Yoˇhaˬ 7:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Yeqsur, aqyawf maf-anr heulof-aer aerkhof naeq-euq mae, “Ngar maeq-eu dawqmaeq dawqtsov heu-aq, ngaq-euq dawq maqngeur, ngaq-anr khaerghae lef-euq ghaq-euq dawq mae.

Akha

¹⁶ Yeˬsuˇ ehˇ-eu, “Ngaˇ mehˬ-eu heu-aˬ, ngaˬ-euˬ dawˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ Miˬyehˇ-euˬ dawˬ meh.

Yoˇhaˬ 7:16 ပူးပေါင်းရင်းမြစ်များ

Yoˇhaˬ 14:10

Ngar, Aqda-euq lafkhoer jawr-awr, Aqda, ngaq-euq lafkhoer jawr-eu mae laer nawr maqjan-eu le lor? Ngar, nawmaf-anr aernaeq-eu dawqdeuq-aq, ngaq-euq aryaq zmq-awr aer-eu maqngeur. Aerkhawf, ngaq-euq lafkhoer jawr-eu Aqda, aqyawf-euq gar heudeuq mrluf-eu mae.

Yoˇhaˬ 14:24

Ngaq-anr maqgaq-eu tsawrhaq-aq, ngaq-euq dawq-anr maq mrcaw-ar. Nawmaf ya gaqluf-eu dawq heu-aq, ngaq-euq dawq maqngeur, ngaq-anr khaerghae lef-euq Aqda Miqyaer-euq dawq mae.

Yoˇhaˬ 17:14

Ngar, aqyawf maf-anr nawq-euq dawq bif-euq ma. Ngar, mirtsaq-anr maqtaf-eu lof-aer, aqyawfmaf khawf mirtsaq-anr maqtaf-eu mirnae, mirtsaqzaq, aqyawf maf-anr byae-eu mae.

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Yoˇhaˬ 3:11

Ngar, nawq-anr aqdir aqmar aernaeq nyar, nga’maf siqluf-eu garkawv nga’maf ja-awr, nga’maf mawrluf-eu garkawv nga’maf sarkir kamq-eu ma. Aerkhawf, nga’maf sarkir kamq-eu gar nawmaf maq hageuf-a.

Yoˇhaˬ 3:31

“Mq-anr nae oe-euq ghaq-aq, dawqtawv luf-euq khoertav huiqdzaeq-eu ghaq mae. Mirtsaq-anr nae dovlar-euq ghaq-aq, mirtsaq-anr taf-awr, mirtsaq-euq garkawv taef-aer ngaeq-awr tmr-eu mae. Mq-anr nae oe-euq ghaq-aq, dawqtawv luf-euq khoertav huiqdzaeq-eu ghaq mae.

Yoˇhaˬ 5:30

“Ngar-aq, yawqha yawqha tiqjeq-iq maq mrnya nya. Ngaq nae yagaq-euq lof-aer ngar yarkhaq dar-eu ma. Ngaq nae yarkhaq dar-euq-aq, tsaq-awr dawr-eu ma. Aqjeq mirnae aernar-aq, ngar-aq, ngar nuima tsaq-eu lof-aer mr-eu maqngeur, ngaq-anr khaerghae lef-euq Aqda nuima tsaq-eu lof-aer mr-eu ma.

Yoˇhaˬ 6:44

Ngaq-anr khaerghae lef-euq Aqda Miqyaer nae ngar jawr-eu gar maq gheulaf-euq nar-aq, tsawrhaq tiqghaq-iq ngar jawr-eu gar maq larnya-a! Khoeruqtaf, arsaqsaq ngae nan, ngar, aqyawf-anr bi ghofdaeflar ma.

Yoˇhaˬ 8:28

Khoermirnae, Yeqsur, aqyawf maf-anr heulof-aer aernaeq-euq mae: “Nawmaf, Tsawrhaq-euq Zaqyo-anr khanqtur ngae, ngar-aq, khoerghaq ngar-a laer siqnya-eu uqtaf, ngar-aq, yawqha yawqha taef-aer tiqjeq-iq maqmr-aer, ngaqDa nae ngaq-anr maeq-euq lof-aer ngar heudeuq aer-eu ngar-a laer nawmaf yasiq taef-a.

2 Yoˇhaˬ 1:9

Kali-euq dawqmaeq dawqtsov-euq lafkhoer maqdaefni, daefbanq daeflaeq-eu aqsur ghaq maqkaq, aqyawf-euq lafkhoer Miqyaer maqjawr-a. Kali-euq dawqmaeq dawqtsov-euq lafkhoer daef-eu aqsur ghaq maqkaq, Aqda Miqyaer hawr-eu Zaqyo-anr taf-eu mae.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.