2 Timote 2:21 - Asang Khongso New Testament

²¹ ami doeh ato hmuen kahoih ai boih to yaetak moa kacai ta-ah om nahaeloa tok kalen kasawk han-iah patoh ah om tih, kawmawtiah takbum kangpaek ah oh moa angmah ih Angraeng hanah patoh ka krah ah kaom, hmuen kahoih sak hanah coengcoe ah kaom kami ni.

Caekäcai Kangthae (Lemi)

²¹ Khimi lawngtä lä äma ma tea pawprae saite üng aemäcai pang dylä mangkri, äni lä pawi käleng-a ävang käting na khai saite kaephi hai aetawng vi dy. Äni lä käcai-a awng te phüng-a äni üng Areng lä äni tea kälu kähawi sa hethang tawng haw ai.

2 Timote 2:21 ပူးပေါင်းရင်းမြစ်များ

Angtawtha 9:15

Angraeng mah anih khaeah, “Caeh ah, kawmawtiah anih loa Gentel kaminawk hoi sangpahrangnawk hoi Israel kaminawk khaeah ka hmin amthangsak han hoi kai ih toksak hanah ka qoih boah.

1 Korin 5:7

Nangcae mah kathoeng kacai ah na oh o thai hanah zaehaih ih taeh kangquem to vah o king ah. Toti nahaeloa tae thuh ai ih takaw kangtha batiah na om o tih, totiah na oh o tangtang tito ka panoek khaekhaeh. Aicae ih Takantak Poi tuuca Khrih loa angbawnhaih hanah paek ah oh boah pongah aicae ih Takantak Poi loa patoh hanah coengcoe ah oh boah.

2 Korin 7:1

Kang palung o ih naukamzanawk, hi lok amaihhaih boiboih hae kaicae hanah amaih ih ni. Topongah takbum doehsoe, pakhra doehsoe kamhnongsak boiboih to loa thoengcaisak o si; Sithaw zithaih ih hinghaih hoiah thoengcaisak o si.

2 Korin 9:8

Sithaw loa nangtoeng o ih ponghdoeh kamhlai ka paekkung ah a oh moa nangmahcae angtoeng ihnawk boih to na tawn o toemoe ueloa hmuen kahoih na sak o ih nuiah kamhlai zawt ah na hak o tih.

Ephesi 2:10

Aicae loa Khrih Jesuh hoiah angpaehhaih ranghoiah hingh tuinuenh kahoih to tawnh hanah Sithaw mah aicae hae ang sak; ato to sak hanah aicae hanih ang paroep pae o coek boah.

1 Timote 6:11

To-e nang loa Sithaw kami ah na oh pongah hi hmuennawk boih hae yaetak ah. Toenghaih, Sithaw khangzahaih, taanghaih, amlunghaih, pauephaih hoi tuinom hoihhaih to tawnh hanah panki ah.

2 Timote 2:16

Khangzahaih kaom ai hoi amthuhaih ih loknawk angaekhaih ih to yaetak ving ah; ato mah kaminawk to Sithaw hoiah anghlasak aep aep.

2 Timote 2:20

Im kalen thungah loa laom sabae congca a oh: thoemto loa maku hoi sui hoiah sak iah oh moa kalah loa thing hoi amlai hlong hoiah sak iah oh. Thoemto loa ani kalen kasawk tue ah patoh hanih moa thoemto loa nithokkruek patoh romram hanih ni.

2 Timote 3:17

Topongah Sithaw ih tok ka sah kami loa thoemkophaih ih to akoep bit han oh moa hmuen kahoih cungriboih to sak thai hanah tonglaeng kakoep to tawnh han oh.

2 Timote 4:11

Luka khueh ni kai khaeah ka om. Marka doeh pacae aloa angzoh haih ah, kawmawtiah toksak na-ah kai ka bom thaih kami ah oh.

Titas 3:1

Ukkungnawk hoi akaatawn kungnawk ih lok to tahngai o moa anihcae to khangza han hoi tiboih pongah hmuen kahoih sak nabangah coengcoe ah oh o poe hanah nangmah ih kaminawk to thui pae let ah.

Titas 3:14

Aicae kaminawk to tok kahoih sak nabangah atue to patoh o na soe, anihcae hinghaih hanah angtoenghaih ih tangtang to hak thai hanah patuk pae oah. Anihcae loa azom ah om o romram hmah na soe.

Titas 3:8

Hi lok hae loktang ni. Hi loknawk hae lokpui ah suek hanah kang koeh o. Sithaw ka taang kaminawk loa hmuen kahoih sak nabangah angmahcae ih atue to patoh han a oh. Ato loa mi boih hanah kahoih hoi atho ka om ni.

1 Piter 1:22

Nangcae mah loktang to na pazui ranghoiah nangmahcae to na cai o boah moa nangmahcae ih taangca ampuinawk nuiah amlunghaih palungthin tang to na tawnh o boah. Topongah palungthin boiboih hoiah longto hoi longto amlung oah.

1 Piter 1:7

Hi patang khanghaih ih mah patoephaih loa nangcae taanghaih ih to tangtang hoi tangtang ai to panoek hanih ni. Kamro thai koi sui mataeng doeh hmai pongah tanoek ah oh, ato batiah sui ponghdoeh atho kaom pahlai zawt nangcae taanghaih ih to pauep thai hanah tanoek tacak han oh toeng. Topacoengah Jesuh Khrih amtuenghaih Ni ah saphawhaih hoi lensawkhaih hoi khangzahaih loa nangcae nuiah oh na soe.

1 Johan 3:3

Ami doeh Khrih ah hi oepdoenghaih ka tawn loa Khrih to thoengcai batih toengah angmah hoi angmah to a thoengcaisak toeng.