Piyɛri Fɔlɔ 1:8 - Alla la Kitabu Seniman

⁸ Ai ma Maari yen fɔlɔ kɔni ai ra a kanin. Ai tɛ a yenna sisen, kɔni ai ye ai lemɛniyala a ma, ai ye sɛwa ba rɔ mɛn ti se ɲafɔla.

Piyɛri Fɔlɔ 1:8 ပူးပေါင်းရင်းမြစ်များ

Matiyu 10:37

Kɔni mɔɔ mɛn wa a fa wala a na kanin ka tamin n kan, wo tii ti se kɛla n na karanden di. Mɔɔ mɛn wa a dencɛ wala a denmuso kanin ka tamin n kan, wo tii fanan ti se kɛla n na karanden di.

Yuhana 14:15

«Ni ai ye n kaninna, ai di n na jamarili mira.

Yuhana 14:21

Mɔɔ mɛn ye sɔnna n na jamariliilu ma ka ii labato, wo tii le ye n kaninna. Mɔɔ mɛn wa n kanin, n Fa di wo tii kanin. N fanan di a kanin ka n jɛrɛ yiraka a la.»

Yuhana 14:24

Kɔni ni n ma diya mɛn yɛ, wo ti n kumakan mirala. Ai ye kumakan mɛn namɛnna wo ma bɔ nde rɔ, kɔni n Fa mɛn ka n kelaya.

Yuhana 16:22

Wo ɲa kelen de ma, ai mɛn fanan jusukasini sisen, kɔni n di ai yen kokura, ai jusu ri sɛwa. Sawani mɛn ye wo ri, mɔɔ si ti se wo bɔla ai bolo.

Yuhana 20:29

Isa ka a fɔ a yɛ ko: «Ka a masɔrɔn i ra n yen, wo le ka i lemɛniya n ma. Duwawu ye ii yɛ mɛnilu ma n yen a ni mɛnilu lemɛniyara n ma.»

Yuhana 8:42

Isa ka ii jabi: «Ni Alla ye ai Fa jɛrɛ jɛrɛ le ri, nde ri diya ai yɛ, baa n bɔni Alla le rɔ. N ma na n na jɛrɛ la ko rɔ, kɔni ale ka n kelaya.

Kewalilu 16:34

A wara Pɔli ni Silasi ri a wara, ka wa dɔɔnnin sii ii kɔrɔ. Sawa ba tɛrɛ ye a ni a la denbaya bɛɛ la ka a masɔrɔn ii ra lemɛniya Alla ma.

Kalatikailu 5:22

Kɔni Nii Sɛniman ye a den mɛn kɛla mɔɔ jusu kɔndɔ, wo le ɲin di: kaninteya ni sɛwa ni jususuma ni muɲunnin ni mɔɔ dɛmɛnnin ni ɲumaya ni lemɛniya

Kalatikailu 5:6

Baa ni mɔɔ sidini Isa Ɲenematɔmɔnin ma, faaninta kɛ tɛ foyi ri butun, faanintakɛbaliya fanan tɛ foyi ri butun. Mɛn ye ko ba ri, wo ye lemɛniya le ri, lemɛniya mɛn ye mɔɔ lɔla kɛwaliilu kɛla kaninteya kosɔn.

Efɛsikailu 3:19

ka a la kaninteya lɔn mɛn taminni lɔnnin bɛɛ la, kosa ai ye dafa Alla la ko dafanin bɛɛ rɔ.

Efɛsikailu 6:24

Mɛnilu la kaninteya tɛ banna an Maari Isa Ɲenematɔmɔnin yɛ, Alla ye hina di woilu ma.

Filipikailu 1:25

Baa n lani wo la, n da a lɔn ko n di to ai tɛma kosa ai ye wa ɲafɛ, ka sɛwa ai la lemɛniya rɔ.

Filipikailu 3:3

Adon, andeilu le ra faaninta bɛrɛ kɛ, andeilu mɛnilu ye Alla batola a la Nii Sɛniman baraka rɔ, andeilu mɛnilu ye an wasola Ɲenematɔmɔnin Isa la ko rɔ, andeilu mɛnilu lani tɛ an jɛrɛ faribanku la.

Filipikailu 4:4

Ai ye sɛwa Maari la ko rɔ waati bɛɛ. N ye a fɔ fanan, ai ye sɛwa.

Piyɛri Fɔlɔ 1:6

Wo rɔ, ai ye sɛwa, hali ai tɔrɔni ai kɔrɔbɔ ko su bɛɛ rɔ waatinin ɲin dɔ

Piyɛri Fɔlɔ 2:7

Kaba ɲin dagbɛlɛyani aile lemɛniya mɔɔilu le yɛ, kɔni Kitabu yɔrɔ ɲin de bɛnni lemɛniyabaliilu ma ko, «Bon lɔlailu ka ii ban kabakurun mɛn dɔ, wo ra kɛ bon jusii kabakurun di.»

Piyɛri Fɔlɔ 5:4

Kolofen Gbɛngbɛnna Kuntii wa bɔ kɛnɛma waati mɛn na, ai ri mansaya tɔɔmasere fula sɔrɔn gbiliya rɔ mɛn tɛ tiɲanna muumɛ.