2 Korin 6:5 - Asang Khongso New Testament

⁵ Ang boh o, thongim ah ang pakhrak o, mipui mah angbom thuih o; takbum mah pazawk ai khoekto tok ka sak o moa iip ai hoi buh hoiaiah ka oh o.

Caekäcai Kangthae (Lemi)

⁵ Khimi ce lä kai ce tea bo kha thawng thung-a pä-ung ö vi dy. Kai ce lä aepuilung saite na aeting kha mäsae qa saite kälu na sa ö vi dy. Kai ce lä i haw y käla, ca haw y käla awng ö te vi dy.

2 Korin 6:5 ပူးပေါင်းရင်းမြစ်များ

Mathai 14:10

Topongah Johan loa thongim thungah to a lu a boengsak.

Mathai 14:3

To ai nahlanah Herod mah Johan to a naehsak moa thongim ah pakhrah. Anih mah totiah a sakhaih ih loa amnauk Filip ih zu Herodias ih kawng pongah ni.

Mathai 9:15

Jesuh mah, “Zupaluen poi ah pacae ih kaminawk loa zulakung a oh nathungah palungsae o tih,” tiah na dawn o maw? Palungsae o mak ai! To-e zulakung to anihcae khae hoitoah lak ving ih ani to pha tih, tona-ah loa buhza o toeng tih.

Angtawtha 13:3

Buhzah moa khophoeh o, anih hnit nuiah ban to koeng pae o moa patoeh o.

Angtawtha 14:19

Pisidia prae Antiok vang hoi Ikoniam vang hoitoah Judah kami thoemto to angzoh o; mipui to angmahcae bangah bong hanah palungthin to pazawk o, Paul to hlung hoiah vah o moa a duek boah mue tiah a dawn o pongah vangpui sipae laep bangah to a yaeh o.

Angtawtha 14:23

Khrihca kangkom kruekah kacoetanawk to a qoih pae hoi moa khophoehhaih hoi buhzahhaih hoiah a taang o ih Angraeng ban thungah to tahlang pae hoi.

Angtawtha 17:5

To-e Judah kami thoemto mah a ut o moa longum tako ah kavak romram ka vanglang ai kaminawk to takok o bur moa kami bupui ah coenghsak.

Angtawtha 20:31

Topongah acoehaih hoiah om o aloa saning thumto thung nangcae boih mikkhraetui hoiah qum thun kang patuk o to pahnet o hmah.

Angtawtha 23:10

Angaekhaih ih loa katingai a nat moa risa sangto ukkung risa angraeng loa Paul to taprawt o petpet tih tito a mawnh. Topongah anih loa angmah ih risanawk to kaminawk salak thungah caeh moa Paul to lak ving moa risaknawk ohhaih im thungah caeh haih hanah lok a paek.

Angtawtha 23:35

anih mah, “Nang to zae ka netkungnawk angzoh na-ah lok kang caek han,” tiah a naa. Topacoengah Paul to Herod Sangpahrang mah sak ih impui thungah risa mah cong hanah lok a paek

Angtawtha 24:27

Saning hnetto a laemh pacoengah loa Porsias Festas mah Felik to acozah ukkung ah oh hanah a laih. Felik loa Judah kaminawk ih mikhmai kahoih to hnuk han koeh pongah Paul to thongim thungah paung poe.

Angtawtha 26:10

Toto ni Jerusalem ah to ka sak. Qaihma kacoetanawk khae hoi-ih akaatawnhhaih to ka hak moa Sithaw kami paroeai to thongim thungah ka pakhrak; anihcae to hum hanah lok takroek na-ah kaimah doeh naakrak pae haih toeng.

Angtawtha 26:29

Paul mah, “Atue setta ah doehsoe, atue ka sawk ah doehsoe, Sithaw khaeah khophoehhaih ih loa nang hoi vaihni ah kai ih lok tahngai kaminawk boih, ka ban pongih sumqui tiaialoa, kai batiah na oh o king thaih hanah ni,” tiah pathim pae.

Angtawtha 28:30

Saning hnetto thung Paul loa toah to im a hlai moa a oh, angmah to hnuk han ka koeh moa kangzo kaminawk boiboih to hoihdak ta-ah loklang apaeh haih.

Angtawtha 5:18

Kawkpatoehnawk to a naeh o moa mipui thongim ah to paung o.

1 Korin 15:10

To-e Sithaw tahmenhaih ranghoiah vaihi ih kangdoethaih hmuenh ah ka oh thai moa kai hanah ang paek ih tahmenhaih loa azom ah om ai. Kawkpatoeh kalahnawk pongdoeh katingai toksak ka zom lat, ato to kaimah ka sak thai ih na ai ni, kai khaeah kaom Sithaw tahmenhaih mah toksakhaih ih ni.

