1 Korin 4:6 - Asang Khongso New Testament

⁶ Naukamzanawk, nangmahcae han-iah hi hmuen boiboih hae kai hoi Apollo hae patahhaih iah kang lak pae o moa kang thuih o. Hitiah ka thuih na-ah, “Sipae taloek hmah,” tiah thuih ih lok kaom to thuihkoehhaih na panoek o thaih hanah ni.

Caekäcai Kangthae (Lemi)

⁶ Kangby jä-ai na ä, nang ce tea hae haetä mätu hethang kai hai Apolo phüng kai ma thui pyng te vi dy. Nang ce lä Caekäcai thung üng thui saite tea thaikaw hethang aely ngai te vi. Honi lo Caekäcai thung-a, “Tärü saite mätu nae tea nang ce lä hui kha äte kälang na tea sa ö hang” näkha awng vi. Nang ce hui saite särae lä särae kälang qawng-a kawky näkha bälaw hethang kae y.

1 Korin 4:6 ပူးပေါင်းရင်းမြစ်များ

Angtawtha 18:24

Tona thuemah Alekzandria vang ah ka za, Judah kami ahmin Apollo naa pae ih to Efesa vang ah to angzoh. Anih loa lokthuih ka kop phi moa Cabu Kacai to panoek krumkrae kami ni.

Angtawtha 19:1

Apollo to Korin vang ah oh nathuemah ato prae thungah kholong caeh amkaeh moa Efesa vang to a phak. Toah to hnukbang thoemto a hnuk moa

Pawlae ma Rom märü üng kangkawng tähang tärü saite cae 12:3

Sithaw ih tahmenhaih langrae ang paek ih ranghoiah nangcae longto rip khaeah hitiah kang thuih o: Nangmahcae hoi nangmahcae to kasang paraiah angdawn o hmah. Totipongah loa Sithaw mah taanghaih paek o ih taring batiah dawnhaih ih to oh na soe.

1 Korin 1:12

Ka thuih koehhaih ih loa hae ni: Nangcae longto rip mah thuih ih a lah boih. Longto mah, “Kai loa Paul ih hnukbang ni” a ti; kalah longto mah, “Kai loa Apollo ih hnukbang ni” a ti; kalah longto mah, “Kai loa Piter ih hnukbang ni” a ti; kalah longto mah, “Kai loa Khrih ih hnukbang ni” a ti.

1 Korin 1:19

Cabu Kacai mah, “Kacing kaminawk ih ciinghaih loa ka phraek moa, Kakop kaminawk ih thoemkophaih loa takhoe pae ving han,” tiah tarik ah oh.

1 Korin 1:31

Topongah Cabu Kacai mah, “Ami doeh amlue han ka koeh loa Angraeng mah a sak ih to amlue haih o na soe,” tiah tarik ih batiah oh.

1 Korin 13:4

Amlunghaih loa pauep thaih moa mi tahmenhaih thai; amlunghaih loa mi ut ai, amoek amhoeng ai;

1 Korin 3:19

Kawmawtiah longnui mah ciinghaih a ti ih loa Sithaw mikhnuk ah loa amthuhaih iah oh. Cabu Kacai mah, “Kami kacingnawk loa a ciinghaih o ih hoiah Sithaw mah amansak,” tiah a thuih.

1 Korin 3:21

Topongah ami doeh kami mah sak thai ih kawng pongah amoek hmah na soe. Thuih tangtang nahaeloa cungriboih hae nangcae ih ni;

1 Korin 5:2

Toti nahaeloa kawbangmaw nam-oek o thaih loa? Palungsethaih hoiah na koi o lat han oh, tobatih hmuen kasah kami loa nangcae kangkom thung hoitoah tacawtsak ving han oh.

1 Korin 5:6

Nam-oek o hae ahmaan ai roeroe. Nangcae mah, “Taeh tetta mah takaw boih to anguengsak king,” tiah thuih ih lok to na panoek o.

1 Korin 8:1

Kraangthoi bokhaih ih caknaek kawng ca hoiah nang tarik o ih to vaihi kang thuih o han: “Aicae boih mah panoekhaih ih hae tawnh o” tiah thuih o ih to ahmaan parai. To-e ato batih panoekhaih ih mah kami to amoeksak, to-e amlunghaih ih mah loa kami to a qoenghsak.

1 Korin 9:23

Tamthang kahoih tahamhoihhaih ih to pazet patoeng hanah kai loa tamthang lok hanih ah hi boiboih hae ka sak.

