Yuhana Fɔlɔ 1:3 - Alla la Kitabu Seniman

³ An ka mɛn yen, ka mɛn mɛn, an ye wo le fɔla ai yɛ, sa ai fanan di don an na duɲɔɔya rɔ, andeilu mɛnilu ye Fa Alla ni a dencɛ Isa Ɲenematɔmɔnin na duɲɔɔya rɔ.

Yuhana Fɔlɔ 1:3 ပူးပေါင်းရင်းမြစ်များ

Yuhana 17:11

N tɛ dunuɲa rɔ butun, kɔni ii ye dunuɲa rɔ, nde natɔ i ma. Fa Sɛniman, i ye ii lamara i tɔɔ sɛniman na, i ka tɔɔ mɛn di n ma, sa ii ye kɛ kelen de ikomin an ye kelen di ɲa mɛn ma.

Yuhana 17:21

sani bɛɛ ye kɛ kelen di. N Fa, ikomin ile ni nde ye kelen di, woilu fanan ni ande bɛɛ ye kɛ kelen di, sani dunuɲa ye a lɔn ko ile le ka n kelaya.

Yuhana 17:25

N Fa, mɛn telenni, dunuɲa ma i lɔn, kɔni nde ka i lɔn, woilu fanan ye a lɔn ko ile le ka n kelaya.

Yuhana 17:3

Wo rɔ ɲenemaya banbali ye mɛn di, wo le ɲin: ka ile lɔn, ile mɛn kelen pe ye Alla jɛrɛjɛrɛ ri, a ni ka Isa Ɲenematɔmɔnin fanan lɔn, i ka mɛn kelaya.

Yuhana 19:35

Mɛn ka a yen wo kɛra a la sereya ri. A la sereya ye tuɲa le ri. Ale ka a lɔn ko a ye tuɲa le fɔla. A ka sereya mɛn bɔ sa ai fanan di lemɛniya Isa ma.

Kewalilu 13:32

An nani wo le kibaro ɲuma fɔla ai yɛ ko Alla ka lahidi mɛn ta an benbailu yɛ,

Kewalilu 13:41

‹Ai ɲa lɔ! Ai mɛnilu ye Alla la koilu lafɛyala ka ai ban a rɔ. Ai ye kabannakoya, ka ban ka halaki. Ka a masɔrɔn n di mɛn kɛ ai tele rɔ, ai tɛ la wo la, hali ni mɔɔ nara wo ɲafɔ ai yɛ.›»

Kewalilu 2:42

Ii tunadiyani tɛrɛ ye ii tolo malɔla talibidenbailu la karankan na, ka i ɲɔɔn nadɛn badenmaya rɔ, ka dɔɔnnin kɛ i ɲɔɔn fɛ, ka Alla matara.

Kewalilu 20:27

baa n ma Alla la ko latɛɛni si dokon ai ma. Ɛɛn! N ka wo bɛɛ lase ai ma.

Kewalilu 4:20

Kɔni an ti se ka an makun. An ka mɛn yen Isa la a ni an ka mɛn mɛn a la, fo an ye wo bɛɛ lase mɔɔilu ma.»

Efɛsikailu 3:6

Wo gbundu ko le ɲin di ko siya gbɛrɛilu ni Yahudiyailu ri cɛ kelen sɔrɔn Isa la ko Kibaro Ɲuma baraka rɔ, ka kɛ jama kelen di ikomin faribanku kelen, ii fila bɛɛ ri lahidi ɲin sɔrɔn Ɲenematɔmɔnin Isa baraka rɔ.

Filipikailu 1:7

A bɛnni ai bɛɛ la diyaɲɛ ye to n dɔ ɲa kelen dɔ, ka a masɔrɔn ai la ko lamarani n jusu rɔ. Baa ni n sidini jɔlɔkɔ la, wala ni n ye Isa la ko Kibaro Ɲuma kɛlɛ kɛla, ka a ɲabɔ, an bɛɛ ye Alla la sɔli rɔ.

Filipikailu 2:1

Wo rɔ, ni Ɲenematɔmɔnin ye fanka si dila ai ma, wala ni a la kaninteya ye masabarili si dila ai ma, wala ni bɛn si ye ai ni Alla la Nii Sɛniman tɛma, wala ni kaninteya ni kininkinin si ye ai rɔ,

Filipikailu 3:10

N ye a fɛ sinɛn ka Isa lɔn, a ni fanka mɛn ka a lawuli ka bɔ saya rɔ, an ni ale ye tɔrɔya kelen di, ka kɛ ikomin ale a la saya rɔ

Kɔlɔsikailu 1:13

Ale ra an kisi dibi fanka ma, ka wa an di a diyana dencɛ la mansaya rɔ

Piyɛri Fɔlɔ 5:1

N ye lemɛniya jama mɔɔbailu fanan madiyala ai tɛma ka a masɔrɔn n fanan kɛni jama mɔɔba do le ri ikomin iile, a ni Ɲenematɔmɔnin na tɔrɔya sereya do. Gbiliya mɛn natɔ bɔla kɛnɛma, n fanan di wo do sɔrɔn.

Piyɛri Filana 1:16

Nba, Maari Isa Ɲenematɔmɔnin na ko rɔ a ni a la fanka, an ma mɔɔilu la tali rabɛniilu fɔ ai yɛ ka bɛn wo koilu ma, baa andeilu jɛrɛ le ka a la gbiliya yen an ɲailu la.

Yuhana Fɔlɔ 1:1

Mɛn tɛrɛ ye fɔlɔfɔlɔ ka a tɛrɛn fen si ma dan fɔlɔ, an ka an tolo malɔ wo la ka an ɲa la a kan. An ka a ragbɛ ka an bolo maa a la. A ye kilila ko Kuma, mɛn ye ɲenemaya jɛrɛ jɛrɛ dila mɔɔilu ma.

Yuhana Fɔlɔ 1:5

Nba, an ka kuma mɛn mɛn Isa Ɲenematɔmɔnin na, an ye wo lasela ai ma. Kuma wo le ɲin di: Alla ye kɛnɛ ri; dibi yɔrɔ si tɛ a rɔ.

Yuhana Fɔlɔ 1:7

Kɔni ni an ye taamala kɛnɛ rɔ, ikomin Alla jɛrɛ ye kɛnɛ rɔ ɲa mɛn ma, duɲɔɔnya ri kɛ an ni ɲɔɔn tɛma. Ka a la wo kan, a dencɛ Isa la jeli ri hakɛ bɛɛ bɔ an dɔ ka an sɛniya.