Yuˇdaˆ 1:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Tsawrhaq heudeuq-aq, dawqghof dovcoer-awr, aqgeu jeq-anr khawf aerkhar za-eu uqtaf, yawqha kharnoeq kharlov-eu lof-aer daef-eu tsawrhaq mae. Aqyawfmaf dawqma ngaeq-awr jasae-eu lafkhoer khanqsaer jaev-awr, yawqha-anr muiqni aqcawq-anr jaceuq-eu tsawrhaq mae.

Akha

¹⁶ Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.

Yuˇdaˆ 1:16 ပူးပေါင်းရင်းမြစ်များ

Jaceuq 106:25

Aqyawfmaf, Ya’we Miqyaer-euq tersar-anr maq narhaq-aer; Yawqha-euq saeqghawv-euq lafkhoer jawr-awr dawqghof dov-euq mae.

Jaceuq 15:4

Aqyawf-euq myavnuiv-aq, yawdoer yawcawv tsawrhaq-anr hawdoer-awr, Ya’we Miqyaer-anr guv-eu tsawrhaq-anr taqhuiq-eu uqtaf, Yawqha nae kamq-euq jeq, yawqha-anr deuqlar-eu khawf maqpov maq parlar-eu tsawrhaq,

Jaceuq 17:10

Aqyawfmaf, nuima piqtaeq-awr ghawqshaq gaq-eu jeq maqanr-aer, Aqyawf maf-euq khaqmae-aq, janrghae-eu dawq ngaeq-eu mae.

Jaceuq 73:8

Aqyawfmaf, nuima huiq-eu jeq ngaeq-awr, Aqcawq-anr nyaefsuf-eu garkawv, aqjaf jafdoer-awr yawcawv jeq ngaeq-eu mae.

Dawqdaq 28:21

Myavpyawq huiqnyir tser-eu-aq, maqmuiq-a. Aerkhawf, tiqghaqnav, kaqmur tiq pyaeq-euq baqda’nae, Yawbanq yawlaeq mrnya-eu mae.

Luˇkaꞈ 15:2

Khoerngae, Paqliqsaer deuq hawr-eu zanr maeq-eu deuq tor-eu, “Tsawrhaq heughaq-aq, iqbaxzaq-anr hageuf-awr, aqyawfmaf naeq-aer tiqkawv lof-aer hawq par dzaqtaf-eu nga siq.”

Luˇkaꞈ 19:7

Tsawrhaq dawqtawvluf khoer-anr ya’mawr ngae jabu jadoer-awr aer-eu, “Aqyawf, iqbaxzaq-euq daqyan geuf-ir-eu nga.”

Luˇkaꞈ 5:30

Khoerngae, aqyawf maf-euq zanr maeq-eu deuq hawr-eu Paqliqsaer deuq-aq, Yeqsur-euq zaqlanr deuq-anr jabu jadoer-eu lafkhoer aer-eu, “Nawmaf aqjeq mirnae jeq taf-eu tsawrhaq hawr-eu iqbaxzaq deuq naeq-aer dzaqtaf dawrtaf-eu le?”

Yoˇhaˬ 6:41

Yeqsur, “Ngar-aq, mq-euq khoertav nae oe-euq kaqmur ma” laer aer-eu mirnae, Yurdav tsawrhaq, aqyawf-anr dawqghof dov-eu mae.

Yoˇhaˬ 6:61

Zaqlanr deuq garkawv khoer-anr dawqghof dovluf-eu gar Yeqsur nuima-euq lafkhoer siqnya-awr, aqyawf maf-anr heulof-aer aernaeq-euq mae, “Dawq heudawq, nawmaf-euq gharduq sanqtif tif-eu jeq pyeuf-eu nya lor?

1 Gawˇliˬtu 10:10

Aqyawfmaf tiqpavnav deuq dawqghof dov-euq lof-aer nawmaf dawqghof taqdov. Aqyawfmaf dawqghof dov-euq mirnae, lavcawv-eu ghaq nae bi lavcawv-euq mae.

Gaˬlaˬtiˆ 5:16

Khoermirnae, ngar, heulof-aer aermawf mir-a. Nawmaf shiqshaq-euq nuikhanr-anr maqya mrcawni, muiq-eu Saflar-euq lafkhoer can-awq.

Gaˬlaˬtiˆ 5:24

Yeqsur Kali-anr khartaf-eu tsawrhaq deuq-aq, shiqshaq naeq-aer shiqshaq-euq nuinoeq nuilov hawr-eu nuikhanr dawqtawvluf lafyaq-euq khoertav taftaeq-euq mae.

Piˇliˇpiˆ 2:14

Nawmaf kharmr kharshar-eu jeq-euq lafkhoer, tiqghaq tirghaq dawqghof maqdov-aer tsawrpyaer maqpyaerni mr-awq.

