1 Korin 15:3 - Asang Khongso New Testament

³ Ka hak ih lokpui parai tiah nangcae khaeah kang thuih patoeng ih loa hi ni: Cabu Kacai thungah tarik ih batih toengah Khrih loa aicae zaehaih pongah a duek;

Caekäcai Kangthae (Lemi)

³ Kai lä kai ma thai khe saite aely kälengky nang ce tea thui täryng te vi dy. Caekäcai thung-a tärü te kätyng, Khrista lä mä-ai üng hunghö na tähang dü pa vi dy.

1 Korin 15:3 ပူးပေါင်းရင်းမြစ်များ

Mathai 26:24

Cabu Kacai mah a thuih ih batiah Kami Capa loa dueh tih, to-e Kami Capa nuiah paipi alae kami hanih loa khosak a bingh! To kami loa zah aiah om ngala nahaeloa anih hanih loa hoih kue han tomah,” tiah a naa.

Mathai 26:28

“Hi loa ka thii ni. Sithaw ih loktaphaih angcaksak han hoi zae tahmenhaih hanah kami paroeai han-iah ka thii ka long ni.

Luka 24:25

Tona-ah Jesuh mah anih hnit khaeah, “Namthu hoi phi hae loa! Tahmanawk mah thuih ih boiboih to taang hanah na rai hoi phi to loa!

Johan 1:29

Akhawnbang ah Johan mah Jesuh kangzo to a hnuk moa, “Long zaehaih ka phawkung Sithaw ih Tuuca ho khen o e!

Angtawtha 17:2

Paul mah a sak noek ih batiah sinakok ah to a caeh. Toah to Sabbath ni vaithumto thung minawk hoiah lok angaek o moa

Angtawtha 3:18

Sithaw mah zanghnii zangkhawn ah angmah ih Messiah to patanghaih khang tih tito tahmanawk boiboih mah a thuih oekcoek boah moa ato lok to vaihi hitiah acungsak tangtang.

Angtawtha 8:32

A kroek toepsoep ih Cabu Kacai lok loa: “Anih loa boh hanah a yaeh o ih tuu batih ni a oh, anih loa amui to aah pae o na-ah kamtueng sut tuuca batih ni a oh, anih loa lok pakhato doeh apaeh o.

Pawlae ma Rom märü üng kangkawng tähang tärü saite cae 3:25

Sithaw mah Jesuh Khrih ih athii ranghoiah kami kazae tahmenhaih to amsakhaih iah oh moa, ato tahmenhaih ih to loa angmahcae taanghaih ih ranghoiah hnuh o tih. Sithaw mah hi batih hmuen a sak hae angmah ih toenghaih amtuengsak hanah ni. Zanghnii aloa Sithaw hae palung a sawk moa kaminawk ih zaehaih to hnuh ai batiah a oh tak.

Pawlae ma Rom märü üng kangkawng tähang tärü saite cae 4:25

Jesuh loa aicae zaehaih pongah duek hanah angpaek moa Sithaw hma-ah aicae hae kami katoeng ah oh hanah duekhaih thung hoitoah angthawksak let boah.

1 Korin 11:2

Nangcae loa kai hae nang pahnet o ai roe moa kang paek o patoeng ih kang patukhaih ihnawk to na pazui o pongah kang pakoeh o.

1 Korin 11:23

Kawmawtiah nangcae khaeah kang paek ih kang patukhaih ih loa Angraeng khae hoi-ih ka hak ih ni: Angraeng Jesuh mah Angmah to a naeh o duem ah takaw kae to a lak moa,

2 Korin 5:21

Khrih loa zaehaih to tawn ai, to-e aicae hanih pongah Sithaw mah anih to kami kazae ah a coenghsak; totitoah Khrih hoiah angpaehhaih ranghoiah Sithaw toenghaih to aicae mah abo o thai toeng tih.

Galati 1:12

Kami khae hoitoah ka hak ih na ai ni, amimah doeh kai hae ang patuk ai. Jesuh angmah kai khaeah taphong ih ni.

Galati 1:4

Vaihang tue kasae thung hoitoah aicae to loihsak hanah Khrih loa Pa Sithaw koehhaih to pazui moa aicae zaehaih pongah a hinghaih to a paek.

Galati 3:13

To-e Tawklok mah angzoh haih ih tangoenghaih thung hoitoah Khrih mah pahlong boah; kawmawtiah Cabu Kacai mah, “Ami doeh thing nuiah bangah ka om loa Sithaw ih tangoenghaih hlimah ka om ni,” tiah a thuih.

Ephesi 1:7

Kawmawtiah Khrih ih athii ranghoiah aicae loa loih o boah, aicae zaehaih ih tahmen ah oh boah. Sithaw tahmenhaih ih loa a lenh parai,

Ephesi 5:2

Khrih mah aicae hae ang palung moa Sithaw mah koeh ih angbawnhaih hoi hmuihoih tahlang ih batih toengah a hinghaih ang paek pongah nangcae hinghaih to amlunghaih ih mah uk na soe.

Hebrai 5:1

Qaihma Kalen boiboih loa angmah kaminawk thungih qoih iah oh moa anihcae zuengah Sithaw tok ka sah hanah suek ah oh moa anih ih tok loa angbawnhaih sak hoi zae pongah hmuenpaek tahlang hae ni.

Hebrai 5:3

Kawmawtiah anih loa vawthaih ih to a tawnh pongah mipui zaehaih khueh aiah angmah ih zaehaih to doeh angbawnhaih sak han angaih.

1 Piter 1:11

Atue to natuek na-ah maw om tih, tihoi kawbangah maw om tih tito pakrong han azom o. Ahi tue hae loa anihcae thungih Khrih Pakhra mah takhi pae ih tue ni. Pakhra mah loa Khrih pauep hanih patang khanghaih hoi a hnuk han koi lensawkhaih to a thuihcoek boah.

1 Piter 2:24

Khrih angmah khaekhaeh mah a takbum hoiah aicae ih zaehaih to ang phawh pae o moa kraws ah to a caeh haih, topongah aicae loa zaehaih bangah loa duek o boah moa toenghaih thungah hing o boah. Anih boh ih ahma ranghoiah ngan na tui o boah.

1 Piter 3:18

Kawmawtiah Khrih loa kami zaehaih pongah vaito khawtkoeng ah a duek moa nangcae to Sithaw khaeah zaehoi hanah kami kazaenawk zuengah kami kahoih to mi boih han-iah a duek. Anih loa takngan bangah loa a duek, to-e pakhra bangah loa a hingh moa

1 Johan 2:2

Khrih angmah ranghoiah aicae zaehaih tahmenhaih ah oh moa aicae zaehaih khueh aiah mi boih ih zaehaih to doeh tahmen ah oh.

Lokphong 1:5

oep kaom panoek haih bomkung saksi, duekhaih thung hoitoah angthawksak let ah ka om hmaloe, longnui sangpahrangnawk ukkung ah doeh kaom Jesuh Khrih khae hoi-ih tahmenhaih hoi monghaih to nangcae khaeah oh na soe. Aicae hae ang palung moa a duekhaih ranghoiah aicae ih zaehaih thung hoitoah ang loihsak o boah.