Johan 6:2 - Asang Khongso New Testament

² Dawnraihaih ih sakhaih hoiah ngan kana kaminawk a hoihsak ih to a hnuk o boah pongah mipui paroeai mah anih hnukah to a baang o.

Caekäcai Kangthae (Lemi)

² Naw saite khimi na tea hawi sa te kamarae nung te phüng-a khimipui na lä äni leithung hui ö dy.

Johan 6:2 ပူးပေါင်းရင်းမြစ်များ

Mathai 12:15

Totiah hum hanah tamqu lamah angcaenghaih o ih to Jesuh mah a thaih na-ah to hmuenh hoitoah a caeh ving. Tona-ah mipui paroeai mah ahnuk ah baang o. Jesuh mah ngoina kaminawk to a hoihsak.

Mathai 13:2

Anih ka ven bung mipui to pop phi pongah Jesuh loa palong thungah akun moa anghnut; mipuinawk loa tuilitaeng ah angdoet o.

Mathai 14:14

Jesuh loa palong thung hoi-ih tacawt moa mipui katingai to a hnuk na-ah palung thungah tahmenhaih hoiah koi moa nganna kaminawk to ngantuisak.

Mathai 8:1

Jesuh loa maenui bang hoitoah anghum tathuk na-ah mipui paroeai mah a hnukah baang o.

Marka 1:45

To-e ato kami loa a caeh moa a hoihhaih kawng to vang kruekah a thuih. To lok to a thuih ih pop lawnlai pongah Jesuh loa kamtueng cawnlawn ah vang thungah akun thaih ai boah. Kami amdinghaih hmuenh ah a oh moa toah to hmuenhkruek hoitoah a pangh o.

Marka 6:33

To-e a caeh o to kami ka pop parai mah a hnuk o moa amimaw tito a panoek o; topongah vang kruek hoitoah tacawt o moa oenglam hoiah hmabang ah cawnh o moa Jesuh hoi a hnukbangnawk phak ai nahlanah ahmuenh ah to a phak o hmaloe.

Johan 11:47

Topongah Farasinawk hoi qaihma kacoetanawk to lokcaek kungnawk kawngsi hoiah angqum o moa, “Kawbangmaw sak o han? Hi kami mah a sak ih dawnraihaih hmuen boiboih hae khen oah!

Johan 12:18

Topongah mipui mah anih to angqumhaih ih ni, kawmawtiah hibatih dawnraihaih a sak ih to a thaih o pongah ni.

Johan 12:37

Anihcae mikhnuk ah dawnraihaih zetpui a sak e anih to taang o ai.

Johan 2:11

Jesuh mah hi dawnraihaih hmuen hmaloe koek hae Galili prae Kana vang ah a sak; toah a lensawkhaih to amtuengsak moa a hnukbangnawk mah a taang o.

Johan 2:23

Jesuh loa Takantak Poi thung Jerusalem ah a oh nathuemah dawnraihaih a sak ih to a hnuk o na-ah kami zetpui mah anih to a taang o.

Johan 20:30

A hnukbangnawk ih mikhnuk ah Jesuh mah dawnraihaih kalah zetpui a sak ih to hi cabu thungah tarik ai.

Johan 3:2

Duemto loa Jesuh khaeah a caeh moa, “Rabbi, nang loa Sithaw mah patoeh ih patukkung longto ni tito kang panoek o. Dawnraihaih na sak ihnawk hae Sithaw mah ohhaih ai nahaeloa amimah doeh sah thaih mak ai,” tiah a naa pae.

Johan 6:14

Ato dawnraihaih Jesuh mah a sak ih a hnuk o na-ah, “Ahi kami hae longnui ah kangzo han kaom Tahma tangtang ni,” tiah a thuih o.

Johan 6:22

Akhawnbang ah tuili hapbang yaeh ah kaom mipuinawk loa toah to palong maeto khueh a oh tito panoek o. Ato palong thungah Jesuh to om ai moa a hnukbangnawk khueh a caeh o tito panoek o.

Johan 6:26

Jesuh mah, “Loktang kang thuih o: Kai nang pakrong o hae ka sak ih dawnraihaih na panoek o thaih pongah na ai moa takaw to na koeh roekto na cak o pongah ni.

Johan 6:30

Anihcae mah, “Ka hnuk moa ka taang o thaih hanah kawbatih dawnraihaih ih to maw na sak han? Na sak hanih to loa timaw?