Mathai 21:28 - Asang Khongso New Testament

²⁸ Jesuh mah, “Kawbangmaw na dawn o? Vaito loa capa hnetto ka tawn kami longto a oh. A capa calu khaeah caeh moa, ‘Ka capa, vaihni loa misur takhaa ah caeh aloa toksah ah,’ tiah a naa.

Caekäcai Kangthae (Lemi)

²⁸ Isu ma äni ce tea “Nang ce lä mätae te phüng tängai ö. Khimi lawngtä-a cäpaw lawng netä awng. Äni lä äcäpaw kälengky tea ly kha ‘Cäpaw ä, Vaini Cäpje angkhaw thung-a ly kha kälu sa ba’ näkha näpa.

Mathai 21:28 ပူးပေါင်းရင်းမြစ်များ

Mathai 17:25

Piter mah, “Ue, a paek” tiah a naa. Piter loa im thungah akun na-ah Jesuh mah lok apaeh haih hmaloe moa, “Simon, kawbangmaw na dawn? Hae longprae sangpahrangnawk khaeah mimah maw prae kalah ih hmuen akunhaih tho, tiaibaloa tamut to ka paek? Prae thungih kaminawk mah maw, tiaibaloa prae kalah kaminawk mah maw?” tiah a duengh.

Mathai 20:1

Jesuh mah, “Van Poenghaih loa hitiah ni a oh. Takhaa tawnkung longto loa misur takhaa thungah tok kasah hanih kami pakrong hanah khawnbang khawnthaw ah tacawt.

Mathai 21:27

Topongah, “Ka panoek o ai,” tiah Jesuh to pathim pae o. Tona-ah Jesuh mah, “Totibaloa kaimah doeh tih akaa hoiah maw hi hmuennawk hae ka sak, tito kang thuii o mak ai,” tiah a naa.

Mathai 21:29

A capa mah, ‘Ka koeh ai,’ tiah angmak pae; to-e vaiah loa palung a dawn let moa misur takhaa ah to caeh.

Mathai 21:33

Jesuh mah, “Patahhaih kalah to tahngai o bae rae ah: Vaito na-ah lawk tawnkung longto a oh moa misur takhaa to a sak. To takhaa loa sipae a komh takui, misur pasawhhaih hanah tangqom khaw to takaeh moa toephaih hanah buk maeto a sak. Topacoengah misur takhaa toksahkungnawk khaeah hlaisak moa angmah to kholong ah caehtak.

Mathai 22:17

Topongah na dawnhaih hoiah na thui ah, Rom sangpahrang khaeah tamut paek hae aicae ih Tawklok mah a koeh maw koeh ai maw?” tiah a duengh o.

Marka 13:34

Tihoiah maw ahmong ti nahaeloa kami longto kholong ah caeh hanah amsak moa a tamtoehnawk khaeah a sak hanih tok to pazet rip moa, khongkha toepkung mah doeh hoihdak ta-ah toep hanah lok ka taquk ih im tawnkung batiah ni om tih.

Luka 13:4

Siloam ih imsang amtim na-ah kami hlaitazetto a taeh moa duek ih kawng to kawbangmaw na dawn o? Totiah a duek o pongah Jerusalem ih kaom kaminawk pongdoeh a zae o koek, tito amtuengsak tiah na dawn o maw?

1 Korin 10:15

Ka dawn thai kaminawk khaeah lokthuih batiah nangcae khaeah kang thuih o; kang thuih o ih to nangmahcae hoi nangmahcae to mah khingmong oah.

1 Korin 15:58

Topongah ka palung ih naukamzanawk, amtim aiah kacak ah angdoe oah. Angraeng ih tok to thahoihhaih hoiah sah o poe ah, Angraeng ih toksak loa azom ai tito na panoek o.