Yuhana Fɔlɔ 5:16 - Alla la Kitabu Seniman

¹⁶ Hakɛ do ye ye, mɛn tɛ mɔɔ lawala saya ma. Ni ai do ka a badenma ɲenematɔmɔnin yen hakɛ su wo kɛla, a ye Alla tara wo yɛ. Alla ri tarali wo mira ka ɲenemaya jɛrɛ jɛrɛ di a ma. Mɛnilu la julumun ti nala ii lawala saya ma, n kan ye woilu le ma. Kɔni julumun do ye ye, mɛn di mɔɔ lawa saya ma. N ma a fɔ ko ai ye Alla tara wo tii yɛ.

Yuhana Fɔlɔ 5:16 ပူးပေါင်းရင်းမြစ်များ

A Damira 20:17

Iburahima ka Alla tara Abimelɛki yɛ. Wo rɔ, Alla ka Abimelɛki lakɛndɛya, a ni a la muso ni a la jɔn muso bɛɛ, wo le rɔ ai ri se den sɔrɔn ikɔ tuun

A Damira 20:7

Nba, cɛɛ wo muso lasɛ a ma. N na nabi de a ri. A ri madiyali kɛ i yɛ sa i kana faa. Ni i ma a muso lasɛ a ma, i ye la a la ko i ri faa fewu, i ni i la mɔɔ bɛɛ!»

Hɔrɔya 34:9

A ka a fɔ ko: «Maari Alla, ni n na ko duman i yɛ, n ye i madiyala i ye wa an kɔfɛ. N ka a lɔn ko mɔɔ kun gbɛlɛnilu le ɲinilu ri. Kɔni n ye i madiyala, i ye an na telenbaliya koilu ni an na julumunilu kafari, ka an mira ikomin i la jama.»

Luka 12:10

Ni mɔɔ ka Mɔɔ Dencɛ mafɔ, a ri se a makotola. Kɔni mɔɔ wa Alla la Nii Sɛniman tanama kuma fɔ, a tɛ makoto habadan!

Yuhana 17:9

N ye i madiyala woilu le ta fan dɔ. N tɛ i madiyala dunuɲa ta fan dɔ, kɔni i ka mɛnilu di n ma, ka a masɔrɔn ii ye i ta le ri.

Yuhana Fɔlɔ 5:17

Telenbaliya ko bɛɛ ye julumun de ri. Kɔni julumun do ye ye, mɛn tɛ kɛla mɔɔ sa kun di.