Piyɛri Fɔlɔ 4:14 - Alla la Kitabu Seniman

¹⁴ Ni ii ka ai nani Ɲenematɔmɔnin tɔɔ la ko rɔ, sɛwa ai yɛ wo rɔ, ka a masɔrɔn Alla la Nii Sɛniman gbiliyani ye tola ai rɔ.

Piyɛri Fɔlɔ 4:14 ပူးပေါင်းရင်းမြစ်များ

Matiyu 5:11

Mɔɔilu wa ai nani, ka ai tɔrɔ, ka wuya la ai la, ka kuma juu su bɛɛ fɔ ai ma nde kosɔn, ai ye barakadenilu ri.

Matiyu 5:16

Fɔɔ ai la yelen ye bɔ ten mɔɔilu ɲana, sa ii ri ai la koɲuma kɛnɛniilu yen ka ai Fa gbiliya, ai Fa mɛn ye sankolo rɔ.

Luka 6:22

Aile barakadenilu ni mɔɔilu ka ai lagboyaɲɛ, ka i ban ai rɔ, ka ai nanin, ka ai tɔɔ tiɲan Mɔɔ Dencɛ kosɔn.

Yuhana 15:21

Kɔni, ko wo bɛɛ ye kɛla ai la n tɔɔ la ko le rɔ, ka a masɔrɔn mɛn ka n kelaya, ii ma wo lɔn.

Yuhana 8:48

Yahudiyailu ka Isa jabi: «An jɔ ye a rɔ ka a fɔ ko ile ye Samarika le ri wa? Ko jina ye i fɛ wa?»

Yuhana 9:28

Ii ka a manani ka a fɔ a yɛ ko: «Ile le a karanden di. Ande le Musa la karanden de ri.

Yuhana 9:34

Ii ka a jabi: «I ye i la julumun dɔ kɛbi i sɔrɔn waati. I ri an karan wa?» Wo rɔ, ii ka a gbɛn salibon na.

Kewalilu 13:45

Yahudiyailu ka jama wo yen tuma mɛn na, keleya ka ii mira. Ii ka Pɔli la kuma sɔsɔ ka Pɔli lafɛya.

Kewalilu 18:6

Yahudiyailu ka ii ban wo kuma ma ka Pɔli nani. Wo le rɔ, Pɔli ka a la duruki juujuu ka wo kɛ tɔɔmasere ri ii kanma. A ka a fɔ ko: «Ii jeli labɔn kun ye ii jɛrɛ le ri. Wo tɛ n kunko ri butun. Nba, n watɔ siya gbɛrɛilu kawandila sisen.»

Kewalilu 28:22

Kɔni an ye a fɛ ka i jɛrɛ kan namɛn ka i miriya lɔn, baa an ka a lɔn ko i ye sila mɛn kan, mɔɔilu ye sila wo tɔɔ juu fɔla fan bɛɛ.»

Kewalilu 5:41

Wo rɔ talibidenilu bɔra kititɛɛ dɛkuru la ladɛn dɔ. Ii sɛwara kosɛbɛ, ka a masɔrɔn Alla ra ii jate mɔɔilu ri, mɛnilu ri lafɛya Isa kosɔn.

Kalatikailu 1:24

Wo kɛra sababu ri ii ka Alla tando nde la ko kosɔn.

Yakuba 1:12

Kunnadiya mɔɔ mɛn ye a muɲunna a la tɔrɔya rɔ, wo mɔɔ wa ban kɔrɔbɔla Alla bolo a ri ɲenemaya banbali sɔrɔn, Alla ka mɛn lahidi ta a kanintemailu yɛ.

Yakuba 5:11

Ai ɲa lɔ! Mɔɔ mɛnilu ka ii muɲun tɔrɔya rɔ, an ye a fɔla ko wo tii kunnadiyani Alla bolo. Ayuba ka a muɲun ɲa mɛn ma, ai ka wo mɛn. Maari ka mɛn kɛ a yɛ a laban dɔ, ai ka wo fanan lɔn, baa Maari la kininkinin ka bon, a ni a la kaninteya.

Piyɛri Fɔlɔ 2:12

Ai kɛwaliilu ye ɲumaya lemɛniyabaliilu tɛma, kosa, ii wa ai makuma kojuu kɛla, ii ye ai kɛwali ɲumailu yen, ka Alla gbiliya a na lon.

Piyɛri Fɔlɔ 3:14

Kɔni hali ni ai wa tɔrɔ ai la baara ɲumailu la ko rɔ, sɛwa le wo ri ai yɛ. Ii ye silanna mɛn ɲɛrɔ, ai kana silan wo ɲɛrɔ, ai kana kɔndafili.

Piyɛri Fɔlɔ 3:16

Kɔni ai ye a kɛ sabarini ni gbiliya rɔ. Ai ye to kɔnɔgbɛya rɔ waati bɛɛ kosa ai wa kɛ baara ɲumailu kɛla Ɲenematɔmɔnin na ko rɔ, mɔɔ mɛnilu ye ai mafɔla, woilu ye maloya ii la kumailu la.

Piyɛri Fɔlɔ 4:16

Kɔni ni ai tɔrɔra baa Isa la mɔɔ le ai ri, maloya tɛ wo rɔ, fɔɔ ai ye Alla gbiliya, baa a tɔɔ ra to ai kun na.

Piyɛri Filana 2:2

Mɔɔ siyaman di bila ii la ko haramuninniilu kɔfɛ, ka tuɲa sila lafɛya.