Yoˇhaˬ 7:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqjeq mirnae aernar-aq, yawqha-euq mawrdo, aqcawq-anr byacaevni bisiq-eu laer sharpov luf-eu tsawrhaq-aq, aqjeq mr-eu khawf barzaf-anr tiqjeq-iq maqmr-ar. Nawr heudeuq mr-eu le laer nar-aq, nawq-euq mawrdo, mirtsaqzaq-anr bimawr-awq lawr.”

Akha

⁴ Yawˬ ha neh mˇ-euˬ jeˬ aˬ cawˬ-ahˇ bi siˬ bi mawˇ mawꞈ-eu tsawˇ haˬ-aˬ, yawˬ ha neh mˇ-euˬ jeˬ-ahˇ maˬ zaꞈ taˬ-aˇ. Nawˇ heu loꞈ-ehˇ gʼeh-eu gaˇ deuˬ mˇ luꞈ-eu-aˬ, nawˬ-euˬ gaˇ kawˆ miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ bi siˬ jiˇ-awˬ tawˇ.”

Yoˇhaˬ 7:4 ပူးပေါင်းရင်းမြစ်များ

Maꞈtehˬ 23:5

Aqyawfmaf kharmr kharshar-eu jeq aqcawq bimawr-eu laer taef-aer mr-eu mae. Aqyawf maf-euq narkhawr hawr-eu lafdu-anr paftawf-eu, Yaerbof-euq shaqkhov pawqbaev khoerdeuq ghawqloeni gufhuiq taq-awr, paerkhanq paerdanq-anr dawqsheur ghawqmanrni guftsof taq-euq mae.

Maꞈtehˬ 4:6

aqyawf-anr aernaeq-eu, “Nawr, Miqyaer-euq Zaqyo ngeur nar-aq, tsawqka ghae-awq. Aqjeq mirnae aernar-aq, Yaerbof-euq lafkhoer boftaq-euq, ‘Sanqpaq Miqyaer, nawq-euq gharduq, Aqyawf-euq mqtav ghaqkhaer-anr khaer-awr, Nawq-euq aqkuir, khaqlo-anr maqya gazawni, Aqyawf maf-euq aqlaf, nawq-anr ciq taef-a.’ ” (Jc 91:11-12)

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 6:5

“Nawmaf guiqlanqshar ngae, yawmuiq janrgeuf-eu tsawrhaq lof-aer taqghae. Aqyawf maf-aq, aqcawq bimawr-eu laer dirdaq-aer zanrdawq khawqnymr-euq lafkhoer hawr-eu garma gartsmr-anr yawf-awr guiqlanq sharmawf-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Luˇkaꞈ 6:45

Tsawrhaq yawmuiq deuq-aq, aqyawf-euq nuima-euq lafkhoer, myawqganq yawmuiq shardawv taq-euq gar nae, yawmuiq jeq yurdov laf-eu mae. Tsawrhaq yawdoer deuq-aq, aqyawf-euq nuima-euq lafkhoer myawqganq yawdoer shardawv taq-euq gar nae, yawdoer jeq ngaeqdov laf-eu mae. Aqjeq mirnae aernar-aq, nuima-euq lafkhoer khardawvbyan taq-euq jeq, khaqmae-anr ngaeqdov laf-eu mae.

Yoˇhaˬ 18:20

Yeqsur, aqyawf-anr heulof-aer aerkhof naeq-euq mae, “Ngar yawzaf zaf-aer ngaeq-euq tiqjeq-iq maqjav. Ngar, mirtsaqzaq-anr byacaevni ngaeqnaeq-euq ma. Ngar aqmyanluf Yurdav tsawrhaq deuq yawqjawr navluf dzoer-eu zanrdawq khawqnymr hawr-eu uqduq tanqnymr nymrma-euq lafkhoer maeqnaeq-euq ma.

Yoˇhaˬ 7:3

Khoerngae, aqyawf-euq maernmr deuq, aqyawf-anr heulof-aer aernaeq-euq mae, “Nawq-euq zaqlanr deuq khawf, nawr mrluf-eu deuq-anr ya’mawrni, heugar nae dov-ir-awr, Yurdav mirkhanq-anr ir-awq.

Yoˇhaˬ 7:5

Aqyawf-euq maernmr deuq, aqyawf-anr maqjan-eu mirnae, khoerlof-aer aer-eu mae.