Hebrai 8:13 - Asang Khongso New Testament

¹³ Paipi kangtha kawng to thuihhaih hoiah Sithaw mah paipi hmaloe to kangquem ah coenghsak moa hmuen kangquem hoi ka prawn pranh to loa akraa aiah anghma boih tih.

Caekäcai Kangthae (Lemi)

¹³ Säthaw lä honi älo aedo saite tea älo aedo saite kangthae näkha mäthi te vi dy. Honi kätyng-a äni lä angcüky üng aenai saite älo tea lä aenai saite älo Kangrüng näkha mäthi te vi. Kangrüng tea lä tawng hethang dang y te phüng-a, qae y tea ma la ja vi ai.

Hebrai 8:13 ပူးပေါင်းရင်းမြစ်များ

Mathai 24:35

Van hoi long loa anghma boih tih, to-e ka lok loa natuek doeh anghma mak ai.

Luka 22:20

Tobatih toengah duembuh to cak o pacoengah boengloeng to anihcae khaeah a paek moa, “Hi boengloeng loa nangcae hanah kalong ka thii hoiah caksak ih Sithaw paipi kangtha ni,” tiah a naa.

1 Korin 13:8

Amlunghaih loa dungzan angcak. Tahma lok taphong thaihaih ih om cadoeh anghma roep tih; panoek ai lok apaeh thaihaih ih om cadoeh boeng tih; panoekhaih hoi thoemkophaih ih om cadoeh anghma tih.

2 Korin 3:6

Lokpaek kangtha tok na sahsak thaikung loa Sithaw Angmah hae ni. Ato lokpaek kangtha thungah ka omnawk loa tarik ih tawklok na ai ni, Pakhra to ni ka om. Tarik ih tawklok loa duekhaih to a sinh moa Pakhra mah loa hinghaih to ang tacawt haih.

2 Korin 5:17

Ami doeh Khrih hoiah kangpaeh loa kami kangtha boah ni; hinghaih kangquem to alaemh boah moa hinghaih kangtha to amtong boah.

Hebrai 1:11

Atonawk loa anghma boih tih, to-e nang loa nang cak poe tih; atonawk boih loa kahni batiah prawn boih tih.

Hebrai 12:24

Paipi kangtha ka sahkung Jesuh khaeah nangzoh o moa Abel ih athii pongdoeh kahoih kueah lok ka thuikung, Jesuh mah haeh ih athii khaeah to na phak o boah.

Hebrai 7:22

Hitiah lahhaih ih mah Jesuh to paipi kahoih kue ih kangcaksak takung ah coenghsak bae.

Hebrai 8:6

To-e vaihi loa anihcae ih tok pongdoeh kasang kue tok to Jesuh khaeah paek ah oh boah. Sithaw hoi angmah ih kami salakah Jesuh mah a sak ih paipi loa hmuen kahoih kue lok amaihhaih ih nuiah akung tasut pongah kahoih kueah oh batiah anih ih qaihma tok doehsoe kasang kueah oh.

Hebrai 8:8

To-e Sithaw mah angmah kaminawk ih pazaehaih to a hnuk na-ah anih mah, “Angraeng mah, ‘Israel kaminawk hoi Judah kaminawk hoiah paipi kangtha to sak hanah atue ani to pha tih.

Hebrai 9:15

Totiah oh pongah Sithaw mah kawk ih kaminawk mah angmah amaih ih dungzan tahamhoihhaih to hak thaih hanah paipi kangtha ka sahkung loa Khrih ni. Totiah sak thaihaih ih loa paipi hmaloe koek thungah a oh o nathuemah pazaehaih a sak o ih thung hoitoah loihsak hanah duekhaih ih a oh pongah ni.