1 Korin 6:10 - Asang Khongso New Testament

¹⁰ kamqunawk, kaoe kaloe ka koehnawk, mu paquinawk, mi ka prongnawk hoi mi ih vawnsai ka lom paenawk loa Sithaw Poenghaih a toep o thaih mak ai.

1 Korin 6:10 ပူးပေါင်းရင်းမြစ်များ

Mathai 21:19

Lamtaeng ah thaiduet kung to a hnuk moa a caehthuih, to-e aqam khueh tiaialoa tidoeh hnuh ai. Topongah thaiduet kung to, “Natuek doeh athaii let hmah,” tiah tangoeng. Cungkhang toah thaiduet kung loa angqo hrung roeprap.

Mathai 23:13

“Tawklok patukkungnawk hoi Farasinawk, nangcae han khosak a bingh! Nangcae laiha kaminawk! Van Poenghaih thok to minawk akun thaih han aiah na khah pae o khoep moa nangmahcae to doeh akun han na koeh o ai bae; akun ka koeh kaminawk han to doeh paongh han na koeh o ai.

Mathai 23:33

Nangcae pahuinawk, pahui cadiinawk! Hell ah krakhaih thung hoitoah loih hanah kawbangmaw na oepdoeng o thaih loa?

Johan 12:6

Hitiah a thuih ih hae kamtang kaminawk taham a dawn ih pongah doeh na ai moa kamqu ah a oh pongtoah ni. Anih loa phoisa tabu avak moa phoisanawk to a lak toemtoem.

Angtawtha 20:32

“Vaihi loa Sithaw khetzawnhaih hoi a tahmenhaih lok thungah nangcae to kang tahlang o, ato mah nangcae to qoengsak thai ueloa mi boih hanah Sithaw mah a suek ih tahamhoihhaih to na paek o tih.

1 Korin 15:50

Naukamzanawk, ka thuih koehhaih ih loa athii angan hoiah sak ih mah hae Sithaw Poenghaih to a toep thai mak ai; kadueh thai mah kadueh thai ai to a toep thai mak ai.

1 Korin 5:11

Ka thuih koehhaih ih loa, taangca ah ka oh toeng ka ti moa nongpa hoi nongpa zaehaih kasah kaminawk, kaoe kaloe ka koeh kaminawk, kraangthoi ka bok kaminawk, mu paqui kaminawk hoi kamqu kaminawk hoiah nangkom o mak ai tiah ka thuih koehhaih ih ni. Tobatih kaminawk hoiah buh mataeng doeh nawnto caa o hmah.

Galati 5:21

khithaih ih, mu paquihaih ih, hnawh lamh hoiah hangh taituhaih ih hoi ato batih hmuen kalah kalah zetpui sak o ihnawk hae ni. Acoehaih lok ka thuih kok ih batiah vaihi ka thuih let bae han: tobatih hmuen ka sah kaminawk loa Sithaw Poenghaih to atoep o thaih mak ai.

Ephesi 4:28

Kamqu kaminawk loa amqukhaih ih to toengh o lai na soe; angmah hanah katoeng ta-ah zokzae angkok han hoi mithoe naqahnawk to abom thaih hanah tok to sah na soe.

Ephesi 5:5

Kacaipin ah na panoek o hanih loa, nongpui nongpa zaehaih ka sah kami, khet kamcuk aiah kahing kami hoi kaoeloe ka koeh kaminawk (Kaoeloe koehhaih ih loa kraangthoi bokhaih ih maeto ni) loa Khrih hoi Sithaw Poenghaih thungah hak hanih taham tidoeh tawn mak ai.

1 Thesalon 4:6

Hi kawng pongah hae amimah doeh angmah ih Khrihca ampui to pazae hmah na soeloa hak hankoi to la pae hmah na soe. Hi hae kang thuih o zawh boah moa tobatih ka sah kaminawk loa Angraeng mah na raek o tih tihae kana dakah acoehaih kang paek o.

1 Piter 4:15

Nangcae thungih longlongto mah patanghaih pauep nahaeloa, kami hum pongah, amquk pongah, lumlai hnuk pongah, minawk kawng to na taek na zak pongah, patanghaih pauep o hmah.