Yuhana Fɔlɔ 5:1 - Alla la Kitabu Seniman

¹ Ni mɔɔ mɛnilu bɛɛ lara a la ko Isa le Ɲenematɔmɔnin di, woilu bɛɛ ye Alla denilu le ri. Ni mɔɔ mɛnilu ka Fa Alla kanin, woilu ri a denilu fanan kanin.

Yuhana Fɔlɔ 5:1 ပူးပေါင်းရင်းမြစ်များ

Matiyu 16:16

Simɔn Piyɛri ka a fɔ ko: «I ye Ɲenematɔmɔnin de ri, mɛn ye Alla ɲenema Dencɛ ri.»

Luka 7:5

baa an na jamana mɔɔilu duman a yɛ kosɛbɛ. A jɛrɛ ka an na salibon lɔ an yɛ.»

Yuhana 1:3

Alla ka fen bɛɛ dan Kuma de la. Fen bɛɛ mɛn danda, a ma foyi dan Kuma kɔ ma.

Yuhana 15:23

Mɔɔ mɛn ye nde nagboyaɲɛla, wo tii ra n Fa Alla fanan nagboyaɲɛ.

Yuhana 3:3

Isa ka a jabi: «N ye tuɲa le fɔla i yɛ: ni mɔɔ mɛn ma sɔrɔn kokura, wo tii ti se Alla la mansaya yenna.»

Yuhana 6:69

An da lemɛniya a ni an ka a lɔn ko i kelen de Mɔɔ Sɛniman mɛn bɔni Alla rɔ.»

Yuhana 8:42

Isa ka ii jabi: «Ni Alla ye ai Fa jɛrɛ jɛrɛ le ri, nde ri diya ai yɛ, baa n bɔni Alla le rɔ. N ma na n na jɛrɛ la ko rɔ, kɔni ale ka n kelaya.

Kewalilu 8:36

Ii ye wala sila fɛ tuma mɛn na, ii sera kɔ do ma. Cɛɛ ka a fɔ Filipe yɛ ko: «I ɲa lɔ, ji ye yan. Nfen di n bali sunna ji rɔ?»

Yakuba 1:18

A ka ɲenemaya kura latɛɛ ka a di an ma ka fara a la kuma la, mɛn ye tuɲa ri. A ka wo kɛ, sa a ri lɔdiya fɔlɔ di an ma a la danninfenilu bɛɛ tɛma.

Piyɛri Fɔlɔ 1:3

Tando ye kɛ an na Maari Isa Ɲenematɔmɔnin na Fa a ni Alla yɛ. A ra a kɛ a la kininkinin ba rɔ, ka an kɔsɛ, ka sɔrɔn kokura, ka don niilakisi jii rɔ Isa Ɲenematɔmɔnin nawuli fɛ mɛn bɔni saya rɔ.

Yuhana Fɔlɔ 2:10

Mɔɔ mɛn ye a badenma ɲenematɔmɔnin kaninna, wo le ye taamala kɛnɛ rɔ. Foyi tɛ wo tii la, mɛn di a lafili.

Yuhana Fɔlɔ 2:29

Ai ka a lɔn ko Ɲenematɔmɔnin telenni le. Wo rɔ, ai ka kan ka a lɔn fanan ko mɔɔ mɛn ye taamala telenbaya kan, wo ye Alla den de ri.

Yuhana Fɔlɔ 3:14

Andeilu ye an badenma ɲenematɔmɔninilu kaninna. Wo le kosɔn, an ka a lɔn ko an da bɔ saya rɔ ka don ɲenemaya kura rɔ. Mɔɔ mɛnilu tɛ ii badenma ɲenematɔmɔninilu kaninna, woilu ye saya le rɔ butun.

Yuhana Fɔlɔ 3:17

A ye di? Ni fentii ka a yen ko a badenma ɲenematɔmɔnin dɛsɛni don? Ni a ka a ban hinala a badenma ɲenematɔmɔnin wo la, a ri se a fɔla ko Alla la kaninteya ye a fari rɔ wa?

Yuhana Fɔlɔ 3:9

Alla wa mɔɔ mɛnilu kɛ a denilu ri, woilu si tɛ tola kojuu kɛla butun, baa Alla la si ye to woilu ma. Ii ti se tola kojuu kɛla, baa Alla ra ii kɛ a denilu ri.

Yuhana Fɔlɔ 4:2

Ai ri a lɔn ɲa mɛn ma Alla Nii ye mɛn fɛ, wo le ɲin: mɔɔ mɛn wa i lɔ a la ko Isa Ɲenematɔmɔnin nara dunuɲa rɔ ka kɛ adamaden di, Alla Nii Sɛniman ye mɔɔ wo fɛ.

Yuhana Fɔlɔ 4:20

Ni mɔɔ mɛn ka a fɔ ko a ye Alla kaninna, ka a tɛrɛn a badenma ɲenematɔmɔnin gboman a yɛ, wo tii ye wuyafɔla le ri, baa a ɲa ye a badenma ɲenematɔmɔnin mɛn na, ni a tɛ wo kaninna, a ti se Alla kaninna, a ɲa tɛ wo mɛn na.

Yuhana Fɔlɔ 4:7

N kanintenilu, an ye an ɲɔɔn kanin, baa kaninteya farani Alla le la. Mɔɔ si wa mɔɔ kanin, woilu bɛɛ ye Alla denilu le ri. Ii ka Alla lɔn fanan.

Yuhana Fɔlɔ 5:18

An ka a lɔn ko mɔɔ mɔɔ kɛra Alla den di, wo tii tɛ tola hakɛ kɛla, baa Alla Dencɛ ye wo tii lakandanna. Wo rɔ, Ko Juu Tii ti se ko kɛla a la.

Yuhana Fɔlɔ 5:4

Mɔɔ mɛnilu ye Alla denilu ri, woilu bɛɛ ye sela dunuɲa la. Mɛn da nɔ sɔrɔn dunuɲa ma, wo ye an na lemɛniya ri.

Yuhana Fɔlɔ 5:5

A ye di? Yon ye sela dunuɲa la? Mɔɔ si ti sela dunuɲa la fo mɛn lani a la ko Isa ye Alla Dencɛ le ri.