1 Teˇsaˬloˇni 4:5

Miqyaer-anr maq siqnya-eu aqcawq tsawrjeuq tsawrca deuq lof-aer, yawqha-euq nuikhanr lavshir-eu laer khar daefmawf-eu lof-aer taqdaef.

1 Tiˆmoˇseˬ 6:5

Khoeruqtaf, sharnoeq sharsawx nya-eu nuima cawv-ir-awr, yawtsaq yawdawr jeq maqpar anr-eu tsawrhaq deuq-euq yawkaq, tsawrpyaer pyaer-eu jeq bi dovlar-eu mae. Aqyawfmaf, Miqyaer-anr yawzeu baw-eu jeq-aq, jirjeuq jeuqlar taef-a laer noeqtaq-euq mae. Nawr khoerlof-aer ghae-eu tsawrhaq-anr garjaw jaw-awq.

2 Tiˆmoˇseˬ 4:3

Aqjeq mirnae aernar-aq, tsaq-awr tsanr-eu dawqmaeq dawqtsov-anr maq narhaq nanr-eu aryamq keuvle taef-a. Aqyawfmaf narhaq mawf-eu jeq taef-aer narhaq-awr, yawqha-euq nuima-anr tsaqni maeq-awr tsov-eu saqlaq ghawqmya ghaq povuiq taef-a.

1 Beˬtuˆluˆ 1:14

Aerdawq narhaq geuf-eu zaq lof-aer daef-awq. Dzeurlaf ngae, nawmaf tiqjeq-iq maq siqnya-eu mirnae, yawqha-euq nuikhanr geuf-awr daef-euq lof-aer taqdaef.

1 Beˬtuˆluˆ 2:11

Ngar zawr gaq-eu aqyuif aqnyir deuq-or! Nawmaf-aq, aqcawq mirkhanq-anr jawrnaq mr-awr jawrzar sharpov luf-eu daqyan mae. Ngar, nawmaf-anr heulof-aer shar-eu ma, nawmaf-euq nuima saflar-anr guirdeuv deuvluf-eu shiqshaq-euq nuikhanr deuq-anr byaerdzae-awq.

1 Beˬtuˆluˆ 4:2

Nawmaf nuima khoerlof-aer taq nar-aq, maeqhu paw daefdavlef ngae, tsawrhaq-euq shiqshaq-euq nuikhanr maqpar geuf-aer, Miqyaer nuima tsaq-eu lof-aer geuf-eu mae.

2 Beˬtuˆluˆ 2:10

Aqcawq-anr navmaqtser, aryaq-euq uqmov maq jawrmawf-aer, jawflafni ghae-eu shiqshaq-euq nuikhanr-euq maeqnan cantae-eu tsawrhaq-anr khaeqnaeq khavnaeq taef-a. Tsawrhaq heudeuq-aq, nuima huiq-awr yawqha-euq nuikhanr taef-aer geuf-eu mae. Aqyawfmaf, khanqsaer jav-eu deuq-anr khawf maqguvni dawqdoer ngaeq-eu mae.

2 Beˬtuˆluˆ 2:18

Aqyawfmaf gardanr maqtsoeq-aer jasae-eu dawq ngaeq-awr, yawbanq-euq lafkhoer daef-euq gar nae caevdzeur-euq deuq-anr, jawflafni ghae-eu jeq hawr-eu shiqshaq-euq nuikhanr deuq nae murtawv luf-eu mae.

2 Beˬtuˆluˆ 3:3

Yawbae jeq-aq heulof-aer siqnya-awq. Arsaq saq-eu arnan aryamq-anr, yawqha-euq nuikhanr maeqnan cantae-awr, yaeqbawq-aer aqjaf jaf-eu tsawrhaq dovlar taef-a.

Yuˇdaˆ 1:15

Aqyawf, tsawrhaq yawqghaq navluf-anr yarkhaq darle-eu mae. Aqyawf maf-euq ghanrcae, Miqyaer-anr yawzeu maqbaw-eu tsawrhaq deuq nae, Miqyaer-anr yawzeu maqbaw-eu lafkhoer, Miqyaer-anr yawzeu maqbaw-eu jeq mr-euq uqtaf, Miqyaer-anr yawzeu maqbaw-eu iqbaxzaq nae, Miqyaer-anr muir-eu lafkhoer, yaeqbawq-aer ngaeq-euq jeq-euq gharduq yarkhaq darle-eu mae.”

Yuˇdaˆ 1:18

Aqyawfmaf, nawmaf-anr aernaeq-eu, “Arsaq saq-eu aryamq-euq lafkhoer, Miqyaer-anr yawzeu maqbaw-eu, yawqha-euq nuidur nuilov-anr dawqpaeq taq-awr daef-eu, aqjaf jaf-eu tsawrhaq dovlar taef-a.”