Filipi 4:1 - Asang Khongso New Testament

¹ Topongah naukamzanawk, nangcae to kang palung o phi moa kang dawn o parai! Nangcae hae kai kanghoehaih iah na oh o moa kamluehaih iah doeh na oh o. Topacoengah naukamzanawk, Angraeng thungah nang hinghaih o ih pongah to kacak ah angdoe oah.

Caekäcai Kangthae (Lemi)

¹ Ngai bärai saite kangby jä-ai na ä, hini cae-a kai ma tärü pyng te kätyng aedawng kha nang ce lä Areng tea yng te cakhi jawjaw ö he kae. Kai üng kangby jä-ai na ä, nang ce lä kai üng bälung aevaw saite na hai aeting haile hethang ngai bärai saite na vi. Nang ce lä kai üng anghawtho te hai kai üng kälu tähang dang saite ävang käting na vi.

Filipi 4:1 ပူးပေါင်းရင်းမြစ်များ

Mathai 10:22

Kai ih kawng pongah mi boih mah nangcae to na hnuhmaa o tih. To-e ami doeh aboeng khoekto kacak ah ka patawn loa pahlong ah om tih.

Johan 8:31

Topongah Jesuh mah angmah ka taang kaminawk khaeah, “Ka patuk ih hae na pazui o nahaeloa kai ih hnukbang tangtang ah na om o tih;

Angtawtha 11:23

A phak moa Sithaw mah natanto maw kaminawk to tahamhoihhaih a paek tito a hnuk na-ah palung anghoe moa Angraeng to palungthin boiboih hoiah oepom ta-ah oh han hoi palungthin tang hoiah kangcak ta-ah oh hanah anihcae boih to tha a paek.

Angtawtha 14:22

Anih hnit mah taangcanawk to tha a rahsak hoi moa taanghaih pongah kangcak ta-ah oh poe hanah tha a paek hoi.

Angtawtha 2:42

Anihcae loa kawkpatoehnawk khaeah amtukhaih hoiah atue to patoh o, angkomhaih ih thungah a paa o moa angkomzenhaih ih buh to a cak o moa kho a phoeh o toemoe.

Pawlae ma Rom märü üng kangkawng tähang tärü saite cae 2:7

Thoemto kami loa hmuen kahoih to a sak o toemoe moa lensawkhaih, khangzahaih hoi kadueh thai ai hinghaih to pakrong o; anihcae khaeah Sithaw mah dungtasawk hinghaih to paek tih.

1 Korin 15:58

Topongah ka palung ih naukamzanawk, amtim aiah kacak ah angdoe oah. Angraeng ih tok to thahoihhaih hoiah sah o poe ah, Angraeng ih toksak loa azom ai tito na panoek o.

1 Korin 16:13

Acoe aha oah, taanghaih pongah kacak ah angdoe oah, misahoih o aloa tha omsak oah.

2 Korin 1:14

Vaihi loa nangcae mah ahap apai khueh ni nang panoek o vop, to-e ka koep ta-ah nang panoek o tih tito ka oep; aicae Angraeng Jesuh ih Ni ah loa nangcae mah kaicae hae namlue o haih ueloa kaicae mah doeh nangcae to kamlue o haih toeng tih.

Galati 5:1

Aicae loa kaloih kami ah oh o boah, Khrih mah ang loihsak boah! Topongah kaloih kami batiah kangcak ah angdoe oah, misong ah coengh let hanah nangmahcae hoi nangmahcae to angpaek o hmah.

Filipi 1:27

Vaihi nangcae hanah lokpui ah kaom hmuen loa nangcae ih hingh tuinuenh to Khrih ih tamthang kahoih mah a nguek ih batiah oh hanah oh, topongah nangcae to kangqum o thai doehsoe, kangqum o thai ai doehsoe, amsakhaih ih maeto hoiah kacak ah nangdoet o moa tamthang kahoih taanghaih ih pongah palungthin maeto amhonghaih hoiah misatuk o nawn tito ka thaih han ka koeh.

Filipi 1:8

Nangcae kang poekhaih o ih hae Khrih Jesuh angmah ih palungthin thung hoitoah kangzo ni tito ka thuih na-ah loktang ni ka thuih tito panoekhaih bomkung loa Sithaw ni.

Filipi 2:16

Hinghaih tamthang lok na taphong o na-ah tobatiah aang oah. Totiah na sak o nahaeloa Khrih Ni ah nangcae to kamlue o haih han ih to ka tawn tih, kawmawtiah ka pankihaih ih hoi ka tokhaih hae azom mak ai tito amtuengsak tih.

Filipi 2:26

Anih loa nangcae boih to hnuk hanah a koeh parai, anih to ngantui ai tiah tamthang na thaih o pongah anih loa palunghoih ai.

Kolosa 4:12

Nangcae thungih kami ah kaom Epafras mah ban ang sinh o, anih loa Khrih Jesuh ih tamtoeh ni. Nangcae hanah palungthin tang hoiah kho a phoeh toemoe moa kacak ah nangdoet o thaih han hoi coeh khuekhaih hoi panoek thaihaih ih kacung Khrihca ah oh han hoi Sithaw koehhaih ih to kacung ah pazui thai hanah Sithaw khaeah a hnik toemoe.

1 Thesalon 3:13

Totitoah nangcae to angcaksak ueloa aicae Angraeng Jesuh loa angmah ih kaminawk boih hoiah angzoh na-ah aicae Ampa Sithaw hma-ah kami kacung hoi kacai ah na om o tih.

2 Thesalon 2:15

Totiah oh pongah naukamzanawk, kaicae mah tamthang lok thuih ih hoiah doehsoe, capat ih hoiah doehsoe, kang patuk o ih loktang loknawk to patawn o caeng aloa kacak ah angdoe oah.

2 Timote 2:1

Ka capa, Khrih Jesuh hoiah angpaehhaih ranghoiah aicae iah kaom tahmenhaih ranghoiah kangcak ah om ah.

Hebrai 10:23

Aicae mah oepdoenghaih tawnh o ih to kacak ah patawn o khrueng si, kawmawtiah a lok amaihhaih ka cungsakkung Sithaw to aicae mah taang o.

Hebrai 3:14

Kawmawtiah atangsuek nahoiah hak o ih palungthin monghaih to aboeng khoekto kacak ah patawn o nahaeloa aicae boih loa Khrih ih toksah ampui ah om o tih.

Hebrai 4:14

Topongah aicae mah tapom o ih taanghaih hae kacak ah patawn o si. Kawmawtiah aicae loa Sithaw ohhaih ih khaeah kakun Qaihma Kalen to tawnh o moa anih loa Sithaw Capa Jesuh to ni.

2 Piter 3:17

To-e ampuinawk, hi kawng nae na panoek o boah. Topongah tawklok tiadoeh dawncang ai kaminawk ih pazaehaih ih mah nangcae to zaehoi pazae moeng han ai hoi kasueng ta-ah na ohhaih o ih ahmuenh hoitoah nam tim o ving han aiah acoehaih hoiah om oah.