Piyɛri Fɔlɔ 1:11 - Alla la Kitabu Seniman

¹¹ Ii tɛrɛ ye karanna waatiilu ni kɛɲailu lɔn kɔrɔ, Ɲenematɔmɔnin na Nii tɛrɛ ye mɛnilu lɛnkɛnɛmayala ii yɛ, baa a tɛrɛ ye ii rɔ, ka Ɲenematɔmɔnin na tɔrɔya ni a la gbiliya natɔla la ko fɔ yani a waati ye se.

Piyɛri Fɔlɔ 1:11 ပူးပေါင်းရင်းမြစ်များ

A Damira 3:15

N di juuya ladon i ni muso tɛ, ka a ladon i bɔnsɔn ni a bɔnsɔn tɛ. A ri i kun gbasi. I fanan di a sen tintiri cin.»

A Damira 49:10

Faamaya gbeleke tɛ bɔ Yahuda bolo. Mansaya gbeleke ri to a bɔnsɔn bolo fo mansaya tii wa na, dunuɲa bɛɛ ri i majii mɛn kɔrɔ.

Matiyu 26:24

Mɔɔ Dencɛ ri faa ikomin a sɛbɛni a la ko rɔ ɲa mɛn ma. Kɔni mɔɔ mɛn di a don mɔɔ juuilu bolo, gbalo ye wo tii yɛ. Hali ni wo tii sɔrɔnbali tun tora, wo tun ka fisa a ma paaɔn.»

Luka 24:44

Wo kɔ, a ka a fɔ ii yɛ ko: «Waati taminni, n tɛrɛ ye a fɔla ai yɛ ko fen fen sɛbɛni n na ko rɔ, wo bɛɛ ri dafa. Mɛnilu sɛbɛni Nabi Musa la sariya rɔ, a ni mɛnilu sɛbɛni nabi tɔilu la kuma rɔ, a ni mɛnilu sɛbɛni Jaburi kitabu rɔ, woilu bɛɛ ri dafa fewu.»

Yuhana 12:41

Nabi Esayi ka wo fɔ ka a masɔrɔn a tɛrɛ ye Isa la gbiliya yenna ka a kuma a la ko rɔ.

Kewalilu 16:7

Ii se mɛn kɛni Misiya jamana dan na, ii ka a fɔ ko ii ye donna Bitini. Kɔni Isa la Nii Sɛniman ma sɔn wo ma.

Kalatikailu 4:6

Ɔɔn, ikomin ai ye Alla denilu ri, a ka a Dencɛ Nii nana an ma. Nii Sɛniman wo ye a kɛla, an ye Alla kilila ko: «an Baba, an Fa!»

Piyɛri Filana 1:21

Ka a masɔrɔn nabiya kuma si tɛrɛ tɛ bɔla adamadenilu sawo rɔ, kɔni Alla la Nii Sɛniman de tɛrɛ ye adamadenilu dɛmɛnna, ka kuma ka fara Alla la.