Yuˇdaˆ 1:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.

Akha

²¹ Aˬ dui-euˬ Sahˬpaˬ Yeˬsuˇ Ka li gʼawˬ shaˬ gaˬ nehˬ laꞈ-eu laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ biꞈ laꞈ gaˇ naw maꞈ loꞈ luꞈ-eu loꞈ-ehˇ, Miˬyehˇ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ yaw muiˬ-ehˇ jawˇ-awˬ.

Yuˇdaˆ 1:21 ပူးပေါင်းရင်းမြစ်များ

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Yoˇhaˬ 14:21

Ngaq nae bif-euq dawq yagaq-awr mrcaw-eu tsawrhaq-aq, ngaq-anr gaq-eu tsawrhaq mae. Ngaq-anr gaq-eu tsawrhaq-anr ngaqDa gaq taef-a. Khoeruqtaf, ngar khawf aqyawf-anr gaq-awr, ngaq-euq mawrdo aqyawf-anr byacaevni bimawr ma.”

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Lormav 5:21

Iqbax uvlanr-eu baqda’nae shir-eu gar bikeuv-awr, tsaq-awr dawr-eu jeq-anr ghoe-awr guiqlanq yawdzanr uvlanr-eu baqda’nae, aqdui-euq Sanqpaq Yeqsur Kali-anr ghoe-awr, mqmaq maqbyav yarzir daef-eu lafkhoer sheuqkeuv lef-eu mae.

Lormav 5:5

Noeqtmq-eu baqda’nae nuima yacawv-eu maqngeur-a. Aqjeq mirnae aernar-aq, aqdui-anr bifnaeq laf-euq Yawshawr Saflar, aqdui-euq nuima-euq lafkhoer, Miqyaer-euq gaq-eu jeq shaevanr naeqlaf-euq mae.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

Lormav 8:39

yawgor jeq, yawnaf jeq, khar baetaq-euq aqgeu jeq maqkaq, aqdui-euq Sanqpaq Yeqsur Kali-euq lafkhoer anr-eu, Miqyaer, aqdui-anr gaq-eu jeq-anr nae maq lavghawqlar nya-a.

2 Gawˇliˬtu 13:14

Sanqpaq Yeqsur Kali-euq guiqlanq yawdzanr, Miqyaer-euq gaq-eu jeq hawr-eu Yawshawr Saflar-euq lafkhoer cawq cawqtaf-eu jeq, nawmaf yawqghaq navluf-euq khoertav jav luf-ur. Aqmeq.

2 Teˇsaˬloˇni 3:5

Sanqpaq Miqyaer, nawmaf-euq nuima-anr Miqyaer-euq gaq-eu jeq hawr-eu Kali-euq daqcoer orcoer-eu jeq-anr bi ghovshawnya dzaeqlar luf-ur.

1 Tiˆmoˇseˬ 1:2

Jan-eu paw aqdir ngaqli pyeuf-eu Tivmorseq-anr sanqbof bofanr lef-euq ma. Aqdui-euq Aqda Miqyaer hawr-eu aqdui-euq Sanqpaq Yeqsur Kali-anr nae oe-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

2 Tiˆmoˇseˬ 1:16

Sanqpaq Yeqsur, Awqneqsiqpawq-euq nymrjir-anr ghawqshaq gaqnaeq luf-ur. Aqjeq mirnae aernar-aq, aqyawf, ngaq-anr ghawqmya pov nuima sarlarni janrnaeq laf-euq mae. Ngaq-anr shmrcav paftaq-euq gar aqyawf maq shafdawr-a.

2 Tiˆmoˇseˬ 1:18

Arnan khoernan keuvle ngae, aqyawf, Sanqpaq Yeqsur-euq ghawqshaq gaq-eu jeq za’ni, Sanqpaq Yeqsur, aqyawf-anr ghawqshaq gaqnaeq luf-ur. Ngar, Erpersu-anr jawr ngae, aqyawf, ngaq-euq gharduq kuirlaf zaqkhav arnavni geufnaeq-euq gar nawr yawmuiq-aer siqnya-eu mae.

2 Tiˆmoˇseˬ 1:2

Ngar zawr gaq-eu ngaqli Tivmorseq-anr sanqbof bofanr lef-eu ma. Aqda Miqyaer hawr-eu aqdui-euq Sanqpaq Yeqsur Kali-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

2 Tiˆmoˇseˬ 4:8

Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

2 Beˬtuˆluˆ 3:12

Nawmaf, Miqyaer-euq arnan yawkawr-aer keuvleni noeqtmq-awr dawq-awq. Arnan khoernan keuvle ngae, mq-anr miqdzaq puivluf-eu mirnae, mq guirbyov jir-awr, lanr duidui-eu baqda’nae yawqjeq navluf guirbyovjir taef-a.

1 Yoˇhaˬ 4:16

Miqyaer, aqdui-anr gaq mae laer aqdui siqnya-awr jan-eu ma. Miqyaer-aq, gaq-eu jeq pyeuf-eu mae. Gaq-eu lafkhoer jawr-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawrluf-eu mae.

1 Yoˇhaˬ 5:18

Miqyaer-euq zaq tiqghaq-iq iqbax mrmr-aer maqdaef-a laer aqdui siqnya ma. Miqyaer-anr nae daefle-euq tsawrhaq-aq, yawqhar yawqha yawmuiq-aer bosav-eu mirnae, yawcawv ghaq, aqyawf-anr maq toeqciv nya-a.

1 Yoˇhaˬ 5:21

Ngar gaq-eu zaqdeuq-or! Nawmaf tanqpanq aqma mawrkawr-anr garjaw jaw-awq. Aqmeq.

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

Yuˇdaˆ 1:22

Jan-eu maq ziflar-euq tsawrhaq tiqpavnav deuq-anr ghawqshaq gaqnaeq-awq.

Yuˇdaˆ 1:24

Nawmaf sanqtif maqya tifni, Miqyaer, nawmaf-anr bosav nya-eu mae. Nawmaf iqbax taqkhar maqza-eu tsawrhaq lof-aer laqkhaq caertavni, Aqyawf-euq yawshaef khanqsaer byan-eu maeqshi yajawrni, Aqyawf sheuqkeuv naeqlaf luf-ur.

Panmaeq 12:11

Aqyawfmaf, Yawrzaq-euq shiq hawr-eu yawqha-euq sarkir kamq-eu dawq nae, yawlaeq daqler-eu ghaq-anr ghaqler-euq mae. Aqyawf maf-aq, khoer-euq gharduq, yawqha-euq daefzir-anr ghawqcawx cawv-aer maqghaeni, shir khawf shirpeuq-eu mae.