Yuhana Fɔlɔ 4:9 - Alla la Kitabu Seniman

⁹ Alla ka a yiraka an na wo le ma ko a ye an kaninna. Baa a ka a dencɛ kelen pe kelaya dunuɲa rɔ, sa an di ɲenemaya jɛrɛ jɛrɛ sɔrɔn dencɛ wo sababu la.

Yuhana Fɔlɔ 4:9 ပူးပေါင်းရင်းမြစ်များ

A Damira 22:2

Alla ka a fɔ ko: «I ye Isiyaka ta, i dencɛ kelen pe, mɛn duman i yɛ. I ye wa a ri Morija mara rɔ. N di koyinkɛ do yiraka i la ye. I ye wa koyinkɛ wo kan ka Isiyaka kɛ saraka ri ka n sɔ a la ye. I ye a faa ka a janin ka a kɛ buuri ri.»

Luka 4:18

«Maari Alla la Nii Sɛniman ye n kan, ka a masɔrɔn a ra nde ɲenematɔmɔn ko n ye wa kibaro ɲuma fɔ fantanilu yɛ. A ra n kelaya ko n ye a lasɛ kasodenilu ma ko ii ra kanhɔrɔya, ko n ye a fɔ ɲa fuyen yɛ ko ii ɲa ri laka. A ka n kelaya ko n ye mɔɔ tɔrɔnilu kanhɔrɔya,

Yuhana 10:10

Son wo ye nala a suɲali kɛla, ni ta ka a faa, a ni ka tiɲali le dɔrɔn kɛ. Nde kɔnin, n nani sa ii ri ɲenemaya bɛrɛbɛrɛ sɔrɔn, ka a sɔrɔn fasayi.

Yuhana 14:6

Isa ka a jabi: «Nde, n ye sila le ri, a ni tuɲa, a ni ɲenemaya. Mɔɔ ti se wala Fa ma, ni a ma se nde ma.

Yuhana 3:16

Baa, Alla ka dunuɲa mɔɔilu kanin kosɛbɛ, wo rɔ, a ka a Dencɛ kelen pe di, kosa mɔɔ si wa lemɛniya a ma wo kana halaki, kɔni a ri ɲenemaya banbali sɔrɔn.

Yuhana 3:18

«Mɔɔ si wa lemɛniya Dencɛ ma, wo ti jalakila, kɔni mɔɔ mɛn ma lemɛniya wo tun da jalaki, baa a ma lemɛniya Alla Dencɛ kelen tɔɔ ma.

Yuhana 5:23

sa mɔɔ bɛɛ ri Dencɛ wo bonya ikomin ii ye a Fa bonyala ɲa mɛn ma. Mɛn ma sɔn ka Dencɛ wo bonya, wo tii tɛ a Fa fanan bonyala, mɛn ka Dencɛ kelaya kɔnin.»

Yuhana 6:29

Isa ka a fɔ ko: «Alla ka mɛn kelaya, ai ye lemɛniya wo ma. Alla ye a fɛ ai ye baara mɛn kɛ, wo le wo ri.»

Yuhana 6:51

Nde le ye buru ri, mɛn ye ɲenemaya dila mɔɔilu ma, mɛn jiini ka bɔ sankolo rɔ. Ni mɔɔ mɛn ka wo dɔɔn, wo ri to ɲenemaya rɔ kadawu. N di buru mɛn di, wo ye n jɛrɛ fari sobo le ri. N di wo di, sa dunuɲa mɔɔilu ri ɲenemaya sɔrɔn.»

Yuhana 6:57

N Fa mɛn ka n kela, a ye ɲenemaya rɔ, n fanan ye ɲenemaya rɔ n Fa wo le kosɔn. Wo ye n ɲa kelen wo le ma, ni mɛn ka n dɔɔn wo ri to ɲenemaya rɔ n kosɔn.

Yuhana 8:29

Mɛn ka n kelaya, a ye n fɛ waati bɛɛ rɔ. A ma n kelen bila, ka a masɔrɔn n ye ko mɛn kɛla waati bɛɛ, wo duman a yɛ.»

Yuhana 8:42

Isa ka ii jabi: «Ni Alla ye ai Fa jɛrɛ jɛrɛ le ri, nde ri diya ai yɛ, baa n bɔni Alla le rɔ. N ma na n na jɛrɛ la ko rɔ, kɔni ale ka n kelaya.

Yuhana 9:3

Isa ka a jabi: «Ɲin ma sɔrɔn ka bɛn a jɛrɛ la hakɛ ma wala a la mɔɔbailu la julumun ma. A ɲa fuyen le sɔrɔnda, sa Alla la sebaya ri yiraka mɔɔilu la ale fɛ.

Yuhana Fɔlɔ 3:16

Isa Ɲenematɔmɔnin ka a jɛrɛ di ka sa an yɛ. An ka kaninteya lɔn wo le fɛ. An fanan ka kan ka an jɛrɛ di ka sa an badenma ɲenematɔmɔninilu nɔ rɔ.

Yuhana Fɔlɔ 4:10

Kaninteya jɛrɛ jɛrɛ ye ɲa mɛn ma, wo le ɲin: ka a fɔ ko ande ra Alla kanin, wo tɛ; kɔni ale ka ande kanin ka a dencɛ lana ka a kɛ saraka di sa an na julumunilu ri makoto.

Yuhana Fɔlɔ 4:16

An ka a lɔn ko Alla ye an kaninna. An da an na lemɛniya la wo kan. Alla ye a la ko bɛɛ kɛla kaninteya le la. Mɔɔ mɛn ye kaninteya sila taamala, wo tii sidini ye tola Alla ma. Alla sidini ye tola wo tii ma fanan.

Yuhana Fɔlɔ 5:11

Alla ka sereya mɛn fɔ, wo le ɲin: a ka a fɔ ko a ra ɲenemaya banbali di an ma, ko ɲenemaya wo ye sɔrɔnna a Dencɛ le fɛ.

Yuhana Fɔlɔ 5:13

N ye sɛbɛ ɲin nawala ai ma, ai mɛnilu lemɛniyani Alla Dencɛ ma, sa ai ri a lɔn ko ɲenemaya banbali ye ai bolo.