Yuˇdaˆ 1:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aerkhawf, ngar zawr gaq-eu cawqdeuq-or! Nawmaf, shawr duidui-eu jan-eu jeq-euq lafkhoer huiqlar manrlar-awr, Yawshawr Saflar-euq lafkhoer guiqlanq shar-awq.

Akha

²⁰ Ehˇ kʼawꞈ, ngaˇ gaˬ-eu cawˬ deuˬ-oˇ, naw maꞈ-aˬ, yawˬ ha-euˬ muiˬ dui shawˇ dui dui-eu jah-eu jeˬ huiˬ laˇ mahˇ laˇ nya ni leh jeh-awˬ. Muiˬ-eu shawˇ-eu Yaw sahˇ Miˬyehˇ-euˬ baoˬ laꞈ kʼoeˇ guiˬ lahˬ shaˇ-awˬ.

Yuˇdaˆ 1:20 ပူးပေါင်းရင်းမြစ်များ

Gʼaˬkʼehˇ 15:9

Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Gʼaˬkʼehˇ 6:7

Khoernar-aq, Miqyaer-euq dawq gaqdoe-ir-awr, Yeqlursaqlaeq-euq lafkhoer zaqlanr zawr myaqlar-awr, pirma ghawqmya’ni khawf Kali-anr janlar-euq mae.

Gʼaˬkʼehˇ 9:31

Khoerngae, Yurdav mirkhanq, Gaqliqlaer mirkhanq hawr-eu Saqmaqliv mirkhanq doeni jawr-eu Kali-anr jan-eu armur deuq, nuisar of-eu lafkhoer yajawr-awr huiqlar manrlar-euq mae. Sanqpaq Miqyaer-anr yawzeu baw-awr, Yawshawr Saflar ghaq bif-eu lof-aer daefghae-eu lafkhoer, aqyawfmaf myaqlar-euq mae.

Lormav 15:2

Aqdui yawqghaq navluf, yawqha-euq dawqpae jawr-eu tsawrhaq-anr muiqni, aqyawfmaf nuikhanr shirni mrnaeq-awr bihuiq bi manrlar kar-eur.

Lormav 8:15

Nawmaf parya guvni zaqkhav-euq saflar zataq-euq maqngeur-a. Nawmaf-aq, zaq sheuqcu-eu, muiq-eu Saflar zataq-euq mae. Khoermirnae, aqdui “Aqba, Aqda-or” laer kur-eu ma.

1 Gawˇliˬtu 1:8

Aqdui-euq Sanqpaq Yeqsur Kali-euq arnan ngae nan, nawmaf-anr aerkhar maqbi za’ni, arsaqsaq ngae keuvni aqyawf, nawmaf-anr bizif naeqlaf taef-a.

1 Gawˇliˬtu 10:23

Ngar yawqjeq navluf mrkhmq ma. Aerkhawf, yawqjeq navluf-aer gardanr tsoeq-eu maqngeur-a. Ngar yawqjeq navluf mrkhmq ma. Aerkhawf, yawqjeq navluf-aer bihuiq bi manrlar-eu maqngeur-a.

1 Gawˇliˬtu 14:15

Tox-aer mar-iq, aqjox-aer janr-eu tsaq la? Ngar, saflar-euq lafkhoer guiqlanq shar-awr, ghovshaw-eu lafkhoer khawf guiqlanq shar-eu ma. Ngar, saflar-euq lafkhoer cardawq car-awr, ghovshaw-eu lafkhoer khawf cardawq car-eu ma.

1 Gawˇliˬtu 14:26

Tox-aer mar-iq, aqyuif aqnyir deuq-or! Aqjox-aer janr-eu tsaq la? Nawmaf uiqler ngae, yawqghaq navluf tiqghaq tiqjeq-aer car-awr jaceuq-eu, maeqnaeq tsovnaeq-eu, dawqbav bav-eu, panmaeq naeq-eu, dawqtsuif yurdov-eu, heudeuq mr-eu mae. Yawqjeq navluf aqcawq huiqlar manrlarni mr-awq.

Gaˬlaˬtiˆ 4:6

Nawmaf-aq, Miqyaer-euq zaq mirnae, Miqyaer, aqyawf-euq Zaqyo-euq Saflar, nawmaf-euq lafkhoer bi jawrle-awr, “Aqba, Aqda-or!” laer kur-eu mae.

