Lokphong 3:8 - Asang Khongso New Testament

⁸ Na sak ih to ka panoek; na thaohhaih to tamsi tiah ka panoek; kang patuk ih to na pazui moa kai hanah oepom ta-ah na oh. Na hma-ah thok kang paong pae boah moa mita mah doeh kha thaih mak ai boah.

Caekäcai Kangthae (Lemi)

⁸ Nang ce sa saite na tea kai lä mäny. Nang ce lä aethaw äje cäcaw xyng awng te kai mäny vi. Tungaila nang ce lä kai üng lo tängai kha kai tea aephae ö te y. Nang ce üng maw-a kai lä kätho pä-awng pyng te vi dy. Honi tea ämi la aekhae haw y vi.

Lokphong 3:8 ပူးပေါင်းရင်းမြစ်များ

Luka 12:9

To-e minawk hma-ah kai ka tahnawng kaminawk loa Kami Capa mah Sithaw ih vanminawk hma-ah tahnawng o toeng tih.

Johan 15:20

‘Misong loa angmah ih angraeng ponghdoeh len kue vaih ai,’ tiah kang thuih ih to palung thungah pakuem o toemoe ah. Kaminawk mah kai hae pacaekhlaek o nahaeloa nangcae to doeh pacaekhlaek o toeng tih; anihcae mah kai ih patukhaih to pazui o nahaeloa nangcae ih patukhaih to doeh pazui o toeng tih.

Johan 17:6

“Longprae thung hoitoah nang paek ih kaminawk khaeah na hmin to kamtuengsak boah. To kaminawk loa nang iah a oh moa kai khaeah nang paek ih ni. Anihcae loa na lok to pazui o moa,

Angtawtha 14:27

Antiok ah a phak hoi na-ah Khrihca kangkom ih kaminawk to nawnto ah amkhuengsak hoi moa anih hnit ranghoiah Sithaw mah a sak ihnawk boih hoi Gentel kaminawk mah taang o thai hanah lam a paong pae ihnawk boih to a thuih pae hoi.

1 Korin 16:9

Kai ka aekkungnawk a oh o mang e hiah hae atho kaom ah toksak thaihaih ih atue kahoih parai to a oh.

2 Korin 2:12

Khrih kawng Tamthang Kahoih to thuih hanah Troas ah ka phak na-ah toah to toksak hanah Angraeng mah lam ang paong tito ka hnuk.

Filipi 4:13

Khrih mah ang paek ih tharahhaih ranghoiah kawbatih angdoethmuenh ah doehsoe ka hmak thai boah.

Kolosa 4:3

Totiah kho na phoeh o na-ah kai hanah doeh na phoeh pae o toeng ah. Totih na-ah ni Khrih ih loktamqu kawng to taphong thai hanah Sithaw mah atue kahoih to na paek tih. Ato tamthang lok pongah ni loa vaihi thongim thungah kang ung.

1 Timote 5:8

To-e ami doeh angmah ih sanauknawk to khenzawn ai nahaeloa, lokpui koek ah angmah ih imthungtako to khenzawn ai nahaeloa, taanghaih to hnukthung tak boah moa ka taang ainawk pongdoeh set aep.

2 Timote 4:7

Kai loa cawnh angnoek poi ah tha ka tawnh ih boih hoiah ka cawnh. Angnoekhaih ih aboeng khoekto ka cawnh boah moa taanghaih to kacak ah ka patawn boah.

Judae 1:4

Kawmawtiah Sithaw tiadoeh ka sah ai kami thoemto mah mi panoek aiah tamqu lamah aicae thungah akun o, angmahcae ih tuinuenh kahoih ai to khuk hmoek hanah Sithaw tahmenhaih tamthang to kamsoem aiah a thuih o moa aicae ih Ukkung hoi Angraeng ah kaom Jesuh Khrih to tahnawng o. Hibatih kaminawk loa zaenet ah om o tih tito Cabu Kacai mah zanghnii ah a thuih coek boah.

Lokphong 2:13

Na ohhaih ih ahmuenh to ka panoek, Setan mah angmah ih angraeng tangkhang suekhaih ih ahmuenh ni. Kai hanah oepom ah na oh moa Setan ohhaih ih ahmuenh ah kai ih saksi oepom Antipas to hum o na-ah doeh kai taanghaih to na prawt sut ai.

Lokphong 2:2

Na toksakhaih ih to ka panoek; natanto maw toksak na zom moa natanto maw palungsawkhaih hoiah na oh tito ka panoek. Kami kahoih ainawk nuiah na pauep thai ai ih hoi kawkpatoeh ah om o ai e, kawkpatoeh ah ka oh tiah kathui kaminawk to na tanoek moa kamlai kaminawk ni tiah na hnuk ihnawk to ka panoek king.

Lokphong 22:7

Jesuh mah, “Tahngai ah! Kangzoh palang han! Hi cabu thungah tarik ih tahma loknawk ka pazui loa palung kanghoe kaminawk ni,” tiah a thuih.

Lokphong 3:1

“Sardis vang Khrihca kangkom ih vanmi khaeah hitiah tarik ah: “Hi lok loa Sithaw ih pakhra sarihto hoi sakae sarihto ka tawnkung khae hoi-ih lok ni. Na sak ih to ka panoek; nang loa kahing ni tiah na hmin amthang e, na duek tito kang panoek.

Lokphong 3:10

Kawmawtiah ka lokpaek hae nangcae mah palungsawkhaih hoiah na pazui o; topongah long kaminawk boih tanoek tacak hanah longnui ah kangzoh na-ah raihaih tue thung hoitoah kang loihsak han.

Lokphong 3:15

Na sak ih to kang panoek; angqai doeh angqai ai, bae doeh bae ai ah na oh to kang panoek. Angqai baloa angqai ngala, bet baloa bae ngala ah oh hanah kang koeh.

Lokphong 3:7

“Filadelfia vang Khrihca kangkom ih vanmi khaeah hitiah tarik ah: “Hi lok loa kacai hoi oepthok kami khae hoi-ih lok ni. Anih loa David ih sawr to a tawnh moa thok to a paongh na-ah mita mah doeh kha thaih mak ai ueloa a khah ih to loa mita mah doeh paong thai mak ai.