Yuhana Fɔlɔ 4:17 - Alla la Kitabu Seniman

¹⁷ Kaninteya dafanin an fari rɔ ɲa wo le ma. Wo rɔ, ni Alla la kiti tɛɛ lon sera, an tɛ silan, baa an ye an taamala dunuɲa rɔ ikomin Isa Ɲenematɔmɔnin ka a kɛ ɲa mɛn ma.

Yuhana Fɔlɔ 4:17 ပူးပေါင်းရင်းမြစ်များ

Matiyu 10:15

N di tuɲa fɔ ai yɛ: Alla wa mɔɔilu kiti lon mɛn, mɔɔ woilu la kiti ri gbɛlɛya ka tamin hali Sɔdɔmu ni Kɔmɔri ta kan.

Matiyu 10:25

Ni karanden kɛra a la karanmɔɔ ɲɔɔn di, a dan de wo ri. Ni jɔn kɛra a jɔntii ɲɔɔn di, a dan de wo ri. A ye di? Ni mɔɔilu ka kuma juu fɔ lutii jɛrɛ ma ko Ibulusa le ye a ri, ii tɛ do fɔ lu kɔndɔ mɔɔilu ma ka tamin wo kan wa?

Matiyu 11:22

Wo le kosɔn, n di a fɔ ai yɛ ko kiti lon wa se, ai la kiti ri gbɛlɛya ka tamin Tirikailu ni Sidɔnkailu ta kan.

Matiyu 11:24

Wo le kosɔn, n di a fɔ ai yɛ ko kiti lon wa se, ai la kiti ri gbɛlɛya ka tamin Sɔdɔmukailu ta kan.»

Matiyu 12:36

N di a fɔ ai yɛ ko Alla la kiti tɛɛ lon wa se, mɔɔilu ka kuma ɲatɔnɔntan mɛnilu fɔ ii da rɔ, ii ri woilu bɛɛ fɔkun fɔ Alla yɛ,

Yuhana 15:20

Ai ye hankili bila n ka mɛn fɔ ai yɛ ko: ‹Baaraden ma wara a baaratii ri›. Ni ii ka n tɔrɔ, ii ri ai fanan tɔrɔya. Ni ii ka n kumakan namɛn ka a lamara, ii ri ai la kumakan namɛn ka a lamara.

Yuhana 17:22

Nde, n ka gbiliya di ii ma i ka mɛn di n ma, sani ii kɛ kelen di, ikomin nde ni ile,

Yakuba 2:13

Hina ri se kiti tɛɛ ma.

Yakuba 2:22

I ka a ɲayen wa? A lemɛniyara Alla ma ka kɛwaliilu kɛ. A ka kɛwali mɛnilu kɛ, woilu le ka a la lemɛniya dafa.

Piyɛri Filana 2:9

Wo koilu le bɛɛ ye a yirakala ko Maari ka a lɔn a ri mɔɔ kunka tɔrɔya rɔ ɲa mɛn ma mɛn telennin, ka telenbaliilu mara ɲakankatan ɲɛrɔ kiti la lon kɔrɔ,

Piyɛri Filana 3:7

Kɔni bi sankolo ni duukolo lamarani ta le kanma wo kuma kelen de fɛ, kiti la lon ni Alla lɔnbaliilu halaki kɔrɔ.

Yuhana Fɔlɔ 2:28

N denilu, ai fasani ye to Ɲenematɔmɔnin ma, sa an di landaɲa ba sɔrɔn, a ye nala lon mɛn, a ni an kana maloya a ɲana.

Yuhana Fɔlɔ 2:5

Kɔni mɔɔ mɛn ye Alla la kuma labatola, wo ye Alla kaninna a ɲa jɛrɛ le ma fewu. An di se a lɔnna ɲa mɛn ma ko an sidini Alla ma, wo le wo ri.

Yuhana Fɔlɔ 2:6

Ni mɔɔ mɛn ka a fɔ ko a sidini Alla ma, wo tii ka kan ka taama ikomin Isa jɛrɛ taamara ɲa mɛn ma.

Yuhana Fɔlɔ 3:1

A ragbɛ! An Fa ye an kaninna ɲa mɛn ma, wo ka bon fewu! Fo a ye a fɔla an ma ko a denilu. An ye a denilu le ri jɔ. Dunuɲa mɔɔilu ma Alla lɔn. Wo le ka a kɛ, ii ti se a lɔnna ko andeilu ye a denilu le ri!

Yuhana Fɔlɔ 3:3

Mɔɔ mɛnilu jii lani a rɔ ko ii ri kɛ ikomin Isa, woilu ye ii jɛrɛ sɛninya ikomin Isa Ɲenematɔmɔnin sɛninyani ɲa mɛn ma.

Yuhana Fɔlɔ 3:7

N den mɛsɛnilu, ai kana sɔn mɔɔ si ye ai lafili: mɔɔ mɛn ye taamala telenbaaya kan, wo telenni le ikomin Isa Ɲenematɔmɔnin telenni ɲa mɛn ma.

Yuhana Fɔlɔ 4:12

Mɔɔ si ma Alla yen a ɲa la fɔlɔ. Kɔni ni an ka an ɲɔɔn kanin, wo ye a yirakala ko Alla sidini ye tola an ma. Ka a la wo kan, Alla ye an fɛ, a la kanintɛya dafani an dɔ.