1 Korin 4:11

Vaihi tue khoekto doeh tui kanghae hoi zok kamhlam ah ni ka oh o; khukbuenh prawn pranh hoiah ni ka oh o; ang boh ang caep o; ahmuenh maeto hoitoah ahmuenh kalah ah ka vah kamhet o tuektuek;

1 Korin 7:5

Atue setta thung khophoehhaih patoh han ka koeh tiah palung na due o hmaloe tiaialoa longto hoi longto koeh doenghaih ih to aek o hmah; ato pacoengah loa hmawnh ih zuva ohhaih batiah om o let ah. Toti ai nahaeloa aimah hoi aimah amquemhaih thai ih na vawt o pongah Setan pacunghaih thungah na krah o tih.

2 Korin 11:27

Toksak patanghaih apet aiah a oh moa iih boep aiah ka oh tuektuek; zok kamhlam hoi tui kanghae ah ka oh; caknaek ka boep ai hoiah ka oh tuektuek, a buep a kanhaih im tawn ai hoi khukbuenh tawn aiah ka oh tuektuek.

Ephesi 3:1

Hi kawng pongah Khrih Jesuh hanah thongkrah ah kaom kai Paul mah nangcae Gentel kaminawk hanih pongah Sithaw khaeah kho ka phoeh.

Filipi 1:13

Hi hmuen pongah sangpahrang im congkungnawk boih hoi hi ih kaom mi kalahnawk boih mah Khrih ih tamtoeh ah ka oh pongah thongim thungah ka oh to panoek o.

1 Thesalon 2:9

Naukamzanawk, natanto tha kana ah maw tok ka sak o tito hoihdak ta-ah nang panoek o. Sithaw khaeih Tamthang Kahoih ka thuih o na-ah nangcae to raihaih tidoeh paek han aiah qum thun tok ka sak o.

1 Timote 4:10

Topongah patanghaih hoiah tha kana paraiah tok ka sak, kawmawtiah kahing Sithaw ah oepdoenghaih to ka suek o. Sithaw loa mi boiboih Pahlongkung ah oh moa lokpui koek ah angmah ka taang kaminawk hanah a oh.

2 Timote 1:8

Aicae Angraeng ih kawng to saksi ah angdoet haih hanah azat hmah, Khrih hanih thongkrah kai doehsoe azat haih hmah. Sithaw mah nang to thaohhaih paek ih batih toengh Tamthang Kahoih thuih han-iah patang khanghaih to pauep lat ah.

2 Timote 2:9

Tamthang Kahoih ka thuih pongah patang ka khang moa kami kazae batiah sumqui hoiah ang pahlet o. To-e Sithaw lok loa sumqui hoiah pahlet thai ai.

2 Timote 4:5

To-e nang loa kawbatih ahmuenh hoi atue na-ah doeh nangmah hoi nangmah to anguk rat thaih hanah zom ah; patang khanghaih to pauep ah, Tamthang Kahoih taphong ih tok sah ah, Sithaw ih tamtoeh batih toengah toksak hanih paek ih boih to sah king ah.

Hebrai 11:36

Thoemto kami loa tamhnuihlok sak o haih moa bohhaih to a tongh o; thoemto loa sumqui hoiah pahlet o moa thongim ah pakhrak o.

Hebrai 13:17

Nangcae pahoikungnawk ih lok to tahngai pae oloa anihcae ih lokpaek batih toengah pazui oah. A toksakhaih ihnawk boih to Sithaw hma-ah a thuih o king let han pongah anghak aiah nangcae ih hinghaih to a khet a zawn o. Anihcae ih lok to tahngai o nahaeloa angmahcae ih tok to anghoehaih hoiah sah o tih; totih ai nahaeloa palungsethaih hoiah tok o ueloa ato loa nangcae hanah avanghaih ih tidoeh om mak ai.

Hebrai 13:23

Aicae ih amnauk Timote loa thongim thung hoitoah tacawt boah tito kang thaihsak o han ka koeh. Na pha palang nahaeloa nangcae to angqum hanah kangzoh na-ah kanghoih han.

Lokphong 2:10

Patang khanghaih na pauep hankoi to tidoeh zi hmah. Tahngai e! Diabol mah nangcae thungih thoemto to thongim ah pakhrah o tih, moa ni hato kraa tih. Duek han khoekto om langla cadoehsoe kai hanah oepom ta-ah om ah, pazawkhaih tho ah hinghaih lumuek to kang paek han.