Yuˇdaˆ 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Mqtav ghaqkhaer-euq lafkhoer aqyuif pyeuf-eu Mirgeqlar-aq, naef sanqpaq naeq-aer dawqja ja-eu lafkhoer, shir-euq Morseq-euq mawrdo-euq garkawv tsawrpyaerpyaer ngae, aqyawf-anr dawqdoer maqngaeq-aer yarkhaq maqdarni aer-eu, “Sanqpaq Miqyaer, nawq-anr daeq luf-ur!”

Akha

⁹ Mˬ taˆ gʼaˬ kʼehˇ deuˬ laꞈ kʼoeˇ, aˬ cawˬ naˆ maˬ tseˇ huiˬ dzehˬ mahˇ dzehˬ-eu gʼaˬ pyeuꞈ-eu Miˇkeˬlaˇ kʼawꞈ kʼoeˇ loꞈ-ehˇ maˬ ehˇ-a. Moˇseˬ-euˬ gʼawˇ mawˇ-ahˇ aˬ geu gʼaˬ geuꞈ-eu tsaˬ-eu gaˇ kawˆ-ahˇ taꞈ leˇ-awˇ, Nehꞈ sahˬ paˬ nehˬ-ehˇ aˬ yawꞈ ceh dzaˬ ngeh, Miˇkeˬlaˇ aˬ yawꞈ Nehꞈsahˬpaˬ-ahˇ dawˬ doeˇ maˬ ngehˬ nehˬ peuˬ ni, “Sahˬpaˬ Miˬyehˇ neh bi dehˬ luꞈ-uˇ” lehˇ tehꞈ-ehˇ ehˇ nehˬ-euˬ meh.

Yuˇdaˆ 1:9 ပူးပေါင်းရင်းမြစ်များ

Maˬkuˆ 15:29

Khoergar nae irtsaev lartsaev luf-eu tsawrhaq deuq naqlaf zeuvzeuv-aer, Yeqsur-anr yaeqbawq saerlu-aer heulof-aer aernaeq-eu mae, “Aqheur-eu! Nawr-aq, uqduq tanqnymr nymrma-anr pyavdzae-awr, smq nan-euq lafkhoer tsovpar ma laer aer-eu mae.

1 Teˇsaˬloˇni 4:16

Aqjeq mirnae aernar-aq, Sanqpaq Yeqsur, mq-euq khoertav nae zafkale ngae, dawq bif-eu tersar gurdov lef-awr, mqtav ghaqkhaer yawhuiq ghaq-euq tersar hawr-eu Miqyaer-euq darhae tersar manrdovlef taef-a. Khoerngae, Kali-euq lafkhoer shir-euq deuq jeqhu ghofdaeflar taef-a.

1 Beˬtuˆluˆ 3:9

Aqcawq yawdoer jeq janrlar-eu khawf, yawdoer jeq taq janrkhofnaeq. Aqcawq dawqdoer ngaeqlar khawf, dawqdoer maq ngaeqkhof naeqni, dawq ngaeqghae naeq-awq. Miqyaer-aq, nawmaf-anr guiqlanq-euq jeqbir biza-eu laer kur-euq mae laer siqnya-awq.

2 Beˬtuˆluˆ 2:11

Mqtav ghaqkhaer deuq-aq, aqyawf maf-euq navmaqtser ghaq khavdzaeq-awr, baoq huiqdzaeq-eu khawf, Sanqpaq Miqyaer-euq maeqshi khoerdeuq-euq yawlaeq yaeqbawq saerlu-aer aeraer-aer maq daqler-a.

Panmaeq 12:7

Khoerngae, mq-euq khoertav guirdeuv deuv-euq mae. Mirgeqlar hawr-eu aqyawf-euq mqtav ghaqkhaer deuq byavyanq khoermawr-anr guirdeuv deuv-euq mae. Byavyanq khoermawr khawf aqyawf-euq mqtav ghaqkhaer deuq sheuq-awr deuv-euq mae.