Judae 1:3 - Asang Khongso New Testament

³ Ka palung ih ampuinawk, aicae boih mah hak o rip ih pahlonghaih kawng hae ca hoiah hoihdak ta-ah tarik hanah kamsak tuektuek. Sithaw mah angmah ih kaminawk khaeah vaito ah khawtkoeng ah a paek ih taanghaih kawng pongah kacak ah angdoet hanah nangcae khaeah thapaek hanah ca tarik han angtoeng parai tiah ka dawn.

Caekäcai Kangthae (Lemi)

³ Ngai bärai saite äpy na ä, Säthaw lä mä-ai angxynlyng na bung aeqang saite phüng nang ce tea kai lä cae tärü hethang tengxyng y ngaiphi te vi dy. Honi jüng-a vaihi nang ce lä yng saite tea aedung hai hethang kai lä cae tärü kha mäci he ngai te vi. Säthaw lä äma üng khimi angxynlyng na tea yng saite kätüng qengtä ma dungtäsa tähang py te vi dy.

Judae 1:3 ပူးပေါင်းရင်းမြစ်များ

Angtawtha 17:3

Messiah loa patanghaih pauep ueloa duekhaih thung hoitoah angthawklet tih tito Cabu Kacai thung hoitoah amtuengsak moa kacai ta-ah a thuih pae. Paul mah, “Kaimah nangcae khaeah kang thuih ih Jesuh loa Messiah hae ni,” tiah a naa pae.

Angtawtha 18:28

Kawmawtiah lok angaekhaih bangah a rah parai moa Jesuh loa Messiah ni tito Cabu Kacai hoitoah kacaipin ah amtuengsak moa mipui hma-ih lok angaekhaih na-ah Judah kaminawk to pazawk toemoe.

Angtawtha 20:27

Kawmawtiah Sithaw ih amsakhaih ih boih to nangcae khaeah kang thuih o king moa taphat ih tidoeh om ai.

Angtawtha 28:28

Topacoengah Paul mah aboenghaih koek ah, “Topongah Sithaw ih pahlonghaih tamthang lok loa Gentel kaminawk khaeah patoeh ah oh boah. Anihcae mah tahngai o tih,” tiah a naa.

Angtawtha 4:12

Pahlonghaih hae angmah ranghoiah khueh ni hnuk thai; longnui bum boih ah hae aicae pahlong hanah Sithaw mah paek ih hmin kalah mi doeh om ai,” tiah a thuih.

Angtawtha 6:7

Totiah Sithaw lok to a pung tahang aep aep. Hnukbangnawk loa Jerusalem vang thungah a pung o tahang aep aep moa qaihma paroeai mah taanghaih to talawk o toeng.

Angtawtha 9:13

Ananias mah, “Angraeng, hi kami ih a kawng kami paroeai mah ang thuih o boah moa Jerusalem ah kaom nangmah ih kaminawk nuiah zit-om hmuen a sak ihnawk kawng to doeh ang thuih o.

Angtawtha 9:22

To-e Saul ih tamthang lok thuih ih loa tha a oh aep aep moa Jesuh loa Messiah ni tiah a thuihhaih thai ih mah minawk ih palungthin a vawksak pongah Damaskas vang ih kaom Judah kaminawk mah pathim pae o thai ai.

1 Korin 15:3

Ka hak ih lokpui parai tiah nangcae khaeah kang thuih patoeng ih loa hi ni: Cabu Kacai thungah tarik ih batih toengah Khrih loa aicae zaehaih pongah a duek;

Galati 2:5

To-e nangcae hanah tamthang kahoih loktang lok hae nangcae hanih suengsak hanah atue setta boe doeh anihcae to ka paek pae o ai.

Galati 3:28

Topongah Judah kami hoi Gentel kami salakah doehsoe, misong hoi kaloih kami salakah doehsoe, nongpa hoi nongpui salakah doehsoe lahhaih ih om ai boah; Khrih Jesuh hoiah angpaehhaih ranghoiah maeto ah na oh o boih boah.

Galati 6:11

Ahi capat hae kaimah ih ban roeroe hoiah kalen puipui ah kang tarik o ih hae khen oah!

Ephesi 1:1

Sithaw koehhaih hoiah Khrih Jesuh ih kawkpatoeh ah kaom kai Paul mah Efesa vang ih kaom Sithaw kaminawk, Khrih Jesuh hoiah angpaehhaih ih hinghaih pongah oepthok ah ka hingnawk, nangcae khaeah hi ca hae kang pat o.

Filipi 1:1

Khrih Jesuh ih misong ah kaom kai Paul hoi Timote mah Khrih Jesuh hoiah kangpaeh ah kaom Filipi vang ih Sithaw kaminawk boih khae hoitoah nangcae Khrihca kangkom thungih pahoinawk hoi kacoetanawk khaeah ca kang pat o.

