Yuhana Fɔlɔ 5:13 - Alla la Kitabu Seniman

¹³ N ye sɛbɛ ɲin nawala ai ma, ai mɛnilu lemɛniyani Alla Dencɛ ma, sa ai ri a lɔn ko ɲenemaya banbali ye ai bolo.

Yuhana Fɔlɔ 5:13 ပူးပေါင်းရင်းမြစ်များ

Yuhana 1:12

Kɔni mɔɔ mɛnilu sɔnda a ma, mɛnilu kɔnin lemɛniyara a ma, a ka se di woilu bɛɛ ma ka kɛ Alla denilu ri.

Yuhana 2:23

Isa ka Taminkunna Sali kɛ Jerusalɛmu so kɔndɔ. Mɔɔilu ka a la tɔɔmasere kabannakoilu yen, wo rɔ mɔɔ siyaman ba lara a la.

Yuhana 20:31

Kɔni, ɲin bɛɛ tɛrɛ sɛbɛni de sani ai ye lemɛniya Isa la waati mɛn ko Ɲenematɔmɔnin de, a ni ale le ye Alla Dencɛ de. Ai wa lemɛniya a ma, ai ri ɲenemaya banbali sɔrɔn ale tɔɔ rɔ.

Yuhana 21:24

Karanden kelen wo le kɛla a la sereya ri a la ko bɛɛ rɔ a ni a ka ko bɛɛ sɛbɛ. An ka a lɔn ko a la sereya ye tuɲa le ri.

Yuhana 3:18

«Mɔɔ si wa lemɛniya Dencɛ ma, wo ti jalakila, kɔni mɔɔ mɛn ma lemɛniya wo tun da jalaki, baa a ma lemɛniya Alla Dencɛ kelen tɔɔ ma.

Yuhana 5:24

«N ye tuɲa le fɔla ai yɛ: ni mɔɔ ka n na kumakan namɛn, ka lemɛniya n kelayaba ma, wo tii ra ɲenemaya banbali sɔrɔn. Kiti ti bela wo tii kan, kɔni a ra bɔ saya rɔ ka don ɲenemaya rɔ.

Kewalilu 3:16

Ai ɲa ye nambara ɲin na. Ai bɛɛ ka a lɔn. Ale ra fanka sɔrɔn a la lemɛniya kosɔn Isa ma. Ai bɛɛ ye a yenna ko a ra kɛndɛya le fewu a la lemɛniya fɛ.

Kewalilu 4:12

Mɔɔ si ti se mɔɔ kisila fo Isa kelen pe, ka a masɔrɔn Alla ma tɔɔ gbɛrɛ si fɔ adamadenilu yɛ dunuɲa rɔ yan, an di kisi mɛn fɛ.»

Kalatikailu 4:6

Ɔɔn, ikomin ai ye Alla denilu ri, a ka a Dencɛ Nii nana an ma. Nii Sɛniman wo ye a kɛla, an ye Alla kilila ko: «an Baba, an Fa!»

Piyɛri Fɔlɔ 5:12

Silasi, n ye mɛn jatela nakelenɲɔɔ kɔnɔrɔdi ri, wo le ka n dɛmɛn bataki kundunyanin ɲin sɛbɛla ai ma, kosa n ye ai lalemɛniya, ka sereya bɔ ai yɛ, ko Alla la sɔlini tuɲa le ɲin di, ai ye mɛn dɔ gben!

Yuhana Fɔlɔ 1:4

An ye ko ɲinilu sɛbɛla ka a lawa ai ma, sa an di se sɛwala fewu.

Yuhana Fɔlɔ 2:1

N den mɛsɛnilu, n ye ko ɲinilu sɛbɛla ka a di ai ma, sa ai kana kojuu kɛ. Kɔni ni do ka kojuu kɛ, lalilila ye an bolo an Fa dafɛ mɛn di an na sɔlɔnali kɛ: wo ye Isa Ɲenematɔmɔnin de ri, mɛn telenni.

Yuhana Fɔlɔ 2:21

N ye sɛbɛ ɲin dila ai ma ka a masɔrɔn ai ka tuɲa lɔn. N ma a di ai ma tuɲa lɔnbaliya kosɔn. Ai ka a lɔn ko wuya si tɛ bɔla tuɲa rɔ.

Yuhana Fɔlɔ 2:25

Ɔɔn de! Ɲenematɔmɔnin ka lahidi mɛn ta an yɛ, wo le ɲin. A ka a fɔ ko a ri ɲenemaya banbali di an ma.

Yuhana Fɔlɔ 2:26

N ye ko woilu sɛbɛla ka ai lali mɔɔilu la ko rɔ, mɔɔ mɛnilu ye a kan ka ai lafili.

Yuhana Fɔlɔ 3:23

A ka jamarili mɛn di an ma, wo le ɲin: an ye lemɛniya a dencɛ Isa Ɲenematɔmɔnin ma, a ni an ye an ɲɔɔn kanin ikomin Isa Ɲenematɔmɔnin ka an jamari ɲa mɛn ma.

Yuhana Fɔlɔ 4:9

Alla ka a yiraka an na wo le ma ko a ye an kaninna. Baa a ka a dencɛ kelen pe kelaya dunuɲa rɔ, sa an di ɲenemaya jɛrɛ jɛrɛ sɔrɔn dencɛ wo sababu la.

Yuhana Fɔlɔ 5:10

Ni mɔɔ mɛn lemɛniyara Alla Dencɛ ma, wo tii ra sɔn Alla la sereya wo ma ka wo lamara a jusu rɔ. Kɔni ni mɔɔ mɛn ma la Alla la kuma la, wo tii ra Alla kɛ wuyafɔla ri, baa Alla ka sereya mɛn fɔ a Dencɛ la ko rɔ, wo tii ma la wo la.

Yuhana Fɔlɔ 5:11

Alla ka sereya mɛn fɔ, wo le ɲin: a ka a fɔ ko a ra ɲenemaya banbali di an ma, ko ɲenemaya wo ye sɔrɔnna a Dencɛ le fɛ.

Yuhana Fɔlɔ 5:20

An ka a lɔn fanan ko Alla Dencɛ nara ka hankili di an ma, sa an di Alla jɛrɛ jɛrɛ lɔn. An sidini Alla jɛrɛ jɛrɛ ma, baa an sidini a Dencɛ Isa Ɲenematɔmɔnin ma. Ale le Alla jɛrɛ jɛrɛ ri. Ale le fanan ye ɲenemaya banbali dila mɔɔilu ma.