Yuˇdaˆ 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Sordoq, Gormorlav hawr-eu dawqpae jav-eu meuqdeuq-anr jawr-eu tsawrhaq, yawqha-euq mawrdo maqtsaq-eu lafkhoer banq-awr joe-eu jeq-anr a’naeq-awr, shiqshaq-anr taf-eu aqcawq maqmr-eu jeq-euq maeqnan cantae-euq mirnae, hawgeuf dzawgeufduq pyeufni, miv-ir-eu maqbawni dof-eu miqdzaq nae janrkhof naeq-eu lafkhoer, khaeq-awr khav-eu gar yadaq-euq lof-aer, aqyawfmaf khawf yadaq taef-a.

Akha

⁷ Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.

Yuˇdaˆ 1:7 ပူးပေါင်းရင်းမြစ်များ

Maꞈtehˬ 10:15

Ngar, nawmaf-anr aqdirma-aer aernaeq nyar, yarkhaqdar ngae nan, meuq khoermeuq-aq, Sordoq hawr-eu Gormorlav mirtsaq navmaqtser yadaq taef-a.

Maꞈtehˬ 11:24

Aerkhawf, ngar, nawmaf-anr aernaeq nyar, yarkhaqdar ngae nan, Sordoq meuq-aq, nawmaf nav-aer maqya daq-ar.”

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Luˇkaꞈ 17:29

Aerkhawf, Lortav, Sordoq-anr nae dov-ir ngae nan, mq-anr nae miqdzaq hawr-eu miqdzar dzarshuir gale-awr, aqyawfmaf dawqtawv luf-anr lavcawv jir-euq mae.

1 Gawˇliˬtu 6:9

Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

2 Teˇsaˬloˇni 1:7

nuima maqsar-aer ya daqluf-eu nawmaf-anr nga’maf naeq-aer ghaqnaq binaq-eu tsaq mae laer Miqyaer noeqtaq-euq mae. Khoerngae, miqdzaq miqlmr-euq lafkhoer Sanqpaq Yeqsur hawr-eu baoq huiq-eu aqyawf-euq mqtav ghaqkhaer deuq naeq-aer mq-anr nae bi dovle-awr,

2 Teˇsaˬloˇni 1:8

Miqyaer-anr maq siqnya-eu tsawrhaq-anr hawr-eu aqdui-euq Sanqpaq Yeqsur-euq guiqlanq dawq-anr maq narhaq geuf-eu tsawrhaq-anr yarkhaq darnaeq taef-a.

2 Beˬtuˆluˆ 2:2

Tsawrhaq ghawqmya’ni, aqyawf maf-euq cawv-ir-eu garma-anr cantae taef-a. Aqyawf maf-euq baqda’nae, aqcawq, yawtsaq yawdawr-euq garma-anr yaeqbawq saerlu-aer aer taef-a.

2 Beˬtuˆluˆ 2:6

Sordoq hawr-eu Gormorlav khawf, cawvjir-eu gar keuvni darnaeq-awr, khaqlaertsar bi pyeufjir-euq mae. Khoer-aq, aqkar Miqyaer-anr yawzeu maqbaw-eu tsawrhaq deuq, bi hawgeuf bi dzawgeuf-eu gharduq mae.

2 Beˬtuˆluˆ 3:7

Nymq-mr javluf-eu mq hawr-eu mir-anr khawf, Yaerdawq aqyawf tiqdawq nae jeqhmq taq-euq mae. Heu-aq, Miqyaer-anr yawzeu maqbaw-eu tsawrhaq-anr yarkhaq dar-awr, lavcawv ngae nan keuvni miqdzaq-euq gharduq jeqhmq taq-euq mae.