Yuhana Fɔlɔ 2:18 - Alla la Kitabu Seniman

¹⁸ N denilu, dunuɲa laban waati le ɲin. A fɔra ai yɛ kɔrɔman ko Ɲenematɔmɔnin juu ri na. Awa, Ɲenematɔmɔnin juuilu siyaman da wuli sisen. An ka a lɔn wo rɔ ko dunuɲa laban waati le ɲin.

Yuhana Fɔlɔ 2:18 ပူးပေါင်းရင်းမြစ်များ

Matiyu 24:11

Wuya nabi siyaman di wuli, ka mɔɔ siyaman nafili.

Matiyu 24:24

baa wuya nabiilu ri wuli, a ni mɛnilu ka a fɔ ko iile ye Ɲenematɔmɔnin di. Ii ri tɔɔmasere bailu ni kabannakoilu kɛ ka Alla la mɔɔ suwandiniilu lafili, ni wo ri se kɛla.

Matiyu 24:5

baa mɔɔ siyaman di na n tɔɔ rɔ, ka a fɔ ko: ‹Nde le ye Ɲenematɔmɔnin di.› Ii ri mɔɔ siyaman nafili wo rɔ.

Yuhana 21:5

Isa ka a fɔ ii yɛ ko: «N denilu, ai ra jɛɛ do sɔrɔn wa?» Ii ka a jabi: «Ɛɛn.»

Piyɛri Fɔlɔ 1:20

Alla tɛrɛ ra wo suwandi yani dunuɲa ye dan, ka a labɔ kɛnɛma ai le la ko rɔ waati laban ɲinilu rɔ.

Piyɛri Fɔlɔ 1:5

ai le mɛnilu kandani a fanka la lemɛniya fɛ kosa ai ye kisi sɔrɔn, mɛn ye bɔla kɛnɛma waati labanilu rɔ.

Piyɛri Fɔlɔ 4:7

Koilu bɛɛ laban ra madon. Wo rɔ, ai ye a kɛ hankili la, ka ai jɛrɛ mira kosa ai ye se Alla matarala.

Piyɛri Filana 2:1

Kɔni wuya nabiilu tɛrɛ ye jama tɛma waati taminin. Wuya karanmɔɔilu fanan di yen ai tɛma. Ii ri wuya karanilu ladon ai tɛma gbundu rɔ mɛnilu ri mɔɔilu halaki haan ka ii ban ii Tii rɔ mɛn da ii kunka. Woilu ye halaki le kilila ii jɛrɛ ma jona!

Piyɛri Filana 3:3

Ai ye a lɔn fɔlɔ ko lon labanilu rɔ, mayɛlɛlilailu ri na ai mayɛlɛ diya mɛnilu ye bilala ii la kunfan kojuuilu kɔfɛ.

Yuhana Fɔlɔ 2:22

A ye di? Yon ye wuyafɔla di? Wo ye mɔɔ le ri, mɛn ye a fɔla ko Isa tɛ Ɲenematɔmɔnin di. Mɛn ye wo fɔla, Ɲenematɔmɔnin juu le wo ri. A banni an Fa Alla ni a Dencɛ rɔ.

Yuhana Fɔlɔ 4:1

N kanintenilu, wuya nabiilu ka siya dunuɲa rɔ sisen. Wo rɔ, mɔɔ mɛnilu ka a fɔ ko Alla Nii Sɛniman ye ii fɛ, ai kana la woilu bɛɛ la de! Ai ye ii kɔrɔbɔ butun, sa ai ri a lɔn Alla Nii ye mɛn fɛ.

Yuhana Fɔlɔ 4:3

Kɔni mɔɔ mɛn ma sɔn i lɔla Isa la ten, Alla Nii tɛ wo fɛ. Wo tii miriya bɔni Ɲenematɔmɔnin juu le rɔ. Ai ka wo la ko mɛn ko a natɔ dunuɲa rɔ. Kɔni sisen a ra na.

Yuhana Filana 1:7

Mɔɔ lafilila ka siya dunuɲa rɔ sisen. Woilu le tɛ ii lɔla a la ko Isa Ɲenematɔmɔnin nara dunuɲa rɔ ka kɛ adamaden di. Mɔɔ su wo ye mɔɔ lafilila le ri, a ni Ɲenematɔmɔnin juu.

Judi 1:18

Ii ka a fɔ le ai yɛ ko, «Mɔɔ mayɛlɛla ri na le waati laban dɔ, mɛnilu bilani ii la Alla lɔnbaliya kunfan koilu kɔfɛ.»