Eˇpeˇsu 4:12

Heu-aq, tsawrshawr deuq-anr maeqbym-awr, guiqlanq-euq gar mr-eu mirnae, Kali-euq mawrdo bihuiq bi manrlar-eu gharduq bifnaeq laf-euq mae.

Eˇpeˇsu 4:16

Aqyawf-euq lafkhoer, mawrdo dolan-aer yoeqtsuif yawqtsuif navluf nae gheutsaf-awr dzeuftaq-euq mirnae, arsaer yawqsaer navluf, yawqha-euq gar yawqha mrluf ngae, mawrdo dolan-aer gaq-eu lafkhoer huiqlar manrlar luf-eu mae.

Eˇpeˇsu 4:29

Nawmaf-euq khaqmae-anr nae dawqdoer taqbi dovle. Yagaq-eu tsawrhaq guiqlanq yawdzanr za’ni, huiqlar manrlar-eu gar gardanr tsoeq-eu dawqmuiq ngaeq-awq.

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

Gawˇlawˇsehˇ 2:7

Nawmaf, aqyawf-euq lafkhoer duqcir ka’naf ghae-awr, tsovgordav lef-awq. Guiqlanq-anr jaceuq-eu jeq byankhar luf-eu lafkhoer, nawmaf nae yadzaw-euq lof-aer, jan-eu jeq-euq lafkhoer zifdanni jawr-awq.

1 Teˇsaˬloˇni 5:11

Khoermirnae, nymq-mr nawmaf tiqghaq tirghaq nuima sarlarni mr-awr, huiqlar manrlarni cawba luf-eu lof-aer, maeqhu paw khawf mrghae-awq.

1 Tiˆmoˇseˬ 1:4

Khoeruqtaf, dawqmawq dawqoer ja-eu hawr-eu arsaq saq-eu maqbaw-eu tsuif gui-eu gar taq narhaq’ laer aqyawf maf-anr dawq bibif-eu laer khawf ngeur ma.” Garkawv khoerdeuq-aq, jan-eu lafkhoer Miqyaer-euq gar mr-eu gar maq cawba-eu uqtaf, tsawrpyaer pyaer-eu jeq taef-aer bi dovlar-eu mae.

2 Tiˆmoˇseˬ 1:5

Nawr shawrjaevni jan-eu gar ngar noeqdov lar-euq mir-a. Nawr jan-eu heu-aq, yawbae nawqpiq Lawriv hawr-eu nawqma Urnir-euq lafkhoer anr-awr, nymq-mr nawq-euq lafkhoer khawf anr-eu gar ngar yawduq baw-eu ma.

Tiˇtuˆ 1:1

Ngar-aq, Miqyaer-euq zaqkhav hawr-eu Yeqsur Kali-euq ghaqkhaer Pawrluv ma. Miqyaer nae tserdov taq-euq tsawrhaq jan-eu jeq-anr cantae-awr, Miqyaer-anr yawzeu baw-eu yawtsaq yawdawr-anr siqnya larni,

Yaˬkoˆ 2:22

Aqyawf jan-eu naeq-aer tiqkawv lof-aer mr-awr shar-euq mae. Mr-awr shar-euq mirnae, aqyawf-euq nuijan khoer byanlar-euq mae laer mawrlar-eu maqngeur-a lor?

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

1 Yoˇhaˬ 5:4

Aqjeq mirnae aernar-aq, Miqyaer-anr nae daefle-euq yawqghaq navluf, mirtsaq-anr ghaqler-eu mae. Aqdui-euq jan-eu jeq-euq baqda’nae mirtsaq-anr ghaqler-eu ma.

Yuˇdaˆ 1:3

Ngar zawr gaq-eu cawqdeuq-or! Aqdui kakhof-eu jeq tiqkawv lof-aer za-eu garkawv, ngar nuima keuv-awr nawmaf-anr bofanr naeqlefmawf mir-a. Aerkhawf, Miqyaer nae tsawrshawr deuq-anr tiq pov bif-euq nar-aq luiv-eu jan-eu jeq-euq gharduq, nuima keuv duidui-eu lafkhoer deuv-awq laer, ghaq bif-eu tsaq nga laer noeq-awr bofanr lef-euq ma.

Panmaeq 13:10

Aqcawq-anr nyaefghae-euq tsawrhaq-aq, aqcawq nae yabi nyaefghae-awr, aqcawq-anr micaer nae saef-euq tsawrhaq-aq, micaer nae yabi saef taef-a. Heu-aq, tsawrshawr deuq orcoerni jan-eu jeq pyeuf-eu mae.