Yuˇdaˆ 1:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Nawmaf sanqtif maqya tifni, Miqyaer, nawmaf-anr bosav nya-eu mae. Nawmaf iqbax taqkhar maqza-eu tsawrhaq lof-aer laqkhaq caertavni, Aqyawf-euq yawshaef khanqsaer byan-eu maeqshi yajawrni, Aqyawf sheuqkeuv naeqlaf luf-ur.

Akha

²⁴ Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.

Yuˇdaˆ 1:24 ပူးပေါင်းရင်းမြစ်များ

Jaceuq 21:6

Nawr, aqyawf-anr mqmaq maqbyav yarzir guiqlanq biza duidui-awr; Nawq-euq maeqshi, nawr, aqyawf-anr laqkhaq yawkhav-aer bicaer-euq mae.

Jaceuq 43:4

Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Maꞈtehˬ 19:28

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, yawqjeq navluf yawshuif parlar-awr, Tsawrhaq-euq Zaqyo, aqyawf-euq yawshaef khanqsaer huiq-eu nuirmanq-anr nuir ngae, ngaq-euq maeqnan cantae-eu nawmaf khawf, nuirmanq 12 manq-anr nuir-awr, Irsaqleqlav tsawrjeuq 12 jeuq-anr yarkhaq yadar taef-a.

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Maꞈtehˬ 5:12

Laqkhaq caer-awr lurgha caergha-awq. Aqjeq mirnae aernar-aq, mq-euq khoertav nawmaf-euq mrpoeq lafsawq ghawqmya’ni jav-eu mae. Nawmaf-euq maeqhu daefyaf-euq Miqyaer gharduq ngaeqdan-eu tsawrhaq deuq-anr khawf, aqcawq, aqyawf maf-anr khoerlof-aer khaeqnaeq khavnaeq-euq mae.

Luˇkaꞈ 9:26

Aqsur ghaq maqkaq, ngaq-anr hawr-eu ngaq-euq dawq-anr shafdawr nar-aq, Tsawrhaq-euq Zaqyo khawf, aqyawf-euq yawshaef khanqsaer-euq lafkhoer maqaer, Aqda Miqyaer hawr-eu shawr-eu mqtav ghaqkhaer-euq yawshaef khanqsaer-euq lafkhoer maqaer zafkale ngae, tsawrhaq khoerghaq-anr shafdawr taef-a.

Lormav 14:4

Aqcawq-euq kuirlaf zaqkhav-anr yarkhaqdar paq-aer nawr aqsur ghaq le? Aqyawf yawfzif nya-eu hawr-eu coq-ir-eu khoer-aq, aqyawf-euq yawsanr ghaq navni jav-eu mae. Aqyawf yawfzifnya taef-a. Aqjeq mirnae aernar-aq, aqyawf yawfnya’ni Sanqpaq Miqyaer janrnya-eu mae.

Lormav 8:31

Heu-euq garkawv aqdui aqjox-aer aer nmr-mq? Miqyaer, aqdui jawr-eu paw pyawq nar-aq, aqdui-anr aqsur ghaq lavtsoeqlar nya-eu?

2 Gawˇliˬtu 11:2

Miqyaer, nawmaf-anr myavnav nav-eu lof-aer, ngar khawf nawmaf-anr myavnavnav mir-a. Aqjeq mirnae aernar-aq, nawmaf-aq, zaqyo aqli tiq ghaq-anr bi danqdzaq-ir-eu laer ngaq nae aertsaev taq-euq ma. Shawrjaevni ghae-eu miqdaf dafshawr lof-aer Kali-anr nawmaf a’naeq-eu laer ma.

2 Gawˇliˬtu 4:14

Aqjeq mirnae aernar-aq, Sanqpaq Yeqsur-anr bi ghofdaef lar-euq khoerghaq, nga’maf-anr khawf Yeqsur naeq-aer tiqkawv lof-aer bi ghofdaef lar-awr, aqyawf-euq maeqshi, nga’maf-anr khawf nawmaf naeq-aer tiqkawv lof-aer yajawr taef-a laer siqnya ma.

