Yuhana Fɔlɔ 5:10 - Alla la Kitabu Seniman

¹⁰ Ni mɔɔ mɛn lemɛniyara Alla Dencɛ ma, wo tii ra sɔn Alla la sereya wo ma ka wo lamara a jusu rɔ. Kɔni ni mɔɔ mɛn ma la Alla la kuma la, wo tii ra Alla kɛ wuyafɔla ri, baa Alla ka sereya mɛn fɔ a Dencɛ la ko rɔ, wo tii ma la wo la.

Yuhana Fɔlɔ 5:10 ပူးပေါင်းရင်းမြစ်များ

Yuhana 3:16

Baa, Alla ka dunuɲa mɔɔilu kanin kosɛbɛ, wo rɔ, a ka a Dencɛ kelen pe di, kosa mɔɔ si wa lemɛniya a ma wo kana halaki, kɔni a ri ɲenemaya banbali sɔrɔn.

Yuhana 3:18

«Mɔɔ si wa lemɛniya Dencɛ ma, wo ti jalakila, kɔni mɔɔ mɛn ma lemɛniya wo tun da jalaki, baa a ma lemɛniya Alla Dencɛ kelen tɔɔ ma.

Yuhana 3:33

Mɛn ka i sɔn a la sereya ma wo ye a yirakala ko Alla ye tuɲa le fɔla.

Yuhana 5:38

Ai jusukun ma sɔn a la kuma ma, baa a ka mɛn kelaya, ai ma lemɛniya wo ma.

Kalatikailu 4:1

Nba, n ye a fɛ ka mɛn fɔ, wo le ɲin di: den de ye a fa cɛtala ri. A fa la fen bɛɛ ri kɛ a ta ri. Hali wo, a denninya waati, a ni jɔn bɛɛ ka kan.

Kalatikailu 4:6

Ɔɔn, ikomin ai ye Alla denilu ri, a ka a Dencɛ Nii nana an ma. Nii Sɛniman wo ye a kɛla, an ye Alla kilila ko: «an Baba, an Fa!»

Kɔlɔsikailu 3:3

Ka a masɔrɔn ai ra sa, ai la dunuɲa ratɛɛ dokonni Mɔɔ Ɲenematɔmɔnin dɔ Alla fɛ.

Piyɛri Filana 1:19

Ikɔ tuun, nabiilu la kuma gbɛnin an ma ten ka tamin fɔlɔ la. Ai ka kan ka ai hankili lɔ woilu la ikomin fitina mɛn ye mɛlɛnna dibi rɔ haan bandaka, bandaka da lolo fanan ye mɛlɛn damira ai jusu rɔ.

Yuhana Fɔlɔ 1:10

Ni an ka a fɔ ko an ma hakɛ kɛ, an da Alla kɛ wuyafɔla ri wo rɔ, a ni a la kuma tɛ an jusu rɔ.

Yuhana Fɔlɔ 5:1

Ni mɔɔ mɛnilu bɛɛ lara a la ko Isa le Ɲenematɔmɔnin di, woilu bɛɛ ye Alla denilu le ri. Ni mɔɔ mɛnilu ka Fa Alla kanin, woilu ri a denilu fanan kanin.