2 Korin 10:12

Totiah angmahcae hoi angmahcae to kasang paraiah kangsuem kaminawk hoiah vanto ah kaicae loa kangsuem o vam ai moa patah doeh ka patah o vam ai. Natanto maw amthu o! Angmahcae hoi angmahcae to angnawt hanah nawtcung to a sak o moa ato nawtcung hoiah angmahcae hoi angmahcae to lok takroek o.

2 Korin 10:15

Topongah Sithaw mah ang suek pae ih tok pazit pakhoeng laep ah mi kalahnawk mah a tok o ih to kaicae loa kamlue o ai. Sithaw mah toksakhaih pazit pakhoeng ang paek ih thungah tok hoiah nangcae salak thungah kalen hoi kakauk aep ah ka sak o thaih moa nangcae taanghaih to qoengh o aep aep lat hanah ka oepdoeng o.

2 Korin 10:7

Nangcae loa hmuennawk hae tasabang amtuenghaih ih khueh to na khet o. Toah to kami longlongto mah angmah hoi angmah to Khrih ih kami ah ka oh tiah ka thui to oh maw? Angmahcae hoi angmahcae to dawn o let na soe, kawmawtiah anihcae zetto ah kaicae loa Khrih ih kami ah ka oh o toengh.

2 Korin 11:4

Kawmawtiah kaicae mah thuih taphong ih kami na aiah Jesuh kawng to kalah kaang ah ka thui moa nangcae khaeah kangzo kami longlongto kawnhaih hoiah na talawk o; nangcae loa kaicae khae hoi-ih na hak o ih tamthang kahoih hoi Pakhra na aiah pakhra kalah kaang hoi tamthang lok kalah kaang to doeh na tapom o.

2 Korin 12:19

Nangcae hma-ah kaimahcae hoi kaimahcae to kang tangh o haih hanah apaeh o romram tuektuek titoah doeh na dawn o kalang mue. Totiah na ai ni. Sithaw hma-ah Khrih mah a thuihsak hanah a koeh ih to ni ka thuih o. Palung ih ampuinawk, cungriboih ka sak o ih hae nangcae abomhaih hanih ngai ni ka sak o.

2 Korin 12:20

To-e nangcae khaeah ka phak na-ah totiah om na soe, tiah ka koeh ih batiah om aiah kalah kaang ah kang hnuh o moeng tih tito ka mawnh moa, kai doeh totiah om na soe tiah nangcae mah koeh ih batiah ka om ai moeng tih, tito ka mawnh parai toengh. Nangcae salak thungah angzoeh angaekhaih, utcethaih, palungduemhhaih, aimah taham khueh poekhaih, tamhnuihlok sakhaih; lokprong thuihhaih hoi polaihaih ihnawk to kang hnuh o moeng tih tihae ka mawnh parai.

2 Korin 12:6

Kamlue hanah ka koeh nahaeloa kamthu ah loa ka om mak ai. To-e kamlue mak ai; kawmawtiah ka sak ih to mimah ang hnukhaih ih hoi ka thuih ih to mimah ang thaihhaih pongdoeh kasang ah mimah doeh poekhaih to tawnh han to ka koeh ai.

2 Korin 4:15

Hi boiboih hae nangcae hanih pongah ni; Sithaw tahmenhaih to kami kanoi aep aep khaeah a phak batiah kami kanoi mah Sithaw lensawkhaih to amtuengsak hanah kawnhaih ih khophoehhaih to pop aep tih.

Kolosa 2:18

Hnuksakhaih ih kasang takren ka hnuk pongah mi kalahnawk pongdoeh ranui kueah ka oh tiah ka dawn kami mah doehsoe, kami mikhnuk ah mi hlimah kangdok takren aep batiah ka thui kami hoi vanminawk bokhaih to lokpui ah ka suem kami mah doehsoe, nangcae to zae na net o hmah na soe. Tobatih kami loa thuih koehhaih ih tidoeh om ai puiah kami poekdawnhaih hoiah dawn o moa amoek o.

1 Thesalon 1:5

Kawmawtiah Tamthang Kahoih hae lok hoiah khueh aiah tharahhaih hoi Cai Pakhra hoiah doehsoe, loktang ah ohhaih to hoihdak ta-ah panoekhaih hoiah doehsoe, nangcae khaeah kang sinh o. Nangcae hoiah nawnto ka oh na-ah kawbangmaw kho ka sak o tito nang panoek o; nangmahcae ih hoihhaih hanah ni.

2 Timote 2:10

Topongah Sithaw mah qoih ih kaminawk taham ah cungriboih to ka pauep; totiah ka pauephaih ih loa anihcae mah doeh Khrih Jesuh ranghoiah kangzo pahlonghaih hoi dungzan lensawkhaih to haksak hanah a koeh pongah ni.