2 Gawˇliˬtu 4:17

Nymq-mr nga’maf tiqkhaeq-euq lafkhoer ya daqluf-eu pyarsawvni ghae-eu shaqzanq heudeuq-aq, maq ciqcaev nya-eu myaq duidui-awr, mqmaq maqbyav yarzir, huiq-eu yawshaef khanqsaer-anr nga’maf-anr biza-eu gharduq mrluf-eu jeq pyeuf-eu mae.

Eˇpeˇsu 3:20

Aqdui-euq lafkhoer gar mrluf-eu aqyawf-euq baoq-anr ghoe-awr, aqdui sharnoeq-awr tanqshar nya-eu navmaqtser, ardzaeq paw-aer tiqbyan tiqlof mrpyeuf nya-eu Miqyaer-anr taqhuiq taqmanr kar-eur.

Eˇpeˇsu 5:27

Khoer-aq, marbyawf maqbaw-aer, aerkhar maqza-eu uqtaf, shawrjaevni ghae-awr, yawshaef khanqsaer byan-eu Kalizaq armur bi pyeuflar-awr, aqyawf-anr bi a’naeq-eu gharduq mae.

Gawˇlawˇsehˇ 1:22

Khoer-aq, nawmaf, Miqyaer-euq maeqshi, aerkhar maqza-aer iqbax taqkhar maqza-eu uqtaf, shawr-eu tsawrhaq lof-aer bi jawrlerni, shiqshaq baw-eu Kali-euq mawrdo shirdan-euq gar ghoe-awr janr-euq mae.

Gawˇlawˇsehˇ 1:28

Nga’maf, aqyawf-euq garkawv dawqmaeq maeq-eu-aq, tsawrhaq yawqghaq navluf, Yeqsur Kali-euq lafkhoer tsawrkhav khavlar-euq tsawrhaq lof-aer a’naeq-eu gharduq, yawqghaq navluf yanryanr-aer daefnya’ni, zaqsiq tsawrganr dawqtawvluf zmq-awr, maeqnaeq tsovnaeq luf-eu ma.

Gawˇlawˇsehˇ 3:4

Aqdui-euq daef-eu jeq pyeuf-eu Kali dovle ngae, nawmaf khawf aqyawf naeq-aer tiqkawv lof-aer yawshaef khanqsaer-euq lafkhoer dovle taef-a.

2 Tiˆmoˇseˬ 4:18

Sanqpaq Yeqsur, ngaq-anr yawdoer yawqjeq navluf-anr nae bibuq-ir naeqlaf-awr, ngar, aqyawf-euq mqtav mirkhanq-anr ya urler ngae keuvni, ngaq-anr sheuqkeuv naeqlaf taef-a. Li-eu maqbawni yawshaef khanqsaer dawqtawvluf, aqyawf-anr damqnaeq kar-eur. Aqmeq.

Yaˬkoˆ 2:10

Aqjeq mirnae aernar-aq, aqsur ghaq maqkaq, zanrdawq dawqtawv luf-euq maeqnan cantae luf-eu khawf, tiq dawq-anr sanqtif tif-euq nar-aq, aqyawf-aq, dawqtawv luf-anr mrbanq-euq mae.

1 Beˬtuˆluˆ 4:13

Nawmaf khawf, Kali naeq-aer shaqzanq yadaq caw-eu mirnae, laqkhaq caer-awq. Aqyawf-euq yawshaef khanqsaer panmaeq naeqlaf ngae, nawmaf khawf laqkhaq yacaer duidui taef-a.

2 Beˬtuˆluˆ 1:10

Khoermirnae, aqyuif aqnyir deuq-or! Miqyaer nae nawmaf-anr kur-awr, tserdov-euq jeq byacaevni dovlar paq-aer, yawkhav-aer laejae-awq. Khoerlof-aer janr nar-aq, nawmaf tiqjawr-iq sanqtif maqtif-ar.

Yuˇdaˆ 1:21

Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.

Panmaeq 14:5

Miqyaer-euq nuirmanq-euq maeqshi iqbax taqkhar maqza-eu tsawrhaq pyeuf-eu mirnae, aqyawf maf-euq khaqmae-euq lafkhoer jaqmyawf maq povmawr nya-a.