1 Piter 1:4 - Asang Khongso New Testament

⁴ Sithaw mah angmah kaminawk hanah a suek ih tahamhoihhaih katingai to a toep hanah aicae mah oepdoeng o. Ato tahamhoihhaih loa kamro thai ai, kahmawn thai ai hoi ka zaem thai ai ih ahmuenh van ah to ang pakuem pae o.

Caekäcai Kangthae (Lemi)

⁴ Säthaw ma mä-ai tähang lä Känipre ingthawng khai pa te vi dy. Honi lä pra haw y, täphra haw y, la ja haw y.

1 Piter 1:4 ပူးပေါင်းရင်းမြစ်များ

Mathai 25:34

Topacoengah Sangpahrang mah angmah ih bantang bangah ka omnawk khaeah, ‘Angzo oah, nangcae, Pa mah tahamhoihhaih paek ih kaminawk! Angzo oah, longlai thaep tangsuek hoikamtong nangcae hanah paroep sut ih prae to a toep oah.

Marka 10:17

Jesuh loa Kholong caeh han amsak bae na-ah nongpa longto angcawnh moa anih ih khokkung ah tabok, “Patukkung kahoih, dungzan hinghaih ka hak thaih hanah timaw ka sak han?” tiah a duengh.

Angtawtha 20:32

“Vaihi loa Sithaw khetzawnhaih hoi a tahmenhaih lok thungah nangcae to kang tahlang o, ato mah nangcae to qoengsak thai ueloa mi boih hanah Sithaw mah a suek ih tahamhoihhaih to na paek o tih.

Angtawtha 26:18

Nangmah anihcae ih mik to na padaisak ueloa vinghaih thung hoitoah aanghaih thungah, Setan ih tharahhaih thung hoitoah Sithaw ih tharahhaih thungah nam laemsak tih, kai to taanghaih ranghoiah anihcae zaehaih ih to tahmen ah om ueloa Sithaw mah qoih ih kaminawk salak thungah ahmuenh to hak o toengh tih,’ tiah ang naa.

Pawlae ma Rom märü üng kangkawng tähang tärü saite cae 8:17

Aicae loa Sithaw ih caanawk ah oh pongah angmah ih kaminawk hanah a suek ih tahamhoihhaih ka toepkung ah oh o; Sithaw mah Khrih hanah a suek pae ih to Khrih hoiah nawnto ah hak o tih; kawmawtiah aicae mah Khrih hoiah nawnto ah patang khang o nahaeloa a lensawkhaih ih to doeh abo o nawn toeng tih.

1 Korin 9:25

Angnoekhaih poi ah ka paa han kami boih loa amtuk o na-ah tawk to kacak ah pazui o. Totiah sakhaih o ih loa ka zaem thaikoi apawk takae ih lumuek to hak koeh pongah ni; to-e aicae loa ka zaem thai ai kangcak poe apawk lumuek to hak hanah sak o.

Galati 3:18

Kawmawtiah Sithaw ih langrae loa Tawklok pongah amhnga nahaeloa ato langrae loa angmah ih lok amaihhaih ih pongah amhnga mak ai. To-e Sithaw mah Abraham khaeah langrae a paekhaih ih loa a lok amaih boah pongah ni.

Ephesi 1:11

Hmuen cungriboih hae Sithaw ih amsakhaih hoi pahloehaih coek ih batiah a oh king; Khrih hoiah angpaehhaih ranghoiah angmah ih kami ah oh hanah Sithaw mah aicae hae ang qoih; ato loa angmah amsakhaih iah oh moa atangsuek nahoitoah pahloe coek iah boah ni.

Ephesi 1:14

Sithaw loa angmah kaminawk khaeah amaih tangcae to aicae mah hnuh o tih tito Pakhra loa amahkhankung ah a oh moa Sithaw mah angmah kaminawk khaeah loihhaih kacung to paek tih, tihae aicae panoeksakkung ah doeh a oh bae. A lensawkhaih to pakoeh o si!

Ephesi 1:18

Ti oepdoenghaih ih to maw panoek hanah ang kawk o moa, angmah ih kaminawk hanah lok amaih ih tahamhoihhaih dawn ka rai to natanto maw a pop moa,

Kolosa 1:12

Aanghaih prae thungah Sithaw mah angmah ih kami kacainawk hanah a suek ih to qawk toepkung ah oh toeng hanah ka pazetkung Pa Sithaw to kawnhaih hoiah pakoeh oah.

Kolosa 1:5

Thuih tangtang nahaeloa, Tamthang Kahoih to nangcae khaeah ang phak tangsuek na-ah oepdoenghaih hanih kawng to na thaih o. Topongah nangcae taanghaih hoi amlunghaih loa van ah nangcae hanah kasueng ta-ah ang suek pae o ih oepdoenghaih pongah takung angsut.

Kolosa 3:24

Angraeng mah angmah ih kaminawk hanah a suek pae ih kawnvang na paek o tih tito pahnet o hmah. Kawmawtiah Khrih loa na toksak pae o ih Angraeng tangtang ni.

2 Timote 4:8

Vaihi loa katoeng ah lokcaekkung Angraeng Sithaw mah katoeng ah suek ih kaminawk hanah ato Ni ah kai ang paek hanih pazawkhaih langrae mah ang zing boah. Ato loa kai han khueh aiah angmah amtuenghaih hanih amlunghaih hoiah ka zing kaminawk boiboih hanah doeh ni.

Hebrai 10:34

Thongkrah kaminawk ih patang khanghaih to na pauep o haih bom moa nangcae ih vawnsainawk boih to ang lomh pae o na-ah na sunghaih ih to anghoehaih hoiah na pauep o thaih, kawmawtiah hi vawnsai pongdoeh kahoih kue hoi dungzan kangcak hankoi hmuen to na tawnh o tito na panoek o.

Hebrai 9:15

Totiah oh pongah Sithaw mah kawk ih kaminawk mah angmah amaih ih dungzan tahamhoihhaih to hak thaih hanah paipi kangtha ka sahkung loa Khrih ni. Totiah sak thaihaih ih loa paipi hmaloe koek thungah a oh o nathuemah pazaehaih a sak o ih thung hoitoah loihsak hanah duekhaih ih a oh pongah ni.

Jako 1:11

Ni loa tacawt moa ni kana mah apawk kung to a dawk; apawk to angmuenh moa a hoihhaih to anghmat. Tobatih toengah angraeng kanangnawk doeh kapai sak o li nathuemah anghma angtaa o tih.

1 Piter 3:9

Kahoih ai to hoihhaih ai hoiah pathok o hma, tangoenghaih to tangoenghaih hoiah pathok o hmah; tahamhoih paekhaih hoiah pathok o lat ah, kawmawtiah nangcae to ang kawk o na-ah Sithaw mah paek hanah lok amaih ih loa tahamhoihhaih ih hae ni.

1 Piter 5:4

Tuukroekung Angraeng Koek to amtueng na-ah natuek doeh ka zaem kanghmang lensawkhaih lumuek to na hnuh o tih.

Lokphong 21:27

To-e ka kathoeng kacai ai loa tidoeh ato vangpui thungah akun mak ai; azat kaom hmuen kasah kami hoi amsawn lok kathui kami loa ami doeh akun mak ai. Tuuca ih hinghaih cabu thungah ahmin kangrik khueh to ni vangpui thungah akun o tih.