Angtawtha 26:23 - Asang Khongso New Testament

²³ Toto loa Messiah loa, aanghaih ih pahlonghaih loa Judah kaminawk ho Gentel kaminawk khaeah taphong hanah Messiah mah patang khanghaih to pauep ueloa duekhaih thung hoitoah kangthawk hmaloe koek ah om tih, tihae ni,” tiah a naa.

Angtawtha 26:23 ပူးပေါင်းရင်းမြစ်များ

Mathai 26:24

Cabu Kacai mah a thuih ih batiah Kami Capa loa dueh tih, to-e Kami Capa nuiah paipi alae kami hanih loa khosak a bingh! To kami loa zah aiah om ngala nahaeloa anih hanih loa hoih kue han tomah,” tiah a naa.

Mathai 27:53

Taprong thung hoitoah tacawt o moa Jesuh duekhaih thung hoitoah angthawk pacoeng na-ah, Vangpui Kacai thungah akun o moa kami paroeai mah a hnuk o.

Luka 2:32

“Ato pahlonghaih loa Gentelnawk khaeah na koehhaih loklam patuekkung aanghaih iah oh moa, nangmah ih kami Israel kaminawk khaeah lensawkhaih ka phasakkung ah oh,” tiah a thuih.

Luka 24:26

Messiah hanah hinawk boiboih to patang khang pacoengah a lensawkhaih thungah akun hanah aloe na ai maw?” a naa.

Luka 24:46

Anihcae khaeah, “Tarik ih loa hi ni: Messiah loa patang khang ueloa ni thumto pacoengah duekhaih thung hoitoah angthawklet tih,

Johan 10:18

Ka hinghaih loa amimah doeh kai khae hoitoah na lom pae mak ai. Kaimah palung angthawkhaih hoiah ni loa ka paek pasaeng. Kaimah hae paek thaih ih akaa ka tawnh moa lak thaih let ih akaa doeh ka tawnh. Ato to sak hanah Pa mah lok ang paek boah,” a naa.

Johan 11:25

Jesuh mah Marta khaeah, “Kai loa angthawklethaih hoi hinghaih ni. Kai ka taang kaminawk boih loa dueh o langla cadoeh hing o tih;

Angtawtha 13:34

Topacoengah taprong thungah qong ai roeroe ah duekhaih thung hoitoah angthawksak lethaih kawng Sithaw mah a thuih ih loa: ‘David khaeah lok kammaih ih to kacai hoi oepthok kaom tahamhoihhaih kang paek han,’ tihae ni.

Angtawtha 26:18

Nangmah anihcae ih mik to na padaisak ueloa vinghaih thung hoitoah aanghaih thungah, Setan ih tharahhaih thung hoitoah Sithaw ih tharahhaih thungah nam laemsak tih, kai to taanghaih ranghoiah anihcae zaehaih ih to tahmen ah om ueloa Sithaw mah qoih ih kaminawk salak thungah ahmuenh to hak o toengh tih,’ tiah ang naa.

Angtawtha 26:8

Hiah kaom nangcae Judah kaminawk mah tipongah maw Sithaw mah kadueh kaminawk to angthawksak let tihae kangcoeng thai ai hmuen ah na dawn o?

Angtawtha 3:18

Sithaw mah zanghnii zangkhawn ah angmah ih Messiah to patanghaih khang tih tito tahmanawk boiboih mah a thuih oekcoek boah moa ato lok to vaihi hitiah acungsak tangtang.

Angtawtha 3:24

Lok taphong hanih ka tawn tahmanawk boiboih, Samuel hoi ahnuk ih kaom tahmanawk boih mah doeh, anihcae boih mah vaihang tue ih hmuen ka om hae a thuih o zawh boah.

1 Korin 15:3

Ka hak ih lokpui parai tiah nangcae khaeah kang thuih patoeng ih loa hi ni: Cabu Kacai thungah tarik ih batih toengah Khrih loa aicae zaehaih pongah a duek;

2 Korin 4:4

Anihcae mah taang han koeh o ai, kawmawtiah hi longnui ih kahoih ai sithaw mah anihcae ih palungthin to vinghaih thungah a suek toemoe pongah ni. Anihcae nuiah aanghaih ka aang to hnuh aiah a ohsak o, ato aanghaih loa Khrih lensawkhaih kawng hoitoah angzoh moa Khrih loa Sithaw batih tangtang ah a oh.

Kolosa 1:18

Khrihca kangkom loa Khrih ih takbum ah oh moa Khrih loa a lu ni; anih loa takbum hinghaih ih takung ni. Anih loa Calu ah a oh moa cungriboih thungah hmaloe koek ah a oh thaih hanah duekhaih thung hoitoah angthawksak let boah.

Hebrai 2:10

Tiboih boih ka sah moa khenzawnkung Sithaw loa a caanawk paroeai han-iah a lensawkhaih to a toepsak thaih hanah patang khangsakhaih hoiah Jesuh to kami kacung ah a sak to kahmaan ni. Kawmawtiah Jesuh loa anihcae to pahlonghaih bangah pahoikung ni.

Lokphong 1:5

oep kaom panoek haih bomkung saksi, duekhaih thung hoitoah angthawksak let ah ka om hmaloe, longnui sangpahrangnawk ukkung ah doeh kaom Jesuh Khrih khae hoi-ih tahmenhaih hoi monghaih to nangcae khaeah oh na soe. Aicae hae ang palung moa a duekhaih ranghoiah aicae ih zaehaih thung hoitoah ang loihsak o boah.