanka waati, wo le ye dunuɲa laban di. Sumankalailu ye mɛlɛkailu ri.

Matiyu 24:42

Wo rɔ, ai ye to ai ɲana, baa ai ma a lɔn ai la Maari ri na lon mɛn.

Matiyu 25:41

«Wo kɔ rɔ, mansa ri a fɔ bolomarannatailu yɛ ko: ‹Ai dankadenilu, ai ye bɔ n ɲakɔrɔ ka wa ta sabali rɔ, mɛn dabɛnni Ibulusa ni a la mɛlɛkailu yɛ,

Matiyu 4:1

Wo kɔ rɔ, Nii Sɛniman ka Isa ɲɛmira ka wa a ri wula kɔndɔ a kɔrɔbɔ kanma Ibulusa bolo.

Matiyu 4:11

Wo rɔ, Ibulusa bɔra a fɛ ka wa. Mɛlɛkailu nara ka Isa makoilu ɲa.

Luka 21:34

«Ai ye ai jɛrɛ la ko lakɔrɔsi. Ai kana to ai diyani koilu kɛla, ka dɔlɔ min ka ai ɲa laminin, ka hamin dunuɲa sii ɲa la. Lon wo kana ai mira a bolo ma ikomin miralifen ye sobo mirala ɲa mɛn ma.

Luka 21:36

Wo rɔ, ai ye to iɲɛna, ka Alla matara tuma bɛɛ; sa ai ri fanka sɔrɔn kojuu ɲin kan, mɛn kɛtɔ kɔnin; sa ai ri bɔ wo bolo; sa ai ri se ka i lɔ Mɔɔ Dencɛ ɲana.»

Luka 22:31

Isa ka a fɔ Simɔn Piyɛri yɛ ko: «Simɔn, Simɔn, i tolo malɔ n na. Setana ra fɛrɛ ɲinin Alla fɛ ka ai kɔrɔbɔ.

Yuhana 8:44

Ai fa le Ibulusa ri. Ai ye a fɛ ka mɛn kɛ, wo le duman ai fa yɛ. A tɛrɛ ye mɔɔ faala le ri kɛbi a damira waati. A ti tuɲa lamara la, ka a masɔrɔn tuɲa tɛ a la ko rɔ. A wa wuya fɔ tuma mɛn na, wo bɔni a danya le rɔ, ka a masɔrɔn a ye wuyafɔla a ni a ye wuyailu fa le ri.

Efɛsikailu 4:27

Ai kana fɛrɛ di Ibulusa ma.

Efɛsikailu 6:11

Ai ye ai masidi Alla la kɛlɛkɛ fenilu bɛɛ rɔ kosa ai ye se lɔla Ibulusa la kewuyailu bɛɛ ɲɛrɔ.

Yakuba 4:7

Wo le rɔ, ai ye ai fanmajii Alla yɛ ka a kan mira. Ai ye ai ban Sɛtana rɔ. Wo rɔ, a ri a bori ka a mabɔ ai la.

Piyɛri Fɔlɔ 1:13

Wo le rɔ, ai ye ai hankili rabɛn baara la ko rɔ, ka ai jɛrɛ mira, ka ai jii la wo sɔli rɔ ai ye mɛn sɔrɔnna Isa Ɲenematɔmɔnin di bɔ waati rɔ kɛnɛma.

Piyɛri Fɔlɔ 4:7

Koilu bɛɛ laban ra madon. Wo rɔ, ai ye a kɛ hankili la, ka ai jɛrɛ mira kosa ai ye se Alla matarala.