Piyɛri Fɔlɔ 2:24 - Alla la Kitabu Seniman

²⁴ Isa jɛrɛ ra an julumunilu donin ta a faribanku rɔ, a gbɔngbɔnni jiri kan, kosa an ye kɛ ikomin mɔɔ mɛn farani julumun dɔ, ka to an nii la telen dɔ. Ai ka kɛndɛya sɔrɔn a la madiminniilu le fɛ.

Piyɛri Fɔlɔ 2:24 ပူးပေါင်းရင်းမြစ်များ

A Damira 22:6

Iburahima ka Alla sɔlifen janin lɔɔ sii a dencɛ Isiyaka kun ma, ka a la muru ta, a ni takisɛ. Ii fila wara ii ɲɔɔn fɛ.

Hɔrɔya 28:38

Wo le rɔ, Haruna wa don yɔrɔ sɛniman kɔndɔ tuma tuma nde Allabatala ɲakɔrɔ, saninfɛdɛ wo ri kɛ a tin na. Wo ri a yiraka ko Haruna ye a lɔla Isirayɛlikailu la kojuuilu kunko la, ii ka mɛnilu kɛ ii la sarakailu bɔ tuma. Ikomin saninfɛdɛ ni a sɛbɛli wo ri kɛ Haruna tin na, n di sɔn Isirayɛlikailu la sarakailu rɔ.

Matiyu 27:26

Wo rɔ, a ka Barabasi bila, ka ban ka mɔɔilu lɔ Isa gbasila gbiɲɛ la. Wo kɔ rɔ, a ka Isa don kɛlɛdenilu bolo ko ii ye wa a gbɔngbɔn jiri kan.

Matiyu 5:20

N di tuɲa fɔ ai yɛ ko ni ai la telenbaya ma tamin Farisilu ni sariya karanmɔɔilu ta kan, ai tɛ don Harijeene Mansaya rɔ fewu.

Matiyu 8:17

Wo kɛra sa Alla la kuma ri kanbali, a ka mɛn don Nabi Esayi da rɔ ko: «Fen mɛnilu tɛrɛ ye an sɛɛla, a ka woilu ta. Jankarɔ mɛnilu tɛrɛ ye an kan, a ka woilu bɔ an kan.»

Luka 4:18

«Maari Alla la Nii Sɛniman ye n kan, ka a masɔrɔn a ra nde ɲenematɔmɔn ko n ye wa kibaro ɲuma fɔ fantanilu yɛ. A ra n kelaya ko n ye a lasɛ kasodenilu ma ko ii ra kanhɔrɔya, ko n ye a fɔ ɲa fuyen yɛ ko ii ɲa ri laka. A ka n kelaya ko n ye mɔɔ tɔrɔnilu kanhɔrɔya,

Yuhana 1:29

Lon wo taminnin, Yaya ka Isa natɔla yen, tuma mɛn na, a ka a fɔ ko: «Ai ɲa lɔ! Alla la Saa bulan de, mɛn ye julumun bɔla dunuɲa ma.

Yuhana 19:1

Wo rɔ Pilate ka Isa don kɛlɛden bolo ka a gbasi biɲɛ la.

Kewalilu 10:35

Siya siya rɔ, mɔɔ mɛn silanni Alla ɲɛ ka telenbaya kɛ, wo le duman Alla yɛ.

Kewalilu 10:39

Isa ka ko mɛnilu kɛ Jerusalɛmu so kɔndɔ, a ni Yahudiyailu la jamana rɔ, andeilu le kɛra wo bɛɛ sereilu ri. Ii ka a gbɔngbɔn jiri kan ka a faa.

Kewalilu 13:29

Wo rɔ, ko mɛnilu sɛbɛni Isa la ko rɔ kitabu rɔ, wo bɛɛ kanbalira ii bolo. Woilu bɛɛ kanbalira tuma mɛn na, ii ka a lajii ka a bɔ gbɔngbɔn jiri kan ka a su don kaburu rɔ.

Kewalilu 5:30

An benbailu Maari Alla ka Isa lawuli ka a bɔ saya rɔ, ai ka mɛn gbɔngbɔn jiri kan ka a faa.

Kalatikailu 3:13

Ɲenematɔmɔnin ka an kunka danka le la, mɛn ye mɔɔilu kan sariya kosɔn. Danka wo ye a kan an na nɔ rɔ. Baa a sɛbɛni ko: «Mɔɔ mɔɔ dunni jiri la, wo tii dankani.»

Efɛsikailu 5:9

Ka a masɔrɔn koɲuma ni telenbaya ni tuɲa su bɛɛ ye nala kɛnɛya le fɛ.

Filipikailu 1:11

Ai ye dafa telenbaya jiriden dɔ mɛnilu ye bɔla Isa Ɲenematɔmɔnin dɔ, Alla gbiliya ko ni a bato ko rɔ.

Kɔlɔsikailu 2:14

Julu sɛbɛ mɛn nabɛnni an kanma a ni tɔn mɛnilu tɛrɛ an halakila, a ra woilu bɔ, ka ii ban, ka ii gbɔngbɔn a faa jiri kan.

Kɔlɔsikailu 2:20

Ni ai ni Mɔɔ Ɲenematɔmɔnin ra faa ai ɲɔɔn fɛ, ka ai hɔrɔya dunuɲa tanama koilu ma, nfenna wo rɔ ai ye taamala ikomin dunuɲa mɔɔ le ai ri? Nfenna ai ye sɔnna ii ye tɔn su ɲinilu la ai ma?

Kɔlɔsikailu 3:3

Ka a masɔrɔn ai ra sa, ai la dunuɲa ratɛɛ dokonni Mɔɔ Ɲenematɔmɔnin dɔ Alla fɛ.

Yakuba 5:16

Wo le rɔ, ai ra kojuu mɛnilu kɛ, ii ye woilu fɔ i ɲɔɔn yɛ, ka Alla tara ai ɲɔɔn yɛ, sa ai ri kɛndɛya. Fanka ye telenba la tarali la a ye ko ɲala kosɛbɛ.

Yuhana Fɔlɔ 2:29

Ai ka a lɔn ko Ɲenematɔmɔnin telenni le. Wo rɔ, ai ka kan ka a lɔn fanan ko mɔɔ mɛn ye taamala telenbaya kan, wo ye Alla den de ri.

Yuhana Fɔlɔ 3:7

N den mɛsɛnilu, ai kana sɔn mɔɔ si ye ai lafili: mɔɔ mɛn ye taamala telenbaaya kan, wo telenni le ikomin Isa Ɲenematɔmɔnin telenni ɲa mɛn ma.