Piyɛri Fɔlɔ 4:1 - Alla la Kitabu Seniman

¹ Wo le rɔ, ikomin Ɲenematɔmɔnin da tɔrɔ a faribanku la, ai fanan ye ai rabɛn wo hankili kelen na, ka a masɔrɔn mɛn da tɔrɔ faribanku la, wo ni julumun da fara.

Piyɛri Fɔlɔ 4:1 ပူးပေါင်းရင်းမြစ်များ

Kalatikailu 2:20

Nde sa n niia butun, Ɲenematɔmɔnin de ye a niia n fari rɔ. N ye dunuɲa ratɛɛ mɛn kɛla faribanku ɲin dɔ sisen, n ye wo kɛla lemɛniya le rɔ Alla Dencɛ yɛ, mɛn ka n kanin ka a jɛrɛ nii di n kosɔn.

Kalatikailu 5:24

Mɔɔ mɛnilu ye Isa Ɲenematɔmɔnin ta ri, ii ra ii sawonan koilu ni ii nata juu bailu bɛɛ gbɔngbɔn jiri kan.

Efɛsikailu 6:13

Wo le rɔ, sisen ai ye ai masidi Alla la kɛlɛkɛ fenilu bɛɛ rɔ kosa waati juu wa se, ai ye se lɔla wo juuilu ɲɛrɔ, Ai wa ban a bɛɛ kɛla waati mɛn na, ai ye to ai nɔ rɔ gben!

Filipikailu 2:5

Ai kɛɲa ye to ai ɲɔɔn tɛma ikomin Ɲenematɔmɔnin, Isa.

Piyɛri Fɔlɔ 2:21

Alla ka ai kili wo le ma, baa Ɲenematɔmɔnin jɛrɛ tɔrɔra le ai yɛ, ka misali to ai bolo kosa ai ye bila a kɔfɛ.

Piyɛri Fɔlɔ 3:18

Baa Ɲenematɔmɔnin faara le an julumunilu la ko rɔ siɲa kelen haan habadan, ale mɔɔ telennin telenbaliilu yɛ, kosa a ye na ai ri Alla ma. Mɔɔilu ra a faa ten faribanku rɔ, kɔni Alla ka a lakɛndɛya, Nii Sɛniman na baraka le rɔ.