Filipi 1:27

Vaihi nangcae hanah lokpui ah kaom hmuen loa nangcae ih hingh tuinuenh to Khrih ih tamthang kahoih mah a nguek ih batiah oh hanah oh, topongah nangcae to kangqum o thai doehsoe, kangqum o thai ai doehsoe, amsakhaih ih maeto hoiah kacak ah nangdoet o moa tamthang kahoih taanghaih ih pongah palungthin maeto amhonghaih hoiah misatuk o nawn tito ka thaih han ka koeh.

Kolosa 1:2

Khrih hoiah angpaehhaih ranghoiah Kalosa vang ah kaom aicae ih naukamza oeptang kaom Sithaw kaminawk khaeah ca kang pat o. Aicae Ampa Sithaw mah tahmenhaih hoi monghaih to na paek o na soe.

1 Thesalon 2:2

Thesalonika vang ah kang phak o ai nahlanah Filipi vang ah natanto maw ang pacaekhlaek o moa tamhnuih tamsak lok ang sak haih o tito na panoek o. Aektaihhaih ih katingai om langla cadoehsoe angmah khae hoitoah kangzo Tamthang Kahoih to nangcae khaeah thuih hanah Sithaw mah misahoihhaih to ang paek o.

1 Timote 1:18

Ka capa, Timote, na sak hanih hi tok hae nang khaeah kang suek. Hi kang suek ih hae hnuk bangih nangmah ih kawng tahma mah a thuih ih lok hoiah a kaih ah oh. Ato lok loa misa tukhaih ih lithom ah patoh aloa,

1 Timote 6:12

Taanghaih cawnh angnoek poi ah na thaohhaih kataem katuet khoekto ah cawn aloa dungzan hinghaih to hak hanah panki ah.

2 Timote 1:13

Kang patuk ih kahmaan lok to kacak ah patawn aloa na pazui hanah khenpatawt ah; Khrih Jesuh hoiah angpaehhaih ranghoiah aicae iah kaom taanghaih hoi amlunghaih thungah om poe ah.

Titas 1:4

Aicae mah tawnh o ih taanghaih pongah ka capa tangtang Titas, nang khaeah ca kang tarik. Pa Sithaw hoi aicae Pahlongkung Khrih Jesuh mah tahmenhaih hoi monghaih paek na soe.

Hebrai 13:22

Naukamzanawk, caa kang pat o ih hae sawk parai ai pongah hi thapaekhaih lok hae palungsawkhaih hoiah tahngai hanah kang pacae o.

Hebrai 6:9

Ka palung ih ampuinawk, hitiah ka thuih langla cadoeh nangcae kawng pongah loa oeptanghaih ka tawnh. Nangcae loa tahamhoihhaih kahoih kue pahlonghaih to na tawnh o tito ka panoek.

1 Piter 5:12

Hi capat kaduem tet hae oep kathok Khrihca ampui batiah kaom Silas ih abomhaih ranghoiah kang tarik o. Ahi loa Sithaw palungnathaih ih tangtang ni tihae ka panoekkung saksi ah ka oh moa ato thungah to kangcak ah angdoe oah tiah thapaek han ka koeh.

2 Piter 1:1

Jesuh Khrih ih kawkpatoeh hoi tamtoeh kai Simon Piter mah, aicae ih Sithaw katoeng hoi Pahlongkung Jesuh Khrih ranghoiah atho kaom taanghaih paek ih kaminawk khaeah hi ca hae kang tarik o.

2 Piter 2:21

Toenghaih loklam to panoek o pacoeng hoi lokpaek kacai to anihcae khaeah paek ah oh pacoengah hnukah angqoi o tak let pongloa tidoeh panoek aiah om o ngala soehaeloa anihcae hanah a hoih kue.

Judae 1:1

Jesuh Khrih ih tamtoeh hoi Jaem ih amnauk Juda mah Sithaw mah kawk ih Pa Sithaw amlunghaih hoi Jesuh Khrih ih khetzawnhaih thungah ka omnawk khaeah:

Judae 1:17

To-e ampuinawk, aicae Angraeng Jesuh Khrih ih kawkpatoehnawk mah zanghnii ah nangcae khaeah ang thuih ih to pahnet o hmah.

Judae 1:20

To-e ampuinawk, nangcae loa nangmahcae taanghaih kacai koek pongah nangmahcae hoi nangmahcae to kangcak aep ah sah o ah. Cai Pakhra tharahhaih hoiah khophoe o aloa,

Lokphong 12:11

Aicae naukamzanawk loa Tuuca thii hoi loktang lok taphong o ranghoiah pazawkhaih to a hak o boah; angmahcae hinghaih to paek pasaeng koeh o moa duek doeh a vam o.

Lokphong 2:10

Patang khanghaih na pauep hankoi to tidoeh zi hmah. Tahngai e! Diabol mah nangcae thungih thoemto to thongim ah pakhrah o tih, moa ni hato kraa tih. Duek han khoekto om langla cadoehsoe kai hanah oepom ta-ah om ah, pazawkhaih tho ah hinghaih lumuek to kang paek han.