Yuhana Fɔlɔ 2:8 - Alla la Kitabu Seniman

⁸ Wo bɛɛ ni a ta, n ye jamarili mɛn sɛbɛla ka a di ai ma, jamarili kura le wo ri fanan. Isa taamaɲa ni ai la taamaɲa ye wo yirakala tuɲa le ri, baa dibi bantɔ le, kɛnɛ jɛrɛ jɛrɛ ye bɔla sisen.

Yuhana Fɔlɔ 2:8 ပူးပေါင်းရင်းမြစ်များ

Matiyu 4:16

Mɔɔ mɛnilu siini tɛrɛ dibi rɔ ye, woilu ka kɛnɛ ba do yen. Mɛnilu siini tɛrɛ saya dibi rɔ, kɛnɛya bɔra woilu ma.»

Luka 1:79

Sa mɛnilu ye Alla lɔnbaliya dibi rɔ, a ni mɛnilu silanni saya dibi yɛ, woilu ri bɔ dibi wo bɛɛ rɔ. Sa an di se ka jususuma sila taama.»

Yuhana 1:9

Kɛnɛ wo tɛrɛ ye kɛnɛbɔlan bɛrɛ bɛrɛ le ri, mɛn ye kɛnɛ bɔla adamaden bɛɛ yɛ. Ale nani tɛrɛ dunuɲa rɔ.

Yuhana 12:35

Wo rɔ Isa ka a fɔ ko: «Dunuɲa kɛnɛbɔlan ye a tola ai tɔrɔfɛ waatini. Ai ye taama ai ni dunuɲa kɛnɛbɔlan yen waati mɛn, sani dibi ye don ai ma waati mɛn. Baa mɛn ye taamala dibi rɔ wo ma a lɔn a ye wala yɔrɔ mɛn na.

Yuhana 12:46

N nani ka a kɛ dunuɲa kɛnɛbɔlan de ri, wo rɔ mɔɔ mɔɔ wa lemɛniya n ma wo tii ti to dibi rɔ.

Yuhana 13:34

«N ye jamarili kura le dila ai ma. Ai ye ai ɲɔɔn kanin. Ikomin ai diyara n yɛ ai fanan ye diya ai ɲɔɔn yɛ.

Yuhana 8:12

Isa ka kuma kura damira jama yɛ ka a fɔ ko: «Nde ye dunuɲa kɛnɛbɔlan de ri. Mɛn wa bila n kɔ wo tii ti taamala dibi rɔ, kɔni a ri dunuɲaratɛɛ kɛnɛya rɔ.»

Kewalilu 17:30

Ko su woilu kɛra kolɔnbaliya le rɔ waati taminni. Alla ra woilu to, kɔni bi a ye mɔɔ bɛɛ jamarila fan bɛɛ rɔ ko ii ye tubi sisen ka na a ma,

Kewalilu 26:18

I ri wa ii ɲa laka, ka ii bɔ dibi rɔ ka na kɛnɛ rɔ. I ri ii bɔ Setana se kɔrɔ ka ii lana Alla ma. Wo rɔ, ii la kojuu ri yafa ii ma. Ii ri sii diya sɔrɔn Alla la mɔɔilu fɛ, mɛnilu ra lemɛniya nde ma kɔnin.›

Efɛsikailu 5:8

Ka a masɔrɔn aile fanan kɛnin tɛrɛ le ikomin dibi kɔni sisen ai ra kɛ ikomin kɛnɛya Maari baraka rɔ. Wo rɔ, ai ye taama ikomin kɛnɛya mɔɔilu.

Piyɛri Fɔlɔ 1:21

Ai lemɛniyani Alla ma ale le baraka rɔ, Alla mɛn ka a lawuli saya rɔ, a ka gbiliya di wo ma, kosa ai la lemɛniya ni jii ye to Alla rɔ.

Yuhana Fɔlɔ 3:23

A ka jamarili mɛn di an ma, wo le ɲin: an ye lemɛniya a dencɛ Isa Ɲenematɔmɔnin ma, a ni an ye an ɲɔɔn kanin ikomin Isa Ɲenematɔmɔnin ka an jamari ɲa mɛn ma.

Yuhana Fɔlɔ 4:11

Nba, n kanintenilu, ni Alla ra an kanin ten, an fanan ka kan ka an ɲɔɔn kanin de!

Yuhana Fɔlɔ 4:21

Alla ka jamarili mɛn fɔ an yɛ, wo le ɲin: a ka a fɔ ko ni mɔɔ mɛn ye Alla kaninna, fo wo tii ye a badenma ɲenematɔmɔnin fanan kanin.