Piyɛri Fɔlɔ 5:5 - Alla la Kitabu Seniman

⁵ Kanberenilu, ai fanan ye kolo mɔɔbailu ma. Ai bɛɛ ye ai fanmajii ii yɛ ikomin faanin wa kɛ ai ɲɔɔn kan. Ka a masɔrɔn, «Alla ye a jɛrɛ wulila wasolailu kanma, kɔni a ye sɔli donna jɛrɛ majiilailu la.»

Piyɛri Fɔlɔ 5:5 ပူးပေါင်းရင်းမြစ်များ

Luka 22:26

Ai kana kɛ ten. Mɛn ye ɲɛmɔɔ ri ai tɛma, wo ye a jɛrɛ kɛ ikomin dɔɔman mɔɔ. Mɛn ye kuntiiya la, wo ye kɛ ikomin baaraden.

Efɛsikailu 5:21

Ai ye kolo ai ɲɔɔn ma Ɲenematɔmɔnin ɲakɔrɔsilan dɔ.

Filipikailu 2:3

Ai kana foyi kɛ kɔrɔndiya rɔ wala jɛrɛdabaya rɔ, kɔni ai ye ai jɛrɛ majii, ka doilu jate ka tamin ai jɛrɛ la.

Kɔlɔsikailu 3:12

Wo le rɔ, baa Alla ra ai ɲenematɔmɔn, ka ai kɛ a diyana jama sɛniman di, ai ye kininkinin ni juumaya ni fanmajii ni jusu ɲumaya ni sabari ta.

Yakuba 4:6

Kɔni Alla ka baraka don an na ko rɔ haan ka tamin. Wo le kosɔn, a fɔni Alla la kitabu kɔndɔ ko: «Alla ye jɛrɛdabailu kɛlɛla. Kɔni a ye baraka donna mɔɔ fanmajiinilu rɔ.»

Piyɛri Fɔlɔ 3:8

Nba, aile bɛɛ ye to hankili kelen dɔ, ka kininkinin, ka ai ɲɔɔn kanin nakelenɲɔɔya la, ka ɲumaya ai ɲɔɔn na, ka ai jɛrɛ majii.

Piyɛri Fɔlɔ 4:1

Wo le rɔ, ikomin Ɲenematɔmɔnin da tɔrɔ a faribanku la, ai fanan ye ai rabɛn wo hankili kelen na, ka a masɔrɔn mɛn da tɔrɔ faribanku la, wo ni julumun da fara.

Piyɛri Fɔlɔ 4:5

Kɔni ii ri ii dantɛ Alla yɛ ko wo ma, mɛn dabɛnni mɔɔ faaniilu ni niilamailu kiti ko la.