Angtawtha 17:4 - Asang Khongso New Testament

⁴ Anihcae thungih thoemto loa palungdaengh pae o moa Paul hoi Silas to a bong o; tobatih toengah nongpui kacoeta paroeainawk hoi Sithaw ka bok Grik kami paroeainawk doeh a bong o.

Caekäcai Kangthae (Lemi)

⁴ Judae Khimi phütä na lä Pawlae thui saite älo tätang vi näkha yng ea äni ce lä Pawlae ni Saila te mang-a qa vi dy. Säthaw tea cäphaw saite Käri khimi awng mang te na hai märü thung-a ämüng aethang saite nawngmädi na la qa by vi.

Angtawtha 17:4 ပူးပေါင်းရင်းမြစ်များ

Johan 7:35

Judah kami akaatawn kungnawk loa angmahcae salak thungah, “Aicae mah hnuk o han aiah naamaw caeh han a thuih toeng? Aicae caeng kaminawk ohhaih Grik vangpui maemaeto ah caeh moa Grik kaminawk to patuk han a thuih maw vai?

Angtawtha 13:43

Mipuinawk loa acuhaih hoitoah tacawt o pacoengah Judah kami paroeai hoi Judah bokhaih ka pazui Gentel kami paroeainawk mah Paul hoi Barnabas hnukah a baang o. Kawkpatoeh hnit mah anihcae khaeah lok a thuih pae hoi moa Sithaw ih tahmenhaih thungah hingh o thai poe hanah tha a paek pae hoi.

Angtawtha 13:50

To-e Judah kaminawk loa vangpui ih pahoikungnawk hoi Sithaw ka bok khangza koi kaom Gentel nongpuinawk to palung pahruek pae o. Anihcae mah Paul hoi Barnabas to pacaekhlaekhaih amtong o moa angmahcae ih prae thung hoitoah pathok o.

Angtawtha 14:1

Tobatih toengtoeng ah Ikoniam vang ah doeh a oh: Paul hoi Barnabas loa sinakok ah to a caeh hoi, lok to a thuih hoi moa Judah kaminawk hoi Gentel kaminawk to taangca ah a coengh o.

Angtawtha 14:4

Vangpui ih kaom kaminawk loa ampraek o hlak: thoemto mah Judah kaminawk bangah to a bong o moa thoemto loa kawkpatoeh hnit bangah to a bong o.

Angtawtha 15:22

Topacoengah kawkpatoehnawk hoi kacoetanawk hoi khrihca kangkomnawk boih mah angmahcae thungih kami thoemto to qoih moa Antiok vang ah Paul hoi Barnabas hnit hoiah nawnto patoeh hanah lok takroek o.

Angtawtha 15:27

Topongah Judas hoi Silas to kang patoeh o, capat pongah kang tarik o ihnawk to angmah hnit khaekhaeh mah doeh na thui hoi tih hmang.

Angtawtha 15:32

Tahma ah kaom Judas hoi Silas hnit mah tue sawk paraiah lok a thuih hoi moa anihcae to misahoihhaih hoi tharahhaih ih to a paek pae hoi.

Angtawtha 15:40

Paul loa Silas to a qoih moa a caeh hoi, taangcanawk mah Angraeng tahmenhaih thungah tahlang pacoengah a caeh hoi.

Angtawtha 16:3

Paul mah Timote to angmah hoiah nawnto caeh haih han a koeh, anih mah tangzat-hin a aah pae. Totiah a sak pae haih ih loa Timote ampa loa Grik mi ni tito ato hmuenh ih kaom Judah kaminawk boih mah panoek o king pongah ni.

Angtawtha 17:10

Duembang phak hoiloa taangcanawk mah Paul hoi Silas to Berea ah patoeh o. Toah a phak hoi na-ah sinakok ah to a caeh hoi.

Angtawtha 17:12

Kami paroeai mah a taang o; katingai khangza kaom Grik nongpui paroeai hoi Grik nongpa paroeai mah doeh a taang o.

Angtawtha 17:14

Taangcanawk loa Paul to tuiculi tuitaeng bangah to a caehsak o; to-e Silas hoi Timote loa Berea vang ah a oh hoi qoiqai.

Angtawtha 17:17

Topongah sinakok ah Judah kaminawk hoi Sithaw ka bok Gentel kaminawk hoiah tawklok to a thuih o moa mipui amkhuenghaih ih hmuenh ah doeh ka caeh thuk tahang kaminawk hoiah nithokkruek tawklok to a thuih o.

Angtawtha 17:34

Thoemto kaminawk mah anih to a bong o moa a taang o, atonawk thungah Kawngsi thungih kacoeta Dionisias doeh a paa; Damaris na pae ih nongpui hoi kalah thoemto doeh a paa o.

Angtawtha 18:4

Sabbath nikruekto sinakok ah Judah kaminawk hoi Grik kaminawk to palung a vawksak hanah lok a thuih toemoe.

Angtawtha 19:10

Hitiah saning hnetto thung a sak moa Asia prae thungih kaom Judah kaminawk hoi Gentel kaminawk boih mah Angraeng ih lok to a thaih o.

Angtawtha 2:44

Taangcanawk boih loa nawnto ah angkom amzen o toemoe moa a tawnh o ih vawnsainawk to doeh longto hoi longto amzet o.

Angtawtha 21:28

Anihcae mah, “Israel kaminawk! Na bom oah!” tiah a hangh o. Hi kami loa vang kruekah caeh moa Israel kaminawk doehsoe, Mosi ih Tawklok doehsoe, hi Tempal doehsoe kasae ah thuih moa kaminawk to a patuk. Vaihi ah hi Tempal thungah Gentel kaminawk to akun haih moa hi hmuenh kacai hae anuenhsak!” tiah a hangh o.

Angtawtha 28:24

Thoemto loa a thuih ih lok to thaihkop o e thoemto loa taang han koeh o ai.

Angtawtha 4:23

Piter hoi Johan hnit loa a loih hoi pacoeng rumhoi angmah hnit ih ampuinawk khaeah amlaem hoi moa qaihma kacoetanawk hoi kacoetanawk mah a thuih ih to a thuih pae hoi.

2 Korin 8:5

Hitiah a sak o hae kaicae poekdawnhaih ih pongdoeh amhlai zawt! Hmaloe koek ah, angmahcae to Sithaw khaeah angpaek o; topacoengah Sithaw koehhaih hoiah kaicae khaeah angmahcae to doeh